自從上年老爸退休後、心愛好用的相機壞了後、雅虎轉型後 我就沒有盡力放心機落博文中。而每星期的煮食大多是簡單快捷的餐譜，快快手手煮好是但拍照吃過洗碗就算，以前的心思擺放和特別食材都開始一步步減去，變為更家庭式的食物。以往花了絕大部分的人工在食方面，但宜家就花了很多金錢時間在飛鏢和旅遊之上。以往在博文中經常提及自身的題外話，但後來發現說是非的朋友比用心文的為多。無他的，博文是我，我只想為我 曾為女皇做的每一道不同菜式作一點點的描述。
2012年5月28日 星期一
脆皮雞脾
早前有BLOG友Whatsapp 問我如何焗雞，而事後她亦告知我做得相當成功，令所有朋友讚不絕口，在這我分享少少焗雞的小小心得。
焗一隻全雞有很多方法，但要做到皮脆肉滑、胸滑脾熟翼尖不燶就要講少少技巧，而這個技巧是要你有一個大焗爐。(說笑..哈哈)
有人說先用鹽水浸過晚、用不同香料醃過晚、先浸水後焗、又大火又細火、又說雞腔放檸檬等等等方法，而我本人一向即興派，所以我不會醃過夜而且直接入焗爐，醃料方面以個人喜好而放，辣椒粉、芫茜籽、鹽、老抽、黑椒、芥末、檸檬皮、不同香草
以至不同茶葉，然後替全雞做美容段的按摩一會即可放入焗爐用140 – 150 度的低溫焗，當然時間上好在乎雞隻的大小和焗爐的情況，平均來說一隻兩斤重的冰鮮雞最少焗
四十五分鐘而春雞要三十分鐘，如果放安全計的話可以有三個方法，而且不會影響風味和口感。
(1) 用小刀在雞胸和雞脾位置開兩刀，以便熱力易於進入
(2) 先放鑊煎香表面才放入焗爐，以便減少焗爐加熱時間
(3) 轉120度低溫再慢焗三十分鐘，而當中不影響肉質。
根據我手上數本焗爐的說明書稱焗雞要用 220度溫度焗，如果用這高溫的話會令雞隻表皮變焦而肉質粗糙而且未熟。如果轉用低溫焗的話則可令肉汁不會被高溫抽走，雞的表皮內的油脂由於時間拖長了，好處(1)減少雞的油脂 (2) 變得酥脆 (3) 保持雞肉的濕潤度。
另外一個小貼士，全隻雞最容易變燶的地方是雞翼尖，就好像我們的鼻子是第一時間曬紅的地方一樣道理，所以最好為雞亦尖做一點防曬，用錫箔紙包著焗就是了。
材料:
新鮮雞全脾 兩隻
辣椒粉 兩茶匙
鹽 一撮
黑椒 一撮
乾露絲瑪莉 兩湯匙左右
乾羅勒 兩湯匙左右
做法:
(1) 辣椒粉、鹽和黑椒平均地放雞脾上 (雞脾要乾身無水)
(2) 放平底鑊中火上下各煎至微微金黃
(3) 焗爐預熱至140度，底盤放錫箔紙，錫箔紙上放乾露絲瑪莉和乾羅勒
(4) 雞脾放上錫箔紙上，而香草在下，焗30分鐘後轉100度焗10分鐘
好處:
(1) 先煎後焗可令雞肉溫度加快提高 和
作減油的第一步
(2) 低溫慢焗可令雞皮變脆和肉質多汁
(3) 香草放底的原因是它容易變燶
(4) 香草放低的另一個原因是用雞脾走出黎的油令香草味增加迫入雞肉中間
(5) 雞上皮用爐火焗至皮脆，而雞下脾則用雞油炸得香脆
(5) 雞上皮用爐火焗至皮脆，而雞下脾則用雞油炸得香脆
你看! 這就是我的脆皮雞脾!!
