簡易青瓜沙拉

西餐中不起眼而又最常出現的就是沙拉，當中分為熱沙拉和冷沙拉。

而沙律最講求的是食材在口感上對比、汁醬的調整、和食材的新鮮度。

它通常是主菜的前奏，用以酸味和爽脆的沙拉放在起步線之上，為主菜做一個開路先鋒。

正因為沙拉要求的是簡單的新鮮和爽脆，所以大部份的都用新鮮菜蔬，

再用以最基本的而簡單的檸檬汁、醋 和欖油拌之。

當然沙拉是一門高深而且易學難精的手藝，但簡單的沙拉正是速度上的健康功臣。

三五分鐘不消做出一碟可口又清新的開胃菜。花點心思你都一樣可以成為達人呢。

日式浸茄子

由今天起一連五天介紹有關於簡單日式食品，頭一天是我最愛我茄子

而這一個茄子簡單易做，時間是最重要的一方面

而最理想的食法是冷著吃，所以可以早一天煮好放雪櫃留著 ^^

日式煮法中離不開味琳，味琳是一種糯米做成帶甜的煮食用酒

而日式豉油都是另一樣重要的日本味道

這一道小吃味道偏甜，所以砂糖的比重會高一點

用小煲燒水，三份水 : 一份豉油 : 一份味琳 : 半份糖

茄子方面可以揀日式的和中式的

我慳家，所以買了中式的茄子，茄子最重要揀肥肥的為好

然後將茄子切之，簡單的一段段切就可以了

開大火蓋上蓋煮五分鐘左右，其後焗十分鐘左右，重複三次

茄子會由白色變成圖中的，為之可以

如果未有變色則重複以上步驟致成功

煮好的茄子攤凍就可以準備上碟

最後放上少少木魚絲，大成功!!!!

後記: 如果講究少少可以右少少木魚粉一起浸焗，會更香口。 我將茄子切三段的原因是擺碟比較美觀，但就煮食時間上比較慢，故有興趣的朋友可以滾刀切之。另外茄子份量方面大約一人兩條中式茄子。

-----Bon Appétit-----

~上海夜~

星期六有朋友搵我食蟹，我提議我放工去 銅鑼灣 老三陽 新鋪 睇下d 蟹貴唔貴

本身諗住去 city super 買 西式料 飲香檳 既，但係0係老三陽行行下等等下

又覺得 可以0係 老三陽一次過買曬番屋企， 同埋最驚喜係有得賣小籠包

而且仲要係蟹粉小籠包，一盒 8隻賣 98蚊，番屋企 隔水蒸 8分鐘就食得

皮就唔算薄架喇, 不過真係有蟹油同埋蟹肉， 98蚊 真係好正!!

最好切紅蘿蔔浸熱水再放底拎去蒸，唔會"痴" 底呀因為~

溫馨提示: 真係太好食，我提議 1 人 4隻 好d~~

當晚既主角全大閘蟹，而且要熱辣辣咁食先過癮

所以一諗就煮幾碟 可以凍食既 小食，咁食完蟹仲可以慢慢食慢慢飲酒丫麻..哈

其中我就買左 茭白荀 炒鹹肉

我地 3個人買左 14條 荀 切頭切尾 要中間 開邊

鹹肉切絲 浸 小小熱水 

落薑絲大熱爆香 落 茭白荀 炒一陣 讚酒

之後 落 少少糖 調味，再落鹹肉 同埋 浸過鹹肉既水 大火快炒

之後 落 少少 生粉水，搞掂先落麻油 同埋 少少生抽 

lee個熱食又得凍食又得

蒿荀  我拎黎涼伴，一早整好就可以放雪櫃 等食先上枱

首先 蒿荀去皮，切段再切條， 落多多鹹汆水  之後過冰水

用廚房紙吸水， 用少少 鹽同 麻油 調味 就okay 架喇

同埋買左 半斤 馬蘭頭 炒冬菇粒

我唔係好識揀馬蘭頭，番黎好多都好老，食落口 好似牙籤咁

所以 可以 skip 丫~~

而蟹就 買 360 蚊斤 買左 5隻，totally 420 蚊

都 okay 丫, 普通啦.....

