薯仔半個 切粒, 拎一半薯仔粒用 50ml水 50ml 雞湯 細火煮 大約 5分鐘 至軟身
之後落大約 100ml 牛奶 同煮，大約 5分鐘左右
之後放攪拌機 打， 隔渣， 留番既用黎做汁, 備用
另一邊 碎豬肉 落少少鹽，黑椒, 少少肉桂粉，少少辣椒粉, 一隻蛋黃, 少少粟粉
撈好 就可以去煎
用易潔鑊 落少少油 中火 落鑊 煎一陣轉細火，目的係令肉本身既油份出黎
大約 5分鐘左右 轉另一邊 轉中火 煎一陣轉細火，煎到兩邊硬身, 應該熟架喇
煎好 放埋一邊 唔好理佢地, 用鑊本身既熱力 等佢地 抖下先
之後 放廚房紙 吸油, 廚房紙真係一樣好好既吸油工具~~
另一半 薯粒 落dd 油 中大火 快炒
之後同樣放 廚房紙吸油
開一個煲煮意粉 至 8成熟, 之後轉落鑊
記得要落大約 100ml 左右既 意粉水
之後落 幾 啱啱打好既 牛奶白汁一齊煮, 睇情況而言再落牛奶白汁
記得 煮得稀少少，薯仔會變杰身，所以要用多少少意粉水做汁
同埋 啱啱煎好既薯仔粒 個味 都要利用 意粉個汁, 所以多d 都okay 架~
煎好既薯仔粒放低，再放意粉，令意粉既汁流苃薯仔粒, 搞掂!!
