日式咖哩雞肉飯 (鶏カレー)

親子丼 (滑蛋雞肉飯)

日式生薑牛肉飯

牛油拌飯 (バターライス)

日式薯仔煮牛肉

味噌湯

味增燒汁煎三文魚

日式浸茄子

由今天起一連五天介紹有關於簡單日式食品，頭一天是我最愛我茄子

而這一個茄子簡單易做，時間是最重要的一方面

而最理想的食法是冷著吃，所以可以早一天煮好放雪櫃留著 ^^

日式煮法中離不開味琳，味琳是一種糯米做成帶甜的煮食用酒

而日式豉油都是另一樣重要的日本味道

這一道小吃味道偏甜，所以砂糖的比重會高一點

用小煲燒水，三份水 : 一份豉油 : 一份味琳 : 半份糖

茄子方面可以揀日式的和中式的

我慳家，所以買了中式的茄子，茄子最重要揀肥肥的為好

然後將茄子切之，簡單的一段段切就可以了

開大火蓋上蓋煮五分鐘左右，其後焗十分鐘左右，重複三次

茄子會由白色變成圖中的，為之可以

如果未有變色則重複以上步驟致成功

煮好的茄子攤凍就可以準備上碟

最後放上少少木魚絲，大成功!!!!

後記: 如果講究少少可以右少少木魚粉一起浸焗，會更香口。 我將茄子切三段的原因是擺碟比較美觀，但就煮食時間上比較慢，故有興趣的朋友可以滾刀切之。另外茄子份量方面大約一人兩條中式茄子。

-----Bon Appétit-----

日式炆豬寸骨

2011年6月29日 上午11:15

上次42蚊買左十幾廿隻 豬寸骨番黎, 放左0係冰箱太耐

係時候要清清佢, 又冇咩時間醃, 所以用炆既方式

希望快d入味, 減少醃肉時間

同埋我解凍之後用刀篤左幾個 "loan"  理論上會仲快入味

簡單用 1份味琳, 2份日本豉油, 3份水, 4粒連"衣"蒜, 5塊薑片

細火煮 6個字, 熄火焗7個字, 8下軟身未, 9等咁耐, 10分好食

題外話

之前咪講過 apple 既 apps store 有個叫 女人愛晒 既 apps download 既

其實大家仲有冇睇???   同埋覺得點???

講明, 唔係幫佢宣傳, 不過如果唔知我講咩既, 可以0係 主頁既 左手邊 搵條 link

個人而言......我仲係對lee 個 apps 有保留...........我想知多d 你地既意見. (認真)

仲有仲有.........另一樣想問下大家其實鍾意睇 blog 定係 facebook 既 fan page 多d?

雖然自己都有整 fan page, 不過就冇咩理佢..

日式檸檬豬扒

2011年6月07日 上午10:57

日式檸檬豬扒

我要承認我真係好怕熱, 一熱就成個人冇咩力

就算屋企點開冷熱都好, 一樣會出汗

而且廚房係一個冷氣去唔到既地方

仲要開爐煮野食, 你都咪話亞媽唔叻

日日都要煮飯, 幾凍幾熱都要煮, 犀利!!

E記之前話天口熱, 煮d 酸野食開胃吓

我仲話開冷氣食咪得囉

點知lee 期 真係熱到我發神經!!!

我情願出街食, 人地煮人地洗碗算喇

入一入廚房就好似玩完高溫 yoga 咁......

冇計, 真係要煮d 酸味味 / 清淡既野

就好似 lee 碟咁, 用左日式醬料 再加成個檸檬既汁

食完咩悶氣都冇曬!!

我用左普通 cheap cheap 冰鮮豬扒, 肉質麻麻地, 又冇咩肉味...

下次都係用番貴少少既 黑毛豬先~~  唔想 嘥自己 quota

不過味道非常之好!!  好啱配飯. 味道有少少似 京都骨

所以唔用豬扒都可以用 排骨 架

做法大約係咁既~~

.

.

.

.

.

三塊梅頭豬扒用半個檸檬汁, 兩匙日本豉油, 兩匙味琳同埋大量黑椒醃 幾個鐘

中火煎香兩邊至半熟, 切粒, 回鑊

用一時間落 ( 兩匙日本豉油, 兩匙味琳, 半個檸檬汁, 兩湯匙糖, 同份量既水)

落鑊中火煮到收水 就搞掂架喇

唔知我會唔會講得太簡單呢??

