鹹牛肉即食麵

2011年5月23日 上午10:20

上個 post 咪話做去一田見 Daphne 既~

佢講到話我個blog 煮d 野太煩, 覺得我有時可以簡單d

等多d朋友可以跟住個 idea 黎煮, 重要係一定要材料簡單, 少步驟

所以 今個星期 煮既野 好簡單, 應該有一樣0岩你地食

lee 個簡單到我都冇野想講.......

只係炒香d 鹹牛肉放落個湯, 同埋落一隻蛋黃撈埋黎食, 落少少芝麻

係咪好簡單呢, 簡單到我都唔係好敢講出黎俾大家知.哈

題外話

上星期Sogo 第一日感謝日, 太多人, 超市買唔到d 咩

反而0係 孖人牌 買左 人生第一把刀

好抵, 一 套 1313.2 蚊, 有一把 7吋刀, 罐頭匙, 剪刀, 生果刀

真係好抵, 如果散買應該大約要 2300 蚊左右

而且 之前 李錦記果度有 500蚊Sogo 俾我用,

所以都係 813.2 蚊, 真係抵到爛!!!!

買左幾日, 好奇怪......

本身我自己都用開孖人牌既 8 吋刀

lee 把唔係我買, 係本身屋企用左 十幾廿年

唔知點解你叫我用新果把就好唔捨得用

都唔係咩貴野, 只係 1000蚊 左 右既一把刀

又唔係咩 6千幾 7 千蚊果d..................

我好怕自己用得唔好會用壞把刀

唔知你地會唔會好似我咁諗架呢~

麻醬冷麵

2010年10月18日 上午10:02

亞媽話 " 睇下雪櫃有咩用, 好用埋佢喇, 要洗雪櫃"
我先記得雪櫃仲有支麻醬未用
lee 個個味幾好架, 幾香芝麻味架
不過就要自己再調較一下個味 先可以撈
而lee 支野我就0係 city cuper 買, 大約 30幾蚊左右啦
食沙律又得, 食麵又得....okay架....
麵冷麵最講既就係心機
由你煎蛋皮, 切青瓜到煮麵
下下都係心機, 如果有少少懶的話
出黎既成品就差好遠, 食唔落口架
我教你地煮啦, 冇死架~~ 哈哈




材料
日本溫室青瓜                  適量  (切絲)
日本蟹柳                          適量
蛋皮                                  一隻蛋白兩隻蛋黃 (切絲)
日本拉麵                          二人份


汁料
麻醬                                  100g 左右
凍水                                   50g 左右
日本豉油                           一湯匙
味琳                                  一湯匙
糖                                      少少


做法
1) 先汁料 用攪拌機打勻 備用
2) 用易潔鑊煎蛋皮, 連用青瓜切絲
3) 煮拉麵至 9成熟, 用生水過冷河, 再放入加左冰既冰水再落一次
4) 放入碟中, 放入青瓜, 蟹柳, 蛋絲, 紫菜及麻醬即可


Tips
1) 煎蛋皮我有個少技巧, 用易潔鑊中火燒熱隻鑊, 平均放蛋
    熄火, 唔好理佢, 因為 個爐同隻鑊本身仲有熱力
    之後拎開去唔熱既爐, 等佢自己凍番少少
    因為凍縮熱脤 既關係, d蛋會自己離開隻鑊
    直接反轉另一面, 開細火煎一陣 就搞掂架喇


2) 0係屋企食就唔好對自己咁差喇, 買d 靚d 既蟹柳
   雖然 都係 麵粉同少少魚肉打出黎
    不過個就同個質地就差好遠


3) 用平既拉麵都冇所謂, 因為只要個方法用得0岩
    大部份既拉麵都可以煮得好 QQ
     記得用水喉水 過一次凍河先, 因為要洗走本身既臭味同皂水味
     再用一個筲箕用好多冰用埋熟冰水 再過一次
    要令到麵既裡裡外外都好似冰一樣咁凍 先0岩




題外話

0係 city super 見到, 好抵死....哈哈
不過味道就怪怪地, 有少少薄荷 味...............


下次去 jusco 買埋 包桃哈多先.........wakakakakaka...

咖哩帶子拉麵

咖哩帶子拉麵

星期日冇咩野做同女皇大人0係屋企hea 足一日
又唔想出街, 所以睇下雪櫃有咩好食.....
有咩煮咩...
發現仲有一包日式咖哩磚
lunch 食左 一半, 夜晚再食埋另一半.....
所以聽日都係出 咖哩post...哈哈
lee 個拉麵好簡單架咋....
我鍾意佢夠杰身, 每一條拉麵都可以有足夠既咖哩味...
不過我又玩下野....煎埋d帶子食....扮到佢高級d咁..

不過我要整左d 乾蔥先...
其實大家可以用洋蔥架,
不過屋企冇洋蔥, 所以用左乾蔥
不過又咁講喎, 乾蔥比洋蔥香.....

將切好既乾蔥落鑊中火炒

有少少燶邊就可以落少少砂糖同埋老抽....
好似爆洋蔥咁...就可以拎起, 洗鑊喇

超大帶子解凍汆水

吸乾水份, 落油煎香兩邊

落一匙既 大孖頭抽獨子蒜 (好似又賣廣告咁), 炒佢兩炒就可以上碟備用

開兩個煲.....煲水

一個煮個湯, 落拉麵送埋果包味粉.......
二人份量落 兩格 咖哩磚
煮佢10分鐘左右....

我今次用lee隻咖哩磚....
都唔錯喎...幾好

另一個煲就煮麵..
大約煮 3分鐘左右

今次用左lee 隻 拉麵.....
0係 jusco 賣 22.9 蚊
上次0係 sogo, 佢做特價好似要 29蚊

之後既野唔洗教啦....都係放埋一齊就上枱啦....
哈哈...........好好食........
拉麵爽彈, 湯底香濃, 帶子鮮彈, 乾蔥惹味, 蔥香清新....哈哈
包你0係街俾錢都食唔到.......




btw : 終於食曬屋企d 冇邊帶子.........但係仲有一大包"樓上" 既 有邊帶子....
help...!!!! 我由新年都宜家都係咁食帶子.....食極都食唔曬...........

簡單複雜化 既 出前一丁

 2010年3月12日 上午11:22
脆香午餐肉洋蔥出前一丁

1.煲0.5公升滾水, 放3大塊金華火腿, 煮30分鐘
2.開易潔鑊慢火煎午餐肉, 每邊約煎6至7分鐘
3.當就快煎好午餐肉的同時, 用同一隻鍜鑊落已切好成條的洋蔥爆香至微微金黃色, 落一茶匙沙糖, 再落一湯匙老抽快炒至乾身
4.炒洋蔥的同時去準備滾水煮出前一丁, 煮至7分熟
5.將出前一丁回到用金華火腿做的高湯到8分熟
6.上碗, 再放已炒好的洋蔥及煎香的午餐肉
7.最後放上蔥花和預先炒香的芝麻, 放上十數滴麻油以添香味


Tips :

***最好記熟步驟才好開始, 因為時間上的問題    
      會令你做得亂七八糟

***洋蔥記緊炒至香得不能再香才好放老抽及沙糖




都唔知係唔係自己無聊

.......食個公仔麵姐......搞咁多野.....
又set 腳架, 又打燈

................明明係想快快手手食完算數..
點知又搞lee 樣果樣.......又要改個咁無聊既名.....

 不過食得好開心.......