不過星期六 有可能再買多次食!!  哈哈

溫馨提示: 記得放紫蘇葉 一齊蒸 同埋 唔食食粒星星，仲有記得煲薑茶 飲呀!!

XO醬肉碎煮茄子

講中式小菜其實都唔到我講，話曬 打blog 都有好多師奶廚神

所以要煮都係煮d 簡單又快捷 既小菜

10蚊 肉碎 用基本調味醃一陣  同埋落少少凍滾水

煮起上黎會易散少少

而茄子 普遍黎講酒樓都會先走油 再煮

一黎又快熟, 二黎又可以 keep 住d 紫色

但係茄子就好似海綿咁不停吸油，食食下就好超標

所以屋企煮茄子就唔好理佢賣相喇，食得健康d 好

我試過做實驗 一條 普通大細既茄子 可以 吸 最少 150ml 既油

你冇睇錯 係 150ml !!!     咁你想健康 定賣相丫?

至於想少d 油 又可以 盡量 keep 住 茄子色 的話

我就會先落料頭爆香豬肉至出油 然後讚酒 拎起豬肉 用鑊底d油 再炒茄子

 炒兩炒就可以落大約半碗雞湯 1/4 碗滾水 同埋 落埋d 豬肉 蓋上蓋 煮一陣

拎一隻碗落大約一匙蠔油、一匙辣 xo醬 同埋一匙生粉

炒兩炒就可以 打茨 同埋落 少少 九黃 最後落少少蔥花  就搞掂架喇

係唔係好簡單呢~~

喂!!!!  黎 我 facebook page 傾計丫~~  個 blog 冇曬人氣咁....死氣沈沈 

紅菜頭沙律

好幾日之前喺facebook 都叫過下大家估 下係咩黎

原本都冇諗住出 關於 lee 碟咁普通既 沙律 blog，真係太簡單喇

諗諗下都有少少心得想同大家分享

食西餐講究少少成日都會聽人話清味蕾先再食下一碟

聽黎聽去都係雪芭，悶唔悶啲呀~

紅菜頭煲水，細火煲10分鐘左右就好紅架喇

之後落事先浸到軟身既魚膠片 同埋 少少 檸檬汁 同埋 少少糖 調味

軟硬程度都好是但, 不過硬身啲既好~

之後放入雪櫃雪 最少 兩個鐘 就可以 用架喇

而除左紅菜頭之外我仲用紫椰菜煮成既紫色水 做多左一種 色

不過就唔會調味，因為 會變色  (不過遲d先再講)

而沙律菜就放上面 之後落少少 油醋 同埋黑椒

好啱用黎 清味蕾既沙律 而且又唔會食雪芭咁凍冰冰

題外話

生物需要食物需要能源及維生素，所有生物一出世就懂得進食

不論技巧及識別能力，這就是生物的集體意識。

食得肥肥白白對於生物是一件好事，而相反對於人類就可有不同了

人類世界容易得到溫飽，自然對於味蕾上的感覺比其他物種還要高要求

肚子滿足之餘心靈上更要滿足，視覺上的滿足同樣重要

再深入一點連環境、服務、氣氛都一樣列入開胃之中

是因為人類開始有多餘時間金錢去花麻??

還是人類覺得自己有高智慧而不停捕足食物鍊之下的物種?

我在想一個問題，除食素可能令生體健康外，對環境有絕對的幫忙麻?

以個人知識而言不吃肉的人認為 人類因進食過多肉類而要養更多動物

而且動物會令環境有更多二氧化碳，而二氧化碳會令環境變得更暖水位升高

令很多動物及地方都受影響

而間唔中都有聽聞二氧化碳在大氣中只有極小量

份量不足令地球氣溫上升，再講地球一樣經歷多次不同溫差

而當中數據亦看不出有何直接關係

由小學開始書本就教 " 地球伯伯生病了"，而我小朋友年代就不相信了

經常說人類短短幾十年就令地球步入危險性的地步

以地球絃十億年為一年365日計，人類在12月31日晚上9點左右出現

請問除了人類的大殺傷力核能外，以我們的能力可以令地球伯伯病倒麻?

所以以我之說，照食可也!!

叫人唔好食肉不如你叫人唔好生仔先啦 !!

人類愈多, 對食物既要求就愈高，自然食物都需要更多

我唔會反對食素，但係我好憎人好似說教咁叫人唔好食肉!!