煮既時間記得不停搞拌 呀~

因為 有糖既關係, 煮到收 8 成好熄火喇

糖會自己再焦糖化, 會自己再收水架喇

題外話

我覺得我個blog 既分類其實有d "不合時宜"

應該理論上可以再分細少少, 清楚少少

但係我又冇咩 idea, 我想大家幫我手諗下應該點執好

日式咖哩洋蔥炒雞肉彼得包

2011年1月21日 下午01:50

今朝一早去左大埔做野......可能凍一凍親, 宜家個頭好痛..............
冇咩心機打 blog......好想訓覺.....
不過我都好想同大家分享 lee 個小食..


材料
雞扒                     半塊 ( 切條)
洋蔥                     1/4個 (切條)
日式咖哩磚          一粒
辣椒粉                  半湯匙
味琳                       一湯匙
日式豉油               一湯匙
彼得包                  一件


做法
1) 雞肉用 味琳, 豉油醃30分鐘
2) 咖哩磚用大約 50ml 熱水開好
3) 爆香雞肉至半熟, 再落洋蔥爆香
4) 慢慢落咖哩, 期間不停攪拌, 大約 5分鐘左右
5) 最後落辣椒粉, 炒勻 即可
6) 彼得包用鑊慢火煎香, 切開中間, 放入雞肉 即可

日式麵豉煮蜆

2010年11月25日 上午11:23

到左星期四, 又係極唔想番工做野既日子
諗諗下聽日就星期五........好想怏d過
話就話我份工冇咩野做
但係成日上blog 又好似唔係咁好....
所以好多時我都係過左 12 點之後就開始努力做野
不過又咁講, 過左 12 點 就會諗食咩...
好多時亦都會hea 多一陣先食飯, 食完番黎先做野...哈哈
你都唔好話呀, 老細請著我 lee d 人真係.......得啖笑
我既工種又可以成日出街影相, 其實即係 出去蛇皇
極樂也...




材料
蜆                   一斤
日式麵豉       20g
雞湯               100ml
滾水               300ml
蒜蓉               一粒
洋蔥條           1/4 個
黑椒
指天椒
糖


做法
1) 爆香蒜蓉, 辣椒, 洋蔥, 落蜆煮一陣
2) 落雞湯, 水 麵豉, 少少糖, 黑椒, 煮至所以蜆開口即可




係唔係又係超簡單呢~~
鍾意的話可以落少少 清酒煮架








東主有喜' facebook page   <-------Click here
東主有喜's 微博                 <------Click here

日式滑蛋牛肉

2010年11月24日 上午10:13

lee 個飯有少少失敗左...
原因係 我太多牛肉......而屋企又得兩隻蛋......真係 R 曬頭...
不過放心, 我打 blog 果時會 改番少少份量
唔會搞到出黎成碗都係牛肉, d 蛋又失蹤


材料 (二人份)
肥牛              半磅
蛋                  四隻
洋蔥絲          半個
日本豉油      三湯匙
味琳              兩湯匙
糖                  兩湯匙
水                   300ml
蒜片                一粒


做法
1) 爆香洋蔥同埋蒜片, 落豉油, 味琳, 糖, 水, 煮一陣
2) 落 牛肉 煮至半熟, 拎起蒜片唔要, 之後直接放發打好既蛋入鑊, 細火唔好理佢
3) 放上飯面, 搞掂, 食果時落七味粉同埋芝麻




東主有喜' facebook page   <-------Click here
東主有喜's 微博                 <------Click here

麻醬冷菠菜

2010年11月23日 上午11:03

琴日咪整左d 菠菜既~~
咁我本身買左半斤, 整蛋皮整左少少
其餘就用黎整我同女皇出街最愛食既麻醬菠菜喇
我地仲覺得買番黎果d 即食麻醬唔夠好食
實行, 自家制日式麻醬......
放心, 好簡單




材料
菠菜


芝麻汁材料
芝麻               一湯匙
生花生             數粒
味琳               一湯匙
日本豉油        半湯匙
糖                    兩湯匙
醋                     半湯匙
凍滾水             200ml




做法
1) 先用平底鑊細火炒香芝麻和花生變金黃色
2) 醬芝麻汁材料放入攪拌機打至稀爛, 試味
3) 烚菠菜至半熟, 即放入冷水過冷過, 渣乾水切好
4) 食時放上芝麻汁 即可




係唔係好簡單呢~~~~
記得要渣乾d  d 菠菜, 如果唔係好多水唔好食架~




題外話
我想問大家 如果我想介紹一間餐廳俾大家
應該點樣入手好呢
lee 間餐廳我食過好幾次架喇
d 出品都幾好架
不過我又唔可能 去多幾次食同一樣既野再影相番黎俾大家.....
應該點好呢
因為lee 間餐廳 真係幾唔錯架
西餐廳黎架
價錢又街坊價.......質數就酒店出品......
我如女皇都覺得lee 間野 如果再係咁平既價錢,
應該都唔會捱得好耐......












