焦糖醬配蘋果

簡單的焦糖醬加上大陸出品的富士蘋果真是一絕的飯後甜。而且焦糖醬的做法簡單易學，做起後可放雪櫃用來吃雪糕、咖啡、蛋糕 都美味可口。可惜我沒有一個準確的食譜給大家，因為焦糖最考功夫的時時間和火路的控制，兔一秒都可以變炭，少一秒都不夠香。再講，忌廉的時間要下得精準，不然變成敗局。聽起來很可怕是吧。放心，只要用細火慢煮 和 用易潔鑊的話就人人都一樣變焦糖達人呢。

材料

        白砂糖  一碗

        白開水  一湯匙

        鮮忌廉   1/4 盒

做法

(1)    開易潔鑊白鑊用最慢火煮白砂糖和白開水

(2)    煮至一定的焦糖色後熄火直接加入鮮忌廉，慢慢攪拌 後即可

貼士

(1)    雙眼千萬不要離開它

(2)    焦糖化的過程很短時間，一放眼就拜拜

(3)    熄火後焦糖一樣會慢慢變黑，小心

(4)    焦糖極高溫度，請小心

(5)    放入忌廉時會引起大量泡沫，泡沫一樣高溫小心

做多三兩次一定會成功，你都一樣可以做出美味的焦糖哦!!

意大利飯配牛扒

星期六落左去吉之島見到 1855 牛扒番黎，二話不說買一塊番屋企 4個人分黎食

揀牛扒除左揀地區位置外，仲要睇多d 肉既色水，多唔多肥油

而 1855 既 牛扒 做好多時都做到以上最好既條件

價錢又合理，一大塊都係 100蚊左右，抵食到爛 !!

意大利飯前幾日都講過點整

我都唔再講多一次，有興趣既朋友可以去 lee 度睇番

http://blog.yahoo.com/_7UOZYSTKVV5KBWZ2HSTXMFUF5M/articles/33495/index

而今日反而想講我自己煎牛扒既心得

希望幫到大家

因為 好多時 屋企請人食西餐都會買牛扒

而煎得靚都有d 門路 先容易

不過今日就口術，講住少少先

原本我真係諗住打曬出黎，但係諗諗下冇圖睇真係好難明

在我而言，牛扒未必愈貴愈好食

而有得揀的話我都會揀 美國牛扒，覺得肉味重好多

記得煎牛扒唔好醃，一塊靚既牛扒醃左的話，食唔出個真味

鑊一定要 燒到好紅好熱，熱到出煙

牛扒落鑊前最好就入雪櫃 一陣，拎出黎落少少黑椒 同埋 鹽

再上少少生油，直接放落鑊

煎咩肉類都好，都唔會反黎反去，只會流失肉汁

睇牛扒既厚薄，簡單d 講 冇骨既牛扒 大約都係 1吋 左右 厚

大火煎 1:30 秒 反另一邊 煎 多 1:30秒 左右 就可以做到 5成熟

而所有肉類 煎好都會流失肉汁

所以最可以保留肉汁既方法 俾我 發現 有個 tips

好多廚師都會教你煎好以後放埋一邊 唔好理佢, 大約 10分鐘左右 先上碟

而我就發現 如果 將隻碟 事先 整到暖暖的話 先再放牛扒

令牛扒同碟之間既溫差冇咁大, 流出黎既肉汁都會少好多

而流出黎既肉汁 記得 上碟後"筆" 落牛扒面，好食好多架!!

平時有咩題外話都係轉左去 Facebook 講，可以 join 埋一齊講丫~

雲利拿糖 (Vanilla Sugar)

2010年11月05日 上午10:56

琴日星期四放工有人叫我去飲酒...
嘩, 犀利喇....
6 點 幾飲到 9 點幾....
好彩冇嘔..........
我諗我飲左  一打 啤酒都有..
仲要冇食過野之下不停飲...犀利..犀利.....
女皇番到屋企我都差D唔知添呀..
我衫又冇換, 死屍咁訓到大天光
女皇仲話佢成晚都訓唔著, 因為我D 鼻軒 好勁, 拆樓咁
真係唔好意思喇女皇.........不過我希望你明白我啦.....
我唔係為左玩而去飲酒架....
就算真係玩, 都唔係真心開心咁玩.......




