脆香雞扒配庫司庫司, 紅酒牛乾菌汁

親子丼 (滑蛋雞肉飯)

日式生薑牛肉飯

牛油拌飯 (バターライス)

牛肝菌意大利飯

前幾日我都不知幾開心有朋友話鍾意我煮既意大利飯

所以一不做二不休，見屋企仲有咁多意大利飯

一於煮多幾餐，唔洗搞到d 飯 發霉

之前我都0係 city super 買過 lee 隻 乾既 菌

有好多款，有平有貴

如果講普通的話我會揀牛肝菌，都好香, 又平

都有急凍新鮮既，不過香味一定係乾左最香

用之前 15分鐘 用水浸， 多少少水都冇所謂

因為一陣煮果時要用 lee 碗水代替雞湯 煮飯

洋蔥粒蒜蓉 爆香讚白酒，落事先烚幾分鐘 既意大利飯 落鑊炒一陣

之後再落 牛肝菌 炒多兩炒

然後可以 慢慢落 浸牛肝菌既水 代替雞湯

記得一路煮一路攪拌

而且記得一路煮一路試食，睇下個飯既質地

到差唔多口味果時 就落少少牛油 用埋 芝士 同埋 落多少少 洋蔥増加不同感覺

p.s. 落牛油 同芝士 前 記得唔好煮到個飯乾水, 一定要留番少少湯汁 , 咁先會 creamy 架

如果大家真係鍾意我煮意粉、煎扒、煮意粉 的話, 我再諗下有冇咩新煮意丫 ^^

平時有咩題外話都係轉左去 Facebook 講，可以 join 埋一齊講丫~

蝦油意大利飯

先睇制成品~~

買左半斤 海中蝦，搣個頭出黎 吸乾水

落幾茶匙既油 中細火 慢慢迫出蝦頭入面既鮮味

如果想快的話，可以 搣開個頭煎，不過就危險D

大約 10分鐘左右 應該都好夠架喇

如果 打開個頭炸的話, 有心機的話可以炸到好脆身

仲可以食埋添~

炸好既蝦油 持起備用

留左 少少 油 用黎 煎 蝦  (去殼)

大火煎 十多廿秒，然後 熄火 用餘溫 令蝦 煮熟

以免留失過多水份

請參考 之前 做意大利飯既方法

然後 將意大利飯 放碟

再放一兩茶匙 蝦油 及蝦肉  即可

除左做意大利飯之外，蝦油仲可以放沙律、意大利粉、忌廉湯 等

可以 整好一細樽 放雪櫃慢慢用

而 多出黎既蝦肉可以 烚 好攤凍 放左冰格 要食先拎出黎~~

平時有咩題外話都係轉左去 Facebook 講，可以 join 埋一齊講丫~

意大利飯配牛扒

星期六落左去吉之島見到 1855 牛扒番黎，二話不說買一塊番屋企 4個人分黎食

揀牛扒除左揀地區位置外，仲要睇多d 肉既色水，多唔多肥油

而 1855 既 牛扒 做好多時都做到以上最好既條件

價錢又合理，一大塊都係 100蚊左右，抵食到爛 !!