東主有喜' facebook page   <-------Click here
東主有喜's 微博                 <------Click here

蕃茄雞肉菠菜蛋卷

2010年11月22日 上午09:59

煮lee 個真係用左我好多心機時間先整到出黎
又要準備好多野, 又要分開唔同既方法煮, 又要放慢手腳
仲有個蕃茄醬都係自己煮出黎, 真係煮到人都癲


材料  (兩條)
蛋                兩隻
雞柳            兩條
菠菜            二兩 左右
蕃茄           一個
紅酒            兩湯匙
水                 300ml 左右
蒜蓉              一粒
生抽              一茶匙


做法
1) 雞柳一開二用生抽 和 油醃最少 3個鐘
2) 發打蛋隻, 細火煎成蛋皮 備用
3) 蕃茄切丁, 落水落紅酒, 細火煮成蓉, 落糖調味 備用
4) 雞柳中火煎至半熟, 拎起切成絲
5) 回鑊, 與蕃茄 同炒至 掛汁, 落黑椒
6) 蒜蓉炒菠菜至半熟 備用
7) 將雞肉 及菠菜用蛋皮卷成, 生粉水封口
8) 回鑊, 落少少酒, 中細火煎蛋卷, 封口向底, 切件即成




題外話
自從互聯網開始人與人之間就有更多的接觸
世界也拉得更近, 相處樂觀還好
反之會出現更多的問題,
又例如一個面書可以令你找回多年前失去聯絡的好友
但而書亦都可以令你跟朋友反目
亦會吸引更多的私癮 問題, 是非亦然
一個互聯網可以令好多唔識既人走埋一齊
可以識到好多0岩傾既朋友,
可以識到好多 本身好難去認識既事物
但係到宜家只係 click 兩click 就可以 即時搵到
而且更比教科書更詳盡, 犀利之極
又講下 食物丫
自從有左 有互聯網之後既電腦
再加上輕便既數碼相機, 個個都即時成為食評家
食個 薯條又可以講 100字, 食個不知所謂既茶餐廳又可以講一大餐
就係咁, 先會令到咁多人0係 開飯 入面有份幫手推出咁多垃圾冠軍餐廳
如果唔係一個開飯, 點會有咁多人識搵食丫
自問我唔係一個食家, 亦都唔係咩識食既人
但係我一定係一個有要求既食客
我會用好多唔同既方向睇一間餐廳
宜家好流行 "性價比"
我就係會用lee 一個方法去做比較
唔會同 唔同級數既 作比較
但係可惜社會上出現好多比較街坊既朋友
冇去深入了解 就好快讚好
冇去比試其他餐廳就讚好
只會出現兩個情況
1) 只會有更多冇要求既人去食完讚好
2) 有要求既人食完會話覺得比人呃, 冇開飯d 人講得咁好


你地又俾 開飯既 食評 呃過幾多次~?!












0岩0岩0係 facebook 開左個 page, 希望大家入黎 "like" 啦
東主有喜' facebook page   <-------Click here
同埋我亦都諗住開始玩 微博, 大家可以關注我, 睇我平時做緊乜丫
東主有喜's 微博                 <------Click here


宜家冇咩人 關注 同埋 like 架咋
有你地支持, 我會有更多既動力

日式和牛生菜包

2010年11月19日 下午01:12

0岩0岩對上個星期日咪話我留左0係屋企煮飯食既~~~
特登買左包 188蚊既 和牛番屋企食
和牛黎到我手上, 點會咁簡單煎黎食丫, 哈


材料
和牛片                   4塊
大葉                        10塊左右
洋蔥條                     1/4個
原塊生菜                10塊左右
蕃茄條                    半個
水                             200ml
味琳                         兩湯匙
日本豉油                  兩湯匙


做法
1) 燒熱平底鑊, 大火煎和牛 30秒, 落洋蔥同煎, 轉另一邊再煎 30秒
2) 預先勻和水味琳 和日本豉油, 直接放入鑊中與和牛同煮
3) 大約 30秒過後, 先拎出和牛切件備用
4) keep 係用中火煮洋蔥, 煮至少少收水 即可
5) 食時將所有野一齊放入口 !!!