又話睇下d 動物俾人殺果時幾慘，又話會有報應

我好樂意同枱食飯有朋友"唔食肉"，而且我地仲會體諒而多叫素菜

但唔該唔好成枱12個人食緊扣肉果時你講食肉有咩唔好囉!!

去到外國你先係外國人呀!!

七味蘋果沙律

前排有個blog 友 提議 炸雞肉 配 自家蜜糖芥末醬   個醬 撈青瓜 / 蘋果

我又身痕 買左幾個青蘋果番黎整

好衰唔衰 芥辣 同 芥辣籽 都 出現問題，芥辣發霉，芥辣籽出水

兩樽都同一時間唔要得

正當冷靜緊既時候諗到 用 辣椒粉 + 七味粉 + 沙律醬 都應該幾好食

當然味道上一定差d野，所以我再加少少煉奶 + 黑椒 + 鹽 平衡味道

份量幾多都好難講，都好睇個人口味

而可以的話 可以 另外落多少少 芝麻，因為我地食果時發覺原來七味粉入面既芝麻係最好食!!

題外話
作為一個無神論 既我有時候都想講一句 << 神呀，請給我多一點智慧>>
而對我而言我覺得有另一句更合適，<<外星人呀，請幫我腦部發展多一些>>
有時覺得人類都幾搞笑，明明大家都係地球人，對自己認識咁少，而且不停為利益而殺害其他物種。
金錢、能源，食物、權位、政治、道德等因素而開火，不停誇張國有軍力。
一個颶風、一個地震、一個火山 都輕易打殘一國人民，仲邊得閒講其他國家既事丫。
地球咁細既地方都自己友打自己友，上面班外星人就笑笑口咁睇我地點死，
睇我地點用地球不可再生能源，睇我地點發展核能。
如果40年代美國開始同外星文化換得科技的話，我好想知70年後既今日美國仲有幾多科技未公開。
冇錯!! 我對外太空既事雖然有興趣去理解，但係未去到熱愛既感覺，只好當成一個科幻故事聽。
外星生物有就一定有架喇，
我最關心係宇宙入面有幾多個空間、平衡宇宙，維度 既 有形 / 無形 物種對地球生物 / 資源 作出威脅，
而宇宙係唔係真係有一班好正義既外星人幫我地對抗有害地球既外星人呢??