2012年5月24日 星期四
焦糖醬配蘋果
簡單的焦糖醬加上大陸出品的富士蘋果真是一絕的飯後甜。而且焦糖醬的做法簡單易學，做起後可放雪櫃用來吃雪糕、咖啡、蛋糕
都美味可口。可惜我沒有一個準確的食譜給大家，因為焦糖最考功夫的時時間和火路的控制，兔一秒都可以變炭，少一秒都不夠香。再講，忌廉的時間要下得精準，不然變成敗局。聽起來很可怕是吧。放心，只要用細火慢煮
和 用易潔鑊的話就人人都一樣變焦糖達人呢。
材料
白砂糖
一碗
白開水
一湯匙
鮮忌廉 1/4 盒
做法
(1) 開易潔鑊白鑊用最慢火煮白砂糖和白開水
(2) 煮至一定的焦糖色後熄火直接加入鮮忌廉，慢慢攪拌 後即可
貼士
(1) 雙眼千萬不要離開它
(2) 焦糖化的過程很短時間，一放眼就拜拜
(3) 熄火後焦糖一樣會慢慢變黑，小心
(4) 焦糖極高溫度，請小心
(5) 放入忌廉時會引起大量泡沫，泡沫一樣高溫小心
做多三兩次一定會成功，你都一樣可以做出美味的焦糖哦!!
2012年5月22日 星期二
2012年5月21日 星期一
2012年5月9日 星期三
2012年1月3日 星期二
菠菜芝士意粉
人最可惜是有時間限制，時間總是比心智跑得快
現今社會比時間跑得更快
事物愈新人就愈善忘，人愈善忘就愈忘本
年少的視節日為之期待的悅快，中到中年視之浪漫特別日子，人到晚年視之最後的感恩
而在我而言，是一個不三不四的年齡層
真心朋友愈見愈少，只求簡單安穩就好
懶惰 ?
只覺得節日意義再不大，無謂錢不亂花
商業味精太濃厚
節日就像鬼門大開，所有奸商上街作惡
見聖誕節都有倒數節目就明白
香港人的文化是 " 又中又西" 還是 " 不中不西"
我也搞不清楚
中西方節日有假放，做打工仔的自然開心
說話又中又英，媽媽最開心
食物又中又西，醫生最開心
思想又中又西，特首最擔心
愈講愈遠....
2012 年 起身 都已過 中午，草草打開雪櫃查看醫肚食物
幸好家中普通食物一定有，而半個意粉痴的我 意粉一定少不了
用上急凍菠菜 青豆 芝士 辣椒 蒜片 做出 個香口意粉
拿手炒滑蛋 加 煎鵝肝
2012年有這一個開始 ，滿足滿足
2012 年 其中一個目標是報讀攝影課程
請問大家有冇介紹?
還有一個問題，我想 出一本畫冊 (數量十多本)
雖然有點自大，但如果成事的話我想送給有興趣的朋友
有人會要麻?
熱乎乎的食物就是寒冬中最內心的溫暖
簡單的一餐 開始 2012
2011年10月11日 星期二
紅菜頭沙律
好幾日之前喺facebook 都叫過下大家估 下係咩黎
原本都冇諗住出 關於 lee 碟咁普通既 沙律 blog，真係太簡單喇
諗諗下都有少少心得想同大家分享
食西餐講究少少成日都會聽人話清味蕾先再食下一碟
聽黎聽去都係雪芭，悶唔悶啲呀~
紅菜頭煲水，細火煲10分鐘左右就好紅架喇
之後落事先浸到軟身既魚膠片 同埋 少少 檸檬汁 同埋 少少糖 調味
軟硬程度都好是但, 不過硬身啲既好~
之後放入雪櫃雪 最少 兩個鐘 就可以 用架喇
而除左紅菜頭之外我仲用紫椰菜煮成既紫色水 做多左一種 色
不過就唔會調味，因為 會變色 (不過遲d先再講)
而沙律菜就放上面 之後落少少 油醋 同埋黑椒
好啱用黎 清味蕾既沙律 而且又唔會食雪芭咁凍冰冰
題外話
生物需要食物需要能源及維生素，所有生物一出世就懂得進食
不論技巧及識別能力，這就是生物的集體意識。
食得肥肥白白對於生物是一件好事，而相反對於人類就可有不同了
人類世界容易得到溫飽，自然對於味蕾上的感覺比其他物種還要高要求
肚子滿足之餘心靈上更要滿足，視覺上的滿足同樣重要
再深入一點連環境、服務、氣氛都一樣列入開胃之中
是因為人類開始有多餘時間金錢去花麻??
