2010年11月11日 上午10:16
好多個月之前 0係一個 blog 入面見到lee 既樣
咁耐都冇做過出黎, 到宜家想搵番邊個blogger 都搵唔番
如果有 blog 友 見過/ 知道係邊個, 記得話番我知
我唔係有心抄, 因為我本身真係好想同大家 share lee 樣野
細個果時 好易就買到一包包外國進口既麵包乾, 好好食
唔知咩原因大大下就冇再買黎食, 可能其中一個原因係 貴左好多啦
我冇記錯宜家 jusco 都仲有得買, 但係就唔知幾錢 lu
再講, 我覺得自己整既一定仲好食過 買番黎
因為我搽左好多牛油 同埋 落左好多我自家整既雲利拿糖
同埋用超慢火, 100度 焗 足 90分鐘, 我諗只係俾爐火既錢都貴過出街買
不過就我拍心口係最好食既麵包乾, 出面街買唔到
最少 牛油都唔會好似我落咁多, 糖又唔會落, 而且仲要係落雲利拿糖
哈哈, 你地一定會話 " 車, 咁簡單, 係人都識整啦, 洗鬼你教咩"
我都知....我都明, 所以 你地今日見既post 只係 part 1
仲有聽日既 part 2, 兩樣一齊食好好食架...哈哈
咁簡單既食物, 唔洗講做法啦可~
我諗大家都明架喇
份量可加可減, 不過糖可以 多d 都得
大約一塊 四方方包 要 5g 糖 5 g 牛油
出黎就會其脆無比架喇!!!!!!!!
做完出黎既麵包乾如果放0係存氣既地方, 可以放 一星期都唔會霖架
聽日到左雲利拿糖系列既最後一日
點呀!!?? 頂住呀~~ 仲有一日咋
我都驚大家睇都睇到悶, 何況 我同女皇做食果個.... 哈哈..
題外話
成日有人問我 買相機既野
老實講, 我對相機冇咩認識
用黎用去都係果部單鏡, 有咩新野都冇咩留意
今日就講下相機啦!!! 嘿!!
你仲問我 N 記 好 定 C記好
唔好意思, 如果真係問我的話
我會叫你是但買部平既機, 貴既鏡頭
因為平既鏡頭無論色彩還完, 銳度, 吸光能力 都會差好遠
老實講, 你買咩 機身 都唔係問題
要留意既只係 你身邊朋友 用咩機多
因為 如果個個都用 C記, 你用 N 記的話
咁會少左好多機會去試新野, 同埋 知道更多既既新產品
有d 人話不如平平地買支 kit 鏡 玩下先啦
老實講, 好少可聽到有一支 kit 鏡係有高質數
不如等下 百記 豐記 果d 做 舊款超特價果時 買啦
有時舊款會平一半以上, 反之......
靚既鏡頭好多時都係會愈黎愈貴
揀0岩自己心水鏡就買喇, 唔好等佢會平呀~
咁當然啦, 有d 地方, 例如旺角 永成 會平d
去 dcfever 買會平d, 唔好以為平d 就質數/服務有問題
佢地反而仲識野多過百記 豐記, 同埋會好用心教你點用
幾萬蚊既一支鏡又教, 幾百蚊既 鏡 又教
最怕你唔買, 不過如果係 機身, 我都係會 叫大家去lee度買喇
都係去番百記 豐記 啦 有信心d
拿, 又講下鏡頭喇, 鏡頭都有分好多唔同既功能
有 wide, 有 tele, 有 marco, 有大光圈, 有魚眼, 有定焦....真係好多好多
最重要睇你影咩多, 風景? close up? 背景溶化? etc........
你問我邊支鏡我就唔敢講喇
因為 我好老土, 只係用兩支鏡.....其他野就不問世事
但係邊一個牌子都好, 都一定有d 靚既鏡頭
講住咁多先....公司 有線眼, 都係 做下野好d...哈哈
0岩0岩0係 facebook 開左個 page, 希望大家入黎 "like" 啦
東主有喜' facebook page <-------Click here
同埋我亦都諗住開始玩 微博, 大家可以關注我, 睇我平時做緊乜丫
東主有喜's 微博 <------Click here
宜家冇咩人 關注 同埋 like 架咋
有你地支持, 我會有更多既動力