意大利飯前幾日都講過點整

我都唔再講多一次，有興趣既朋友可以去 lee 度睇番

http://blog.yahoo.com/_7UOZYSTKVV5KBWZ2HSTXMFUF5M/articles/33495/index

而今日反而想講我自己煎牛扒既心得

希望幫到大家

因為 好多時 屋企請人食西餐都會買牛扒

而煎得靚都有d 門路 先容易

不過今日就口術，講住少少先

原本我真係諗住打曬出黎，但係諗諗下冇圖睇真係好難明

在我而言，牛扒未必愈貴愈好食

而有得揀的話我都會揀 美國牛扒，覺得肉味重好多

記得煎牛扒唔好醃，一塊靚既牛扒醃左的話，食唔出個真味

鑊一定要 燒到好紅好熱，熱到出煙

牛扒落鑊前最好就入雪櫃 一陣，拎出黎落少少黑椒 同埋 鹽

再上少少生油，直接放落鑊

煎咩肉類都好，都唔會反黎反去，只會流失肉汁

睇牛扒既厚薄，簡單d 講 冇骨既牛扒 大約都係 1吋 左右 厚

大火煎 1:30 秒 反另一邊 煎 多 1:30秒 左右 就可以做到 5成熟

而所有肉類 煎好都會流失肉汁

所以最可以保留肉汁既方法 俾我 發現 有個 tips

好多廚師都會教你煎好以後放埋一邊 唔好理佢, 大約 10分鐘左右 先上碟

而我就發現 如果 將隻碟 事先 整到暖暖的話 先再放牛扒

令牛扒同碟之間既溫差冇咁大, 流出黎既肉汁都會少好多

而流出黎既肉汁 記得 上碟後"筆" 落牛扒面，好食好多架!!

平時有咩題外話都係轉左去 Facebook 講，可以 join 埋一齊講丫~

蘆筍意大利飯

早易有個blog 友問我點煮 意大利飯

我又屎忽鬼教人用一個自己都未試過既方法煮

於是同 blog 友講我星期六試左成功先再話佢先點整

都好彩, 出黎既效果比我想像中好, 而且簡單好多, 易控制好多

平時煮又話要炒香d米, 又要落好多料，煮又煮得耐

但係今次lee 個方法真係快好多!!  推介呢~

喺City Super 買左 lee 包 25蚊 既米

一包 42蚊 既 芝士，食唔曬可以放雪櫃

惠康搵到 68蚊 兩支 既 白酒，粗粗地煮野唔錯

事前準備洋蔥 切細粒，蘆筍切薄片

大約 1/4 個洋蔥， 半條好粗大既蘆筍

一份雞湯 + 一份熱水，一早準備好

都冇話準備幾多, 不過最少要 700ml 左右，有多冇少，煮起上黎冇都幾煩  (下稱雞湯)

之後既步驟唔記得影相........

搵一大煲水 白烚 意大利飯

一人份 落一撮 米都夠架喇

大火大約 烚 5分鐘，隔水準用

落少少油，爆香一半洋蔥，讚少少白酒，之後落0岩0岩烚左一陣既米

炒兩炒，之後 落少少雞湯煮一陣, 不停攪拌

一路攪, 一路用中火煮.......一路煮，見收左水又加雞湯

而且要自己不停試, 睇下d 米既生熟情度 (過程大約 10分鐘之內)

煮到0岩自己 可接受既情度 就可以 收細火, 落多少少 雞湯

再落 洋蔥，蘆筍 煮一陣, 落一撮芝士 (大約半手份量)

落少少黑椒撈兩撈 就可以上碟架喇

上碟後落多少少芝士就得架喇~~

想靚d 高級d 可以 落 少少 搣到好碎既 沙律菜

係咪 okay 簡單呢~~~~~ 試過okay 話番我知喎記得!!

蓄薯腩肉飯

2011年5月27日 上午10:51

今日到左簡單 星期 既最後一日, 亦都係最特別既一樣

一定一定一定要買超肥打邊爐果d 腩肉片

中火白鑊煎熟腩肉, 希望會出油, 留番一陣撈飯食

我用左紫心蓄薯, 蒸熟整爛, 撈落熱辣辣既白飯

再用少少蒜蓉辣椒醬, 生抽, 大量蔥花, 再落埋頭先d 豬油

完美既一碗飯, 咁就搞掂架喇..哈....

係唔係成個星期都好簡單呢?

唔知有幾多 blogger 跟住黎整呢?

如果有的話, 記得番黎講番有冇野需要改善喎

你知啦, 口味既野, 個個唔同, 希望0岩大家食啦

題外話

好耐之前睇飲食男女, 葉一南 講過

咩係無禮貌, 就係叫部長免茶送糖水

咩係勇氣, 就係去法國餐館叫人免茶送甜品

你地會有勇氣麻??  