還是人類覺得自己有高智慧而不停捕足食物鍊之下的物種?
我在想一個問題，除食素可能令生體健康外，對環境有絕對的幫忙麻?
以個人知識而言不吃肉的人認為 人類因進食過多肉類而要養更多動物
而且動物會令環境有更多二氧化碳，而二氧化碳會令環境變得更暖水位升高
令很多動物及地方都受影響
而間唔中都有聽聞二氧化碳在大氣中只有極小量
份量不足令地球氣溫上升，再講地球一樣經歷多次不同溫差
而當中數據亦看不出有何直接關係
由小學開始書本就教 " 地球伯伯生病了"，而我小朋友年代就不相信了
經常說人類短短幾十年就令地球步入危險性的地步
以地球絃十億年為一年365日計，人類在12月31日晚上9點左右出現
請問除了人類的大殺傷力核能外，以我們的能力可以令地球伯伯病倒麻?
所以以我之說，照食可也!!
叫人唔好食肉不如你叫人唔好生仔先啦 !!
人類愈多, 對食物既要求就愈高，自然食物都需要更多
我唔會反對食素，但係我好憎人好似說教咁叫人唔好食肉!!
又話睇下d 動物俾人殺果時幾慘，又話會有報應
我好樂意同枱食飯有朋友"唔食肉"，而且我地仲會體諒而多叫素菜
但唔該唔好成枱12個人食緊扣肉果時你講食肉有咩唔好囉!!
去到外國你先係外國人呀!!
2011年9月27日 星期二
蕃茄餅
本身琴日整完個蕃茄清之後都諗住 唔要d 蕃茄渣
拎上手聞兩聞覺得仲係好香蕃茄味，無理由咁快講拜拜
於是直接打隻蛋黃、少少洋蔥粒、粟粉 同埋 黑椒鹽
當佢肉餅咁不停攪攪攪...
落鑊中細火慢慢煎香，好小心反轉另一面煎香
切得靚靚仔仔咁拎上碟 就食得架喇~~
題外話
我見王子 facebook 講 yahoo既問題，我都想講 我仲好鍾意打blog，好鍾意分享自己既生活
我打blog 唔係 一味打完就算，我想同大家多d交流
而 yahoo 新版面真係令好多朋友 停止步伐，再講 facebook 真係有好多好處
好多都可以好即興 好直接好 互動
我明白 打blog 可以打得好情深，而 facebook 反而可以做番自己最真實既一個我
不過放心，我未想放棄個blog，只係好多時好多話題都會轉左去 facebook 講
而好少再0係blog 講題外話
所以 希望大家都 join 埋一齊去facebook 傾丫
2011年9月26日 星期一
蕃茄清意粉
lee 個意粉 幾年前煮過一次覺得麻麻地，因為用左大陸蕃茄
唔香又唔甜，令個意粉失色
而今次就用左羅馬既一粒粒超甜蕃茄
因為今次個意粉只用蕃茄汁做味，輸贏都係靠個蕃茄
首先將蕃茄切粒放攪拌機打爛隔渣， 而d 渣就可以留番做另一樣野
聽日再講係乜 (呃post)
我諗蕃茄汁需要最少 500ml 因為一陣要黎煮意粉
而意粉先烚一陣變軟身再轉鑊 同蕃茄汁一齊煮
煮到少少收汁 就可以落鹽 黑椒 ，少少洋蔥絲同埋青菜 輕輕煮一陣
最後落少少 巴馬臣芝士 同埋少少辣椒粉 就搞掂架喇
係咪好煩呢~~ 木如果有心煮真係要買d 靚既蕃茄先好煮呀~
哈哈，距離我目標 100 碟意粉仲有好大段日子.........