Tips
和牛最好買薄薄地, 唔一定貴既好食, 都要睇下用黎點食
生菜 洗完最好放入雪櫃幾個鐘, 咁就一定脆架喇






同場加影


琴晚同女皇路過 Timesquare
見到成個場都好靚..
可惜 有我入鏡........哈哈

lee 個都夠樣衰架啦...........

lee個仲衰, 衰到冇人有!!

所以搞到女皇喊曬口.......

嘿, 等我變身啦, 我唔驚你架!!!!

擺番個鋪屎 先........哈哈










0岩0岩0係 facebook 開左個 page, 希望大家入黎 "like" 啦
東主有喜' facebook page   <-------Click here
同埋我亦都諗住開始玩 微博, 大家可以關注我, 睇我平時做緊乜丫
東主有喜's 微博                 <------Click here


宜家冇咩人 關注 同埋 like 架咋
有你地支持, 我會有更多既動力

日式三文魚錫紙蒸雜菜

2010年11月18日 下午01:21

今日有d事唔可以 打咁多宇
同埋好多朋友留左言都冇時間 reply
我真係有d 過意唔去......希望大家可以體諒啦
我宜家用左 lunch time 少少時間 打 blog 架咋.......


材料
三文魚            
日式麵豉          40g 左右
洋蔥條              1/4個
蕃茄粒              1/4個
青豆                   數條
生菜絲               少少
紅蘿蔔粒          十數粒
薯仔薄片          幾塊


做法
1) 先烚薯仔薄片 和 紅蘿蔔粒 10分鐘, 備用
2) 拌勻所有蔬菜, 混入麵豉20g, 備用
3) 三文魚搽上 20g 麵豉
4) 薯仔片放最低, 其後放好蔬菜, 最頂放三文魚, 再放大量黑胡椒, 再包好錫紙,
5) 開鑊大火水滾, 大火蒸30分鐘 即可




你冇睇錯呀, 係 30分鐘呀, 我就係想d 三文魚 蒸到出曬d油
放心喎, 如果你買果舊魚係靚的話, 煮出黎一樣會咁好食
所以我買左刺身用既三文魚, 貪佢夠肥丫麻...
蒸完出黎會發現好多汁, 完全係d 魚同d 菜本身既汁
超好味架, 唔好唔要呀!!!!!!!!
lee個最好就係唔洗睇火, 唔洗落調味, 撈好拎去蒸就搞掂喇...
上碟又靚....又得體....












0岩0岩0係 facebook 開左個 page, 希望大家入黎 "like" 啦
東主有喜' facebook page   <-------Click here
同埋我亦都諗住開始玩 微博, 大家可以關注我, 睇我平時做緊乜丫
東主有喜's 微博                 <------Click here


宜家冇咩人 關注 同埋 like 架咋
有你地支持, 我會有更多既動力

日式咖哩南瓜意粉

2010年11月03日 上午10:46

等左幾個月終於0係琴日睇左黃子華喇..哈哈!!!!!!
等左幾年.....終於有得再睇喇....
黃子華你係得既!!!!
我入去唔係為左笑架..
係為左有得著有d 反思..
而琴日就冇左lee 個反思感覺
只係有笑既感覺...
好定唔好呢??




材料
南瓜                   150g
肉碎                   50g
日式咖哩           一粒
蒜蓉                   1/4粒
味琳                   半湯匙
辣椒粉               適量
雞湯                   250ml
水                       100ml
洋蔥絲                1/個
蕃茄蓉               半個
芝麻                   一茶匙


做法
1) 先開水煲意粉至 7成 熟拎起 備用
2) 蒜蓉起鑊, 炒香肉碎同埋南瓜, 落雞湯同埋水, 中細火煮 1分鐘
3) 落咖哩, 味琳, 洋蔥, 蕃茄蓉, 同埋辣椒粉, 中細火煮 10分鐘 拎起備用
4) 再起鑊, 落一湯匙0岩0岩煮起既咖哩, 再加 50ml 水煮滾
5) 落意粉煮一陣, 等吸收咖哩味, 上碟, 落咖哩醬 同埋芝麻




題外話
今日起身女皇笑笑口話 " 你琴晚發開口夢, 話"做乜咁好搵我呀"
嘿!!! 都唔知係唔係既~~~
因為我前幾日同埋有好多次都係咁笑佢成日發開口夢, 又成日笑醒左
都唔知佢係唔係報仇, 定係真係有講過野
不過我肯定既係, 我對味精有敏感
食完會訓唔著同埋會發開口夢
好明顯 琴晚食左碗粉, 係有極大量既味精
令我之後要勁飲水...同埋發開口夢......