而且仲要叫人打折 生日送甜品, 再 分成10張單黎簽咭, 為左要積分

我屋企就會有咁既情況發生喇

而且仲會成日同部長嘈, 又話d野食唔掂

又話要人送多碟餸, 仲不停鬧人

我同女皇見怪不怪, 所以一到星期六日最開心係留0係屋企

少不免都唔出去食飯, 廢事俾人認得出我, 下次冇得再去食

因為咁樣, 有好多間餐廳都唔會再去

主因係我老豆成日飲天d 屎水就發神經

酒, 識飲, 有節制就會令人放鬆

而冇節制就會令身邊人煩惱

聖水 同屎水都係 一線之差

所以我一宜以黎都好反對D人出去劈酒

又嘥錢, 又亂性, 又搞事.......

鍾意成班劈酒果d blogger 唔洗同我講有咩好處喇

我都係鍾意有節制既飲酒, 同埋唔想嘥酒

鮮蠔撈飯

2011年5月26日 上午11:05

雖然今個星期係講簡單野, 但係亦都會一日比一日難

而今次就用左急凍既蠔, 鮮凍後用生粉洗, 先可以洗得乾淨D

之後上少少生粉, 乾煎生蠔至全熟, 切粒

問鑊, 落少少蒜蓉, 少少薑蓉, 紅椒粒, 炒香, 落少少蠔油, 雞湯, 燴成杰身既汁

即可放入熱乎乎既白飯 撈黎食架喇

蠔就睇你大細啦, 你鍾意就多D囉, 好簡單, 好隨便就得架喇

鍾意食咩就落多D, 好似我咁, 鍾意食薑蓉就落左好多, 成碗都係薑味

題外話

無錯, 我食野係奄尖, 鍾意挑剔

最少我唔抵得好多人話一間餐廳有幾好食有幾出名

而去到都只係"楂流灘", 亦都可以話個人口味唔同既

但係有時d 野真係一食就知有冇用心去整

不過有時就算幾用心都好, 都未必係好食

就好似 港土茶記 咁...................

我同女皇兩丁友 星期日去試

叫左好多野番黎食, 食左 260蚊, 但係都唔覺滿足

又話d 叉燒有機, 又話 slow cook, 又話d 蛋係聽音樂

又話d 麵幾好食......又話個湯底幾濃, 又話個蛋撻幾咁好食

又話個茶幾好飲, 又話個 腐乳多士幾咁好食

又話個梅子骨幾好食............只係餐肉真係有少少特別

原來唔覺唔覺我俾左咁多機會 lee 間野

叉燒都係 再興 好食, 夠鬆夠化

蛋都係屋企好食, 最少燶邊, 同埋有蛋味, 蛋黃識流出黎, 睇黎隻雞唔鍾意d音樂

麵.................好似食橡筋咁.......冇麵粉味, 冇蛋味....好咩??

湯.....話煲足 8 個鐘先拎出黎. 真的話應該要煲 64 個鐘囉

梅子骨....算啦, 好唔掂

檸茶.......仲慘過檸水, 連檸檬味都冇, 似淨糖水

蛋撻係大火過頭, 酥皮未熟, 而且放得太耐, 個蛋散開, 完全冇蛋香

而個腐乳多士 就屋企整算啦, 細個都唔知食幾多啦我, 最少我整既多士係脆囉

唔好意思, 可能我未可以做到有機飲食

都係留番俾鍾意有機飲食既朋友去食啦

我都係食番唔健康既野算啦.............