2011年9月21日 星期三
蕃茄肉碎意粉
我用 超市可以 買到 既罐裝切粒蕃茄, 貪佢方便
又冇蕃茄核 同埋 個味 穩定
先落少少油爆香蒜蓉
之後落肉碎 直接炒香
肉碎為左方便我都係去超市買 一pack pack 果d
炒香 後 就可以 落 成罐蕃茄，半罐水，半罐雞湯，少少甜既白酒
細火煮，期間不停攪拌
而且 間唔中要篤 下d 蕃茄，令佢爛d~
然後可以試味，落少少茄汁，喼汁，少少糖, 少少黑椒 (試啱味為止)
同一時間可以開始煮意粉
意粉大約 煮到 5成熟 就可以 轉落鑊 同 蕃茄汁一齊煮
煮到收汁 就可以上碟架喇 
同樣 煮 意粉記得要多少少汁
同埋 意粉 煮起以為一樣會吸收水份
2011年9月20日 星期二
薯仔牛奶白汁煎薯粒意粉配肉桂煎肉餅
薯仔半個 切粒, 拎一半薯仔粒用 50ml水 50ml 雞湯 細火煮 大約 5分鐘 至軟身
之後落大約 100ml 牛奶 同煮，大約 5分鐘左右
之後放攪拌機 打， 隔渣， 留番既用黎做汁, 備用
另一邊 碎豬肉 落少少鹽，黑椒, 少少肉桂粉，少少辣椒粉, 一隻蛋黃, 少少粟粉
撈好 就可以去煎
用易潔鑊 落少少油 中火 落鑊 煎一陣轉細火，目的係令肉本身既油份出黎
大約 5分鐘左右 轉另一邊 轉中火 煎一陣轉細火，煎到兩邊硬身, 應該熟架喇
煎好 放埋一邊 唔好理佢地, 用鑊本身既熱力 等佢地 抖下先
之後 放廚房紙 吸油, 廚房紙真係一樣好好既吸油工具~~
另一半 薯粒 落dd 油 中大火 快炒
之後同樣放 廚房紙吸油
開一個煲煮意粉 至 8成熟, 之後轉落鑊
記得要落大約 100ml 左右既 意粉水
之後落 幾 啱啱打好既 牛奶白汁一齊煮, 睇情況而言再落牛奶白汁
記得 煮得稀少少，薯仔會變杰身，所以要用多少少意粉水做汁
同埋 啱啱煎好既薯仔粒 個味 都要利用 意粉個汁, 所以多d 都okay 架~
煎好既薯仔粒放低，再放意粉，令意粉既汁流苃薯仔粒, 搞掂!!
2011年9月19日 星期一
麥皮脆煙肉白汁意粉
你冇眼花睇錯....係麥皮!! 哈哈
琴晚 post 左0係 facebook 問大家用咩煮意粉
真係考起你地呢~~
事源有個朋友問我可唔可以幫佢諗幾個意粉 少鹽少油又健康
真係突然間考起我，平時煮咩都多多牛油，又忌廉，又芝士
諗番起麥皮煮出黎既質地都幾幼滑，不過太大粒
於是將麥皮放攪拌機 當佢仇人咁 打爛 !!
而煙肉方面我一係唔用，一用就買 靚少少
題外話 : 有冇 city super 既員工睇我個 blog，我成日幫你地賣 廣告
遲早俾 yahoo 話我架喇........哈哈
要少油，第一樣需要係易潔鑊!!
超細火白鑊煎香煙肉，煎到啡啡地，硬身為止
目的係想煙肉香脆 同埋 迫出油份
然後 煙肉放廚房紙 吸油 同埋 吹凍 變脆身同一時間另一邊煮意粉
利用啱啱煎完煙肉留低既油再 加幾滴油 用中火爆香蒜蓉
落大約 100 ml 雞湯, 中火煮
雞湯煮滾後 落 大約 100ml 牛奶, 同樣煮同中火煮至滾起
落大約 1.5 ts 既麥皮粉, 慢慢推開 慢慢煮
5分鐘過去, 意粉應該 煮到 5成熟
可以放埋落個汁細火煮, 希望意粉吸多少少味
煮三兩分鐘 應該會煮到傑出少少, lee 個時間可以 落多少少 啱啱煮意粉既水
少少 tips, 記得煮得稀少少，我第一次煮果時太傑, 冇諗過 麥皮凍左會傑身好多
所以第一次煮就稀少少, 同埋 最後再用少少意粉水推開d，多少少汁都okay 架
lee 個時候可以試味, 落少少黑椒 上碟架喇
lee 個時候就 可以 整碎 煙肉 放意粉 上面
聽日仲有另一碟仲奇怪既意粉呀!! ^^
訂閱：
文章 (Atom)
LinkWithin