變型雞剛棒

2010年10月28日 上午10:50

哈哈,  女皇話lee 個好搞笑...
因為我只係用左雞柳去整
一條雞柳變左一支棒咁..哈哈
嘩, 今日真係好 凍喎原來
出到街 凍一凍就流鼻水喇.


喂, 大家仲有冇開 icq 呀??
可以 add 我喎~~哈哈
因為我 msn 好有問題..
成日都唔可以同人講野
好廢
特別係同女皇
所以我叫女皇 download 番個icq 黎用..哈哈
你地仲記唔記得個 number 呀?
我係 46740294  有興趣可以 add 黎玩架


材料 (一人份)
急凍雞柳                4條
新鮮冬菇                一隻
味琳                      
日本豉油              
糖                         
粟粉                       兩茶匙
胡椒粉                   少少
七味粉                   你話事丫




做法
1) 雞柳剁茸, 撻至起膠, 落味琳日本豉油 各兩茶匙, 落粟粉, 胡椒粉
2) 冬菇切成超細粒, 撈入雞肉
3) 放上竹籤, 做成棒型, 隔水大火蒸 10分鐘
4) 之後放入易潔中細火煎香四面至金黃
5) 落味琳豉油各兩湯匙, 落滾水 100ml, 糖 半湯匙
6) 細火煮至 掛汁 即可, 食時放七味粉....和味!!


Tips
d 雞柳可以 切到好細粒先剁, 會易好多
同埋可以 未解凍之前就切粒, 咁會易切好多

麻醬冷麵

2010年10月18日 上午10:02

亞媽話 " 睇下雪櫃有咩用, 好用埋佢喇, 要洗雪櫃"
我先記得雪櫃仲有支麻醬未用
lee 個個味幾好架, 幾香芝麻味架
不過就要自己再調較一下個味 先可以撈
而lee 支野我就0係 city cuper 買, 大約 30幾蚊左右啦
食沙律又得, 食麵又得....okay架....
麵冷麵最講既就係心機
由你煎蛋皮, 切青瓜到煮麵
下下都係心機, 如果有少少懶的話
出黎既成品就差好遠, 食唔落口架
我教你地煮啦, 冇死架~~ 哈哈




材料
日本溫室青瓜                  適量  (切絲)
日本蟹柳                          適量
蛋皮                                  一隻蛋白兩隻蛋黃 (切絲)
日本拉麵                          二人份


汁料
麻醬                                  100g 左右
凍水                                   50g 左右
日本豉油                           一湯匙
味琳                                  一湯匙
糖                                      少少


做法
1) 先汁料 用攪拌機打勻 備用
2) 用易潔鑊煎蛋皮, 連用青瓜切絲
3) 煮拉麵至 9成熟, 用生水過冷河, 再放入加左冰既冰水再落一次
4) 放入碟中, 放入青瓜, 蟹柳, 蛋絲, 紫菜及麻醬即可


Tips
1) 煎蛋皮我有個少技巧, 用易潔鑊中火燒熱隻鑊, 平均放蛋
    熄火, 唔好理佢, 因為 個爐同隻鑊本身仲有熱力
    之後拎開去唔熱既爐, 等佢自己凍番少少
    因為凍縮熱脤 既關係, d蛋會自己離開隻鑊
    直接反轉另一面, 開細火煎一陣 就搞掂架喇


2) 0係屋企食就唔好對自己咁差喇, 買d 靚d 既蟹柳
   雖然 都係 麵粉同少少魚肉打出黎
    不過個就同個質地就差好遠


3) 用平既拉麵都冇所謂, 因為只要個方法用得0岩
    大部份既拉麵都可以煮得好 QQ
     記得用水喉水 過一次凍河先, 因為要洗走本身既臭味同皂水味
     再用一個筲箕用好多冰用埋熟冰水 再過一次
    要令到麵既裡裡外外都好似冰一樣咁凍 先0岩




題外話

0係 city super 見到, 好抵死....哈哈
不過味道就怪怪地, 有少少薄荷 味...............


下次去 jusco 買埋 包桃哈多先.........wakakakakaka...