鹹牛肉撈飯

2011年5月25日 上午10:26

睇睇下電視果時女皇話有一種味好耐都冇食過

係細路哥果時成日都會食既味, 仲話係吳君如0係電台教

原來只係鹹牛肉+蛋黃撈飯

不過我就事前煎香鹹牛肉 之後再落少少本菇 炒一陣

之後直接撈落0岩0岩煮好, 仲係好熱既飯

再打兩隻蛋黃落去.......基本上一碗飯要打兩隻

做到有少少汁既感覺先好食

鹹牛肉份量唔洗點講, 你可以煮好之後試味, 唔夠再落

大約 半儸細既鹹牛肉就夠 兩個人食架喇

係咪好簡單呢~~  冇呃你地架

題外話

今日既題外話其實唔係好題外話

反而想大家幫幫手做一個小統計

睇下大家既意見

我諗大家都有去開茶餐廳既習慣架啦

通常會叫d 咩丫, 來來去去都係 檸茶, 奶茶 果d

唔知你地有冇試過 凍檸廉呢??

即係 檸樂 既可樂變忌廉

一定要有冰, 同埋篤到d 檸檬爛曬, 搞到冇曬氣黎飲

lee 個係其中一杯, 而另一杯係

凍檸啡 - 一定要茶記沖好咖啡膽果d, 唔好揀即磨果隻

愈普通既咖啡就愈0岩架喇

檸啡其實係好耐之前成日都會聽到既飲品

不過唔知點解久而久之 變左好多做警察既人去蛇先飲既飲品

不過算啦, 反正都冇咩關係

事實上即係一杯凍咖啡 走奶 落檸檬  (最好少甜)

想大家俾兩日時間我, 真係試下覺得lee 兩杯野既感覺點?

但係要有心理準備, 因為宜家好多茶記既人都好唔專業

同埋比較上國內朋友多, 對本土茶記文化唔熟

會反問你係咩黎

仲有樣野好奇怪.!!!!

大家都知檸樂要加錢, 咁忌廉都要加係好正常姐

檸菜 加錢 都有少少唔正常架喇

唔講唔知, 好多間 檸啡 都會 加你兩蚊

次次叫黎飲果時我都火起!!!

奶茶, 檸茶之間既分別係 奶同 檸檬, 主要既係 茶

而

咖啡 同檸啡 之間都係 奶 同檸檬 既分別, 都係咖啡做主導

但係 就偏偏呃你錢 話要加你兩蚊!!

雖然我覺得好奇怪, 但係我都會叫黎飲

反而想知既係點解 奶茶 + 咖啡 就唔洗加錢!!

唔知大家明唔明我講咩~?

如果好彩有茶餐廳老闆有睇我個blog 的話

而且又知點解你地要加兩蚊的話, 真係講聲我知..

請起茶記既飲品, 其實我只係鍾意飲一樣

就係凍檸茶, 即係爆檸

10 間有 9 間既檸茶同檸水既味道差唔多一樣

糖水多過冰, 所以 我好多時會叫 凍檸茶"溶"既

希望佢可以半杯以上係茶, 先夠茶味

又或者 凍檸茶 走甜

之後再自己落砂糖, 較0岩自己鍾意既甜味

講番轉頭先, 頭先講過 凍檸廉 同埋 凍檸啡

希望大家食晏有機會試下

之後話番俾我知我既口味係唔係好奇怪

最多都係俾我呃你兩杯野飲姐, 試下啦, 冇死既

蕃茄餐肉炒飯 配溫泉蛋

2011年3月28日 上午11:45

星期六冇咩心機去買餸煮飯, 只好睇下屋企雪櫃有咩好食...........
蛋兩隻....餐肉...蕃茄仔......即煮個飯, 炒埋一齊....
不過 我都有用過下心思架.......
例如冇冷飯, 所以要用少DD 水去煮硬dd
一半餐肉切粒, 一半整碎
超多蔥白
蛋白先炒好, 蛋萎後用
蕃茄一半 打汁, 放炒飯
仲有多得廚男既介紹, 我先識整溫泉蛋
不過我都用左 12隻先成功
用屋企個 0.5L 既 保溫壺 放 82度水
再放0岩0岩雪櫃拎出黎既蛋, 焗 20分鐘


不過我覺得唔可以盡信, 因為原來好多條件要考慮
我試過 70度水, 雪蛋, 90mins 都未得
原來隻蛋令d 水降溫到 60度
我又試過 75度水 兩隻蛋 45分鐘
都係唔得, 原來都係因為隻夕令d水變凍
所以我計過, 82度, 20分鐘, 對我黎講係0岩0岩好








題外話
家中十五歲的小狗昨天離我地而去, 我們一家人會掛念著你的...
下世投胎到一注好人家吧.......請安息...