講番個 雲利拿糖 (Vanilla Sugar) 先
平時大家好多時都會用雲利拿香油既~~因為佢平又方便丫麻
我宜家同大家分享一個 幾好用既方法丫
只需要一大包砂糖, 兩枝切成一粒粒既雲利拿乾, 強力攪拌機
一次過不停咁打............打到好滑身
有個少 Tips, 如果攪拌機唔夠力的話, 可以分幾次打丫
記得一定要打得好滑身喎...
打好左之後 好好放入一個存氣既地方, 包你有排放
lee d 打好左既糖,  可以做好多野...
不過賣個關子先.......
因為我都仲諗緊...諗緊下星期出咩post
不過放心, 我會慢慢教大家用lee 樽 雲利拿糖 (Vanilla Sugar)
當你食過 真既雲利拿 之後, 你唔會再用雲利拿香油

水果酵素

水果酵素大家一定聽過
但係一定會問我點解咁遲先跟人整~
因為lee 樽野其實唔係我架, 係女皇架
但係我有份幫手整囉, 同埋係咁煩住 catherine 先可以搞得掂...哈哈
我都要0係lee 度 幫女皇同 catherine 講聲唔該曬
我開頭仲話唔飲唔飲, 唔會試
點知浸左 幾個星期, 第一個放入口既人係我
丫, 又估佢唔到喎, 原來幾好味
我同女皇都覺得可能係我地落得太多糖, 夠甜
同埋有少少酒味, 我地好鍾意
琴日又俾我上網發現左, 原來 釀酒都係咁既原理
所以琴日去左買金奇異果 試下
試下放半年會係咩樣, 聽講話 3個月有 十幾度酒精
半年有二十幾度酒精, 同埋放超過半年會變色
哈哈, 睇下點~~~~~~
到時 12月聖誕節就會知道個結果
個方法點做我諗唔洗教大家喇
因為我肯定我一定係最尾一個整既人
等所有人試過曬我先去吸收人地既經驗, 哈哈




題外話

冇呀, 冇咩特別, 只係覺得女皇個樣好可愛咋麻...哈哈
於是想同大家分享下..

瓦煲飯

2010年6月14日 上午11:58


早前見 T&P 大大 整, 我都想同大家分享下
由我出世到上兩年, 我屋企都係用瓦煲煮飯食
直至上兩年先轉用電飯煲....
你叫我用電飯煲就好似要我去死咁..
如果我自己煮飯的話, 我情願用番瓦煲
可能仲快過你地用電飯煲
有時覺得好得意, 個個朋友話去食 煲仔飯 就覺得好興奮
但係我就好冷淡, 佢地好期待有飯焦食,
我就反而希望佢唔好咁多飯焦..
咁梗係啦, 我日日都係食lee d 飯...
仲點會話出去食會有 興奮既感覺丫
用電飯煲我諗最少都要煮 20分鐘左右啦可~?
但係我由洗米到煮好食得都唔洗 15分鐘
出黎d 飯好食好多, 有米香好多, 粒粒都好活潑咁
而且粒粒都好挺身, 唔會好似 電飯煲咁一patpat 咁..

洗米果時最好比平時過多一兩次水

米要落多d, 因為會有飯焦, 冇咁見食
水份方面可以 跟番平時電飯煲既份量
[如果煮有味飯可以少dd 水, 不過都要睇你煮咩, 睇下果樣野出唔出得多水]

開大火滾起開少少蓋, 轉中火蓋上蓋, 煮 兩分鐘左右, 之後轉細火


以下果四個動作比較重要, 如果唔想煲飯燶就一定係咁做

用左細火以後, 要轉 四 邊, 記住 上下左右就okay 架喇
每一邊 30秒

到下面, 又 30秒

右面, 又30秒

左邊都 30秒
[如果 煮有味飯可以宜家落埋d料]
以上 4個 步驟 重複 一次
可以打開個蓋睇一睇, 應該都 差唔多得架喇
[如果煮有味飯, 可以俾多5分鐘火, 同埋一定要焗]
如果 濕濕地的話可以焗一焗佢10分鐘左右
如果 你見到d 飯 望落同 試下都硬更地的話
可以 落dd 咁dd 既 水, 再開細火煮 一分鐘左右 (期間要 轉邊)

出黎既飯應該會好似上面咁..