牛肉煲仔飯

2010年12月03日 上午10:34

今日開始 感覺 冬天既來臨喇 !!!!!!!!!!!
又係我最鍾意既天氣..!!!!!!
人都開心d!!!!!!
同大家跟進番 我個 iphone 大計先...
我前日諗4入去 出機果時
個哥哥同我講 " 你咁樣好唔抵喎, 要由下個月開始俾新月費喎"
我先知道原來我一直一直都冇問到既問題, 就係令到我出唔到機既問題
計計數先..... (以下既數字我唔太100% 記得)
宜家仲有 10個月先完合約
我本身 (268 +25 +12)*10 =3,050蚊 未俾既月費
但係宜家要我 轉去 最貴果個plan, 即係 (419+38)*10 =4,570
足足多出 1,520 蚊, 唔好唔記得我仲要再簽多兩年喎.....
再講丫, 都唔知出年咩世界啦, 話唔定 200蚊 無限數據用量 呢......
仲有, 個哥哥 叫我不如出一個新 number, 會抵好多...
我又唔明有幾抵喇.
又計計數先...
換句話說即係  每個月要俾 以上兩條數加埋既金額 = 7,620
都仲未計打後既日子喎.........
你就真係好抵喇.......我彩你都有味!!


又講下丫, 其實我要 3G 既台都冇咩用
我又唔見得 HSDPA 0係電話有幾快呀.
我之前用過 Peoples 都幾唔錯架
真係拍得住 HSDPA 所講既速度架
同埋 如果0係 Peoples出新 number
月費仲平好多添, 冇記錯都係 98蚊一個月咋麻
仲要係無限數據果隻喎
如果出 iphone 16G的話


Peoples :  4888+(98*24)= 7,240   i.e. HK$301 一個月
而
123 : 419+38*24= 10,968  i.e HK$457一個月


換句話說平左156蚊一個月喎!!!!
如果係出新 Number 我都0係 peoples 出啦, 平咁多...
都傻傻地既佢地~~


同埋呀, 我想0係  123 出機係因為唔想拎錢出黎咋麻
宜家咁講的話, 的洗鬼出新Number 咩,
我唔好自己上網買機, 都有病 既佢地...
自己買機又唔洗有新number , 又唔洗簽約
計番keep 住用宜家既 plan 24個月的話 , 再 加埋 iphone 錢, 都係 509蚊一個月
都平過我出新 number 丫!!!  都唔明 123 果個哥哥叫我出 新 number 有咩咁抵.....
你地話係唔係丫!!!???




材料
和牛                      200 g
飯
老抽                      一湯匙
生抽                      半湯匙
紹興酒                  一茶匙
糖                          一茶匙
薑絲                      幾塊
蔥段                       幾條




做法
1) 牛肉放入生抽老抽, 糖, 紹興酒 及 100ml 既水拌勻醃 兩小時
2) 再放大量薑絲同醃半小時
3) 煲飯, 待飯成型之後放入牛肉, 薑絲 及蔥段蓋上蓋焗 10分鐘左右 即可


食時加上生抽 / 煲仔飯豉油


如果用瓦煲的話可以睇番
http://hk.myblog.yahoo.com/speedkung/article?mid=3910


如果係用電飯煲的話, 用平時一樣就okay 架喇














東主有喜' facebook page   <-------Click here
東主有喜's 微博                 <------Click here

日式滑蛋牛肉

2010年11月24日 上午10:13

lee 個飯有少少失敗左...
原因係 我太多牛肉......而屋企又得兩隻蛋......真係 R 曬頭...
不過放心, 我打 blog 果時會 改番少少份量
唔會搞到出黎成碗都係牛肉, d 蛋又失蹤


材料 (二人份)
肥牛              半磅
蛋                  四隻
洋蔥絲          半個
日本豉油      三湯匙
味琳              兩湯匙
糖                  兩湯匙
水                   300ml
蒜片                一粒


做法
1) 爆香洋蔥同埋蒜片, 落豉油, 味琳, 糖, 水, 煮一陣
2) 落 牛肉 煮至半熟, 拎起蒜片唔要, 之後直接放發打好既蛋入鑊, 細火唔好理佢
3) 放上飯面, 搞掂, 食果時落七味粉同埋芝麻




東主有喜' facebook page   <-------Click here
東主有喜's 微博                 <------Click here

XO醬南瓜飯

2010年11月02日 上午10:17

唉呀~~~~~~~
個日生左粒飛茲.....個幾星期都未好番呀.....
仲要之前去左打邊爐.......仲痛多兩錢重......
搞到食咩都要慢慢食, 講野都慢好多......
有冇人有咩方法快d搞掂粒野~~








材料 (二人份)
南瓜粒               100g
洋蔥條               1/4個
肉碎                   100g
蒜蓉                   半粒
XO醬
蠔油
頭抽








做法
1) 豬肉先用少少生抽同 凍滾水 醃半小時
2) 蒜蓉起鑊, 爆香肉碎, 讚酒, 落南瓜, 洋蔥, 再炒至軟身, 備用
3) 煮飯 至 9 成熟, 放入先前炒好既南瓜, 煮一陣
4) 落蠔油, 頭抽, XO醬 撈起即可












題外話
覺唔覺人愈大愈多野唔順利?
好似做乜都唔俾咁
0岩0岩有個朋友話屋企人support 去 外國讀書.
讀得到當然讀啦
我屋企人果時係咁叫我去讀,
話俾埋錢我洗我都唔去
個個都話因為我唔捨得香港, 唔捨得d朋友
我一直咁耐都冇回應過
其實唔去係因為我知道我過左去都係讀唔成書番黎
到時咪仲嘥錢......
根本我就唔係一個會乖乖讀書考試既人
而且我係一個極之反對考試既人!!!
奈何, 世界就係 需要 考試........
世界就係需要讀書既証明
你一日唔拎証明, 一日都係咁難行
好喇, 到左今日 26歲既我
雖然會講讀書既重要
但係我都係唔會去讀書考試
我覺得讀書為左畢業好唔過癮囉..
當然, 又有D人會講, 你辛苦幾年就有排你過癮啦
但係可惜我連lee 幾年都過唔到呢..
最好既係, 我會好提議人地去讀書去學野
反之我就坐0係度 發 mo....哈哈
唔通lee d 就係 得把口?

牛肝菌油香帶子金蒜意大利飯

2010年10月19日 上午10:48

琴日都講過亞媽叫我清左雪櫃d野 等佢有位洗雪櫃
我見仲有白酒, 牛油, 同埋 巴馬臣芝士
二話不說睇下 個櫃有d咩..
仲有好多好多, 其中有意大利飯
再搵下見到好正既牛肝菌乾
哈!!!!   仲要睇下有冇雞湯囉
因為冇雞湯的話, 成個飯都唔好食..
好彩, 仲有一盒未開, 如果唔係我都唔會落街買番黎....
同埋到最尾發現, 原來一支白酒既質數都好重要
原來唔可以用d 酸既酒, 一定要甜少少
要厚身少少, 同埋唔好咁 乾身...
出黎既效果真係差好遠






材料 (一人份)
牛肝菌乾                 數隻    (先浸水15分鐘)  (切碎)
急凍帶子                 數隻   (先汆水)
乾蔥碎　　　　　一粒
牛油                        10g
白酒                       30ml 左右
雞湯                       300ml 左右  再加同等份量 水   = 600ml 左右
意大利飯               一手
巴馬臣芝士           30g左右
蒜蓉                      一粒