同埋個底d 飯焦係可以一塊過起出黎, 唔會燶
所有飯焦都好香脆....

你地睇下, 真係冇燶架, 仲可以一塊過, 好易起..
大家有咩唔明可以問下我
煮得一次兩次應該冇問題架喇, 我諗都係水份方面難到大家




p.s.  一定要搵個靚既瓦煲先好煮, 同埋買個煲番黎都要同豬膏開一開煲先好用




p.s. 我平時真係冇計過時間, 不過琴日女皇問" 點解你整到咁好食唔出Post 教下人"
我話" 下, 煮飯咋喎, 冇咩特別姐, 同埋我唔知份量同埋時間"
女皇" 得啦, 我幫你計囉"

屋企炸豬油, 好鬼好食....

2010年5月20日 上午11:29
炸豬油

嘩....咁今次玩d咁既野呀.... 學屎東棚教練 "他一直在玩命"
食豬油? 真係 咁食法一定過唔到 30歲....

去街市 買 / 問佢拎
當然要同佢熟先可以問佢唔洗錢拎番黎啦
佢問你要幾多, 你答佢, 炸出黎一隻碗左右啦
同埋記住叫佢俾d 爽既肥膏你, 好食好多架

番到屋企洗乾淨, 切粒粒, 一吋 x 一吋 左右差唔多架喇

開鑊, 唔洗 燒熱隻鑊, 用最最最細火 慢慢煎佢
自自然然會出油架喇..

炸到金金黃黃咁就可以拎起
唔好太過燶, 因為一陣要再番炸一次
迫番d油出黎
可以拎黎就咁食 / 食麵 / 炒粒粒

之後就可以落乾蔥, 細火炸
因為d 乾蔥比較多水份, 所以需要炸耐d
有少少金黃就可以落蝦米碎
再炸到d 乾蔥到金黃色就可以落埋d蒜蓉, 炸一陣好喇
少少咁少少既金黃色好喇, 因為之後仲會變色架

之後就可以拎起放埋一邊

or
將佢地放入樽

再落番d 豬油渣落去d 油 用大火 炸多一次
拎起, 搞掂....

"筆" 起d 油  (睇熱呀!! 真係好熱, 小心)

然後就可以"親" 佢仲係滾果時就放埋落樽,
等到佢變番室溫先好放入雪櫃
如果keep 得好, 我諗 半年都冇咩問題...
不過大前題係個樽要存氣

嘩, 豬油撈飯呀~~~

仲可以撈麵, 蒸魚, 蒸豬肉, 炒菜...好多好多.......
諗起都開心......


不過大家都唔好食咁多喇, 真係唔係咁健康......

用唔曬d 新鮮香草點處理? 教你一個 小tips

焗香草
好多時去買d新鮮香草番黎又只係用得少少
你諗下喎, 最平都 10蚊八蚊啦.....都係用果少少
如果你屋企有得種就話okay 姐
我地lee d 普通人邊得閒種丫.......
所以買番黎用唔曬既香草我唔會嘥
我會拎黎焗乾佢地, 變左乾既香草

你地睇下, 一盒咁少既細香蔥都要 9.1 蚊
一盒咁細盒既 dill 都係咁貴......
如果我一個星期煮一次, 咁用唔曬咁點呢?
就算係放0係雪櫃都放唔到 4日啦......唔好講一個星期...

預熱個焗爐100度
慢焗 10分鐘 or 焗到佢地 好輕身好脆身就搞掂架喇
dill 草可以用手搣, 唔洗用刀

但係細香蔥就要用刀切喇....
而且要切得好細粒添
細香蔥比 dill 草耐先搞掂
因為入面 比較濕, 要佢脆身需要多d時間
我諗大約 15分鐘左右啦

拿, 咁就搞掂, 係唔係好簡單先~~~
唔好心急, 慢慢黎.....
雖然冇新鮮咁香, 但係勝左 唔會嘥野囉....
做裝飾又得, 煮野又得......用黎浸油又得, 用黎放芝士面食又得......
如果用一個真係真係好存氣既 樽, 應該最少可以放 3個月仲會脆身


題外話
我出左 trip, reply 唔到大家, 唔好意思


題題外話
女皇, 小心身體呀, 我會掛住你架喇......