做法
1) 少少蒜蓉起鑊爆香牛肝菌 同埋乾蔥碎, 讚少少白酒
2) 落意大利飯炒香, 再落少少白酒, 中細火煮
3) 慢慢落雞湯, 少少咁落, 一路煮一路落, 煮到收水又耍落, 唔好一下落曬
4) 煮到d 飯既硬度接受, 再落 芝士 同埋  5g 牛油 搞掂喇
5) 炸金蒜, 備用
6) 留番少少金蒜油煎帶子, 大火煎香兩邊, 熄火落少少牛酒 就搞掂
7) 跟圖執位, 上枱  哈

雞油菌牛肝菌拌飯

2010年9月01日 上午10:13

Lee 期0係 sogo, jusco, city super 都好易見到d中國好靚既 菇菇...
而女皇本身又好鍾意食菇菇, 於是就氹下佢
貴少少都買...
以上既份量好少, 只夠一個人, 但係就要60蚊喇.......
不過冇所謂啦, 我煮得開心, 女皇食得開心.


材料  (一人份)
雞油菌              一撮
牛肝菌              一撮
飯                      個人喜好
牛油                 一茶匙
蒜蓉                 半粒
黑椒                 少少
蠔油                 一茶匙


做法
1) 牛肝菌雞油菌洗好切條, 起鑊落兩茶匙油炒一炒菌類
2) 聞到少少香味落蒜蓉黑辣椒, 炒多一陣落牛油即火
3) 隨即倒入剛煮好的米飯, 加上蠔油拌勻即可

http://t.sina.com.cn/speedkung

泡菜牛肋骨肉飯

2010年8月31日 上午10:12

之前咪整過薑汁牛肋骨既~~ 仲記唔記得?
今次再黎, 變奏版......


丫, 你地會唔會突然之間想飲酒架?
唔飲個人好似 唔知點咁......




材料  (二人份)
牛仔骨                  兩條
椰菜                      1/4 個
泡菜                      一株
白飯                      平時食幾多就煮幾多
生抽                      適量
紹興酒                  少少
胡椒粉                  少少
蒜蓉                      半粒


做法
1) 在未解凍之下把牛仔骨切成超薄片, 大約 2mm 左右
     如果解左凍先切係切唔到, 少少紹興酒同埋胡椒粉醃兩個鐘
2) 開易潔鑊, 落油炒牛肉, 炒至轉色讚酒落蒜蓉, 落生抽同炒(大約三茶匙) 拎起備用
3) 同一隻鑊落蒜蓉炒切好一條條既椰菜, 炒至軟身落少少鹽同埋黑椒, 牛肉回鑊
4) 隨即倒入0岩0岩 煮好既白飯拌勻泡菜即可








題外話
大家平時既早餐係食咩多架?
我成日都係食公仔麵架咋...
食黎食去都係佢..好悶...
   

油浸蕃茄乾啤酒煮意大利飯

2010年7月23日 上午10:14




原本就諗住番屋企食亞媽飯既
不過公司亞頭 四點幾五點走過黎
叫我對d 文件, 大佬呀, 我收5半架
仲話urgent要即日搞掂........
嘩, 成60頁野.......玩我咩......
搞搞下, 唔對路, 都係叫女皇番屋企食飯先, 唔好等我
都好彩, 0係我快快手手之下 八點幾搞掂番屋企
雖然番到屋企有豬扒食
不過我都係想煮野食, 搞搞下, 9:45 有得食, 食完都 10點
見雪櫃有幾條菜芯, 打開個櫃望望下先記得有包意大利米放左成年都冇食過
於是黎一個 有趣組合....哈哈 睇落去就知架喇

材料 (一人份)
意大利米          一手份量
乾蔥碎              三粒
蒜蓉                   1/5 粒
油浸蕃茄乾       一隻
啤酒                   半罐
菜芯                   5條
牛油                   5g 左右
即食芝士           兩塊       
雞湯                   一杯
水                       三杯
鹽                       半茶匙
黑辣椒               適量
肉桂粉               少量


做法 (比較唔正宗, 同埋煩)
1) 開易潔鑊落少少油爆香乾蔥碎和蒜蓉, 再炒香意大利米
2) 落1/4杯雞湯, 慢火慢慢煮, 有少少收水再落1/4杯, 重複直至一杯雞湯
3) 落一隻蕃茄落飯搗爛, 落啤酒, 慢慢煮, 再1/4杯水再煮, 收水再落
4) 落肉桂粉, 黑椒, 牛油, 試下d 飯, 睇下自己興趣, 食硬食軟
5) 唔夠軟身就可以再落少少水,
6) 夠軟身的話就可以落多少少水, 落芝士, 煮溶之後落切好既菜芯, 煮一陣搞掂


tips
1) 菜芯只係要葉, 捲切, 菜芯會為個飯帶黎清香味
2) 唔用雞湯可以用蔬菜湯
3) 可以一早將雞湯同水mix 埋
4) 其實應該係用白酒, 不過啤酒既味都幾好架

(左) 油浸蕃茄
(右) 意大利米






題外話
前兩日搭巴士番屋企見到我十年八年前好鍾意既 0靚模
佢宜家0係yahoo blog 都有一定既人氣....
不過唔知點解到我真係見到佢真人果時
感覺又冇乜特別, 只係覺得有d 假, 好似發夢咁
佢係邊個??
http://hk.myblog.yahoo.com/wwmakeup
王 穎 - 原來就係王老闆?!
以前佢讀緊書果時都好留意佢架喇
到佢同 umovie 熟左, 曝光多左
多左人搵佢影相, 又雜誌又廣告
之後慢慢唔見左佢咋麻只係

燒鴨蛋白炒飯

2010年7月19日 上午10:43

最近美心酒樓推出左個孖寶套餐, 198蚊 再加一 再茶錢, 加白飯
其中有兩樣好似好抵食咁, 冬瓜盅, 北京填鴨...
當然啦.....質數真係麻麻地, 話曬 198 蚊, 都唔要求得咁多
我地一行四人去試食, 仲叫多左個梅菜扣肉食, 而隻鴨切左出黎就斬件上
唔好嘥, 老老實實啦, 鴨就應該係炸出黎架喇, 同埋又多肥膏, 皮又唔脆
冬瓜盅似係蒸好左既冬瓜放湯就算 咁...算啦, 唔要求得咁多, 話曬咁平
同埋又唔係佢既專長.......198蚊 算係咁....最少唔會"lur" 丫
不過隻鴨就真係食唔曬喇, 原本就話唔要既
不過我就話 " 唔係喎, 拎番屋企啦, 我拆肉拎黎炒飯都好丫"
於是就做就左lee 個炒飯出黎喇




材料 (二人份)
燒鴨肉              適量
蛋                       兩隻
飯                       三碗
蔥                       大量


調味
大孖生抽            適量
蠔油                    少量


做法
1) 鴨起肉去肥留皮, 先炒蛋白備用
2) 起鑊, 落少少鴨既肥肉細火爆香至出油
3) 落飯大火快炒至每一粒飯都有油光
4) 一少一少 咁落蛋黃, 落完一次要炒到乾身先好再落另一次
5) 落鴨皮同飯一齊炒, 再落鴨肉, 蛋白
6) 調味, 落生抽少少蠔油, 炒到每一粒飯都有色, 同埋識跳, 再落蔥即可






其實炒飯都冇話定要用隔夜飯, 我都係即煲即炒
仲要係同瓦煲煲完即刻放落鑊
又唔見我炒到一pat 野咁~~
其實隔夜飯有好有唔好啦
係就係易少d炒, 不過少左d 飯香呢..
不過如果用電飯煲就唔好即刻煮完就炒喇
因為電飯煲煲出黎既飯比較濕氣重, 難度好高


題外話
大家覺唔覺得煮多左中式野~~?
因為女皇成日話我煮西式野比較好
我又唔多順氣, 俾佢 激將法
所以我宜家次次都煮中式, 等女皇冇聲出, 哈哈
女