蕃茄水牛芝士配香草醬

講到 香草 羅勒一定係最普及既一種

而我就偏偏極之唔鍾意食，少少都okay，如果勁起上黎食一啖即嘔都似

就好似今日分享 lee 碟咁

大家只係一層蕃茄一層水牛芝士一兩塊羅勒 之後落少少 欖油就算

一向屎忽鬼既我鍾意整色整水，又點會咁易放過自己丫~

0係 Sogo 買左兩包蕃茄, 黃黑蕃茄 各一包

當然啦, 你鍾意咩蕃茄都好，生食既蕃茄都係買貴少少好

一黎又衛生少少 二黎又爽甜d，有時撞0岩手神連皮都脆脆地架~

不過一定要揀 硬身既蕃茄，雖然軟身會有可能甜 d

但係賣相就唔討好

蕃茄食之前既 10分鐘切好，記得將把刀磨到好利 先切蕃茄

如果唔係會壓住蕃茄，令蕃茄流出過多既水份

之後用少少白酒 浸 大約 10分鐘 

頭先都講 我好憎食 羅勒，所以我加左其他香草

例如 薄荷, 刁草, Flat 既 蕃茜

份量好睇自己, 有d人鍾意多少少刁草有d人鍾意多羅勒

但係 薄荷 三兩塊就足夠，因為味道好犀利, 好易搶人風頭

之後 放入攪拌機 落少少欖油 打碎

拎出黎再落欖油, 黑椒 鹽, 同埋少少白醋

之後就可以上碟, 一層蕃茄一層芝士最後落0岩0岩打好既香草醬

btw, 浸完白酒既蕃茄記得用廚房紙吸走多餘水份先好上碟

素意粉

2011年6月17日 上午10:27

雖然係素意粉 但係我用左雞湯,

如果真係唔食肉既朋友, 可以用菜湯, 咁就可以全素喇

今次我用左翠肉瓜同埋甘荀做 素意粉

不過再簡單都好, 都要有少少 tips 先好味

例如 需要一粒金蒜, 例如甘荀絲要先用油爆香至軟身

唔講可能你地唔知甘荀要用油炒到出紅油先好食

再落少少金蒜一齊煮, 先再落翠肉瓜絲 煮一陣

令甘荀翠肉瓜吸收金蒜既香味

再落少少雞湯煮多一陣, 落少少鹽, 黑椒 調味

因為翠肉瓜會愈煮愈出水, 所以大火煮一陣好喇

要保持翠肉瓜既爽脆質感

煮到收水就可以上碟, 再放少少金蒜

最緊要飲埋d湯, 真係好甜,  好清

如果你地冇心機慢慢切的話, 就要睇下靚太送左d咩俾我喇

就係lee 個刨喇, 係靚太送俾我架, 好好用

而我就係用lee 個刨 5分鐘唔洗搞掂切好曬架喇

靚太 , 個刨真係好得呀!!!  我會再諗下有咩好玩架喇...

希望唔會令你失望啦...哈哈 多謝曬呀!!

題外話

前兩日同 Catherine 出黎 即興快閃 happy hour

去左灣仔一間酒吧, 原來果一間酒吧以前大家都留過唔少腳毛

但係食物用服務都唔似以前咁好, 再講

一間酒吧冇食物冇服務都算喇

好似我地叫杯白酒番黎, 味道好似變變地, 而且又唔凍

我地就講, 熱既唔熬, 凍既唔凍......痴線

再講服務, 我地唔知咩事, 感覺好似俾人睇我地唔起咁

catherine 就話見人英文唔係好叻就睇人唔起

我都認同catherine 講既野

香港係一個好奇怪既地方

同班講英文既人講野就要我地就佢講英文

又唔見佢地黎香港要就我地

講得唔好又俾人笑, 如果講廣東話唔好我地又笑人

而事實上去到外國我真係好笑會見到咁既情況囉

而且人地仲會好開心大家識尊重大家, 唔會拎黎笑囉

我英文唔好, 冇去過外國讀書, 會考都唔合格

但係我黎得一間焗我講英文既餐廳, 我都會聽我都會講

又唔見你地班講英文既人學中文!!

大佬呀 你地黎香港搵食 反而要我地就你地, 仲要俾你睇唔起

其實我一直都唔係好覺香港係一個國際大都會

反而係一個國際大笑話, 乜都唔夠人好, 仲以為自己好好

btw, 英文唔好果個係我 唔關 catherine事, 佢都不知幾好....

睇黎我要睇多d 鬼佬教煮餸既節目喇...學多兩句英文

涼拌小吃

2011年5月18日 上午10:08

本身lee 個就唔係咁細碟既, 不過影相靚少少, 於是拎左少少出黎影

lee 碟野熱食凍食都得, 所以整多少少都唔怕

整法又係好簡單, 準備甘荀, 西芹, 木耳切絲, 鍾意落埋豆乾又得

所有野都汆一汆水, 再白鑊先爆香木耳再落少少油爆香甘荀

甘荀同木耳可以爆香dd, 因為佢地都好受火, 讚酒

之後再落薑蓉同埋蒜蓉炒一陣, 最後落西芹

用少少雞湯同埋蠔油, 最後打少少茨同埋落少少麻油

食果時可以落少少芝麻, 會香口好多

題外話

今日再講下讀書既野先

好耐之前0係屋企無聊, 亞媽叫我搵我學

於是我上網 click click 下, 見到工聯會有催眠課程玩

當然, 就算我當時再無知都好, 都知催眠係專業既科目

而工聯會就俾唔到lee 個信心我

於是再睇下, 原來坊間有好多催眠課程, 例如中大浸大都有

仲有NLP有催眠讀, 但係我就搵左另一間專係教催眠既細細間公司學

好搞笑架, 要interview 先可以入去讀架

隔晚上一日堂, 一上就年幾時間

雖然都係一樣未畢業就冇讀, 但係我都學識左好多lee 方面既知識

期後因為對心理學上有少少認識同埋興趣, 所以去讀心理學既課程

讀多兩年, 亦都一樣半途而廢....

好搞笑, 果時上堂要實習, 同埋要番屋企搵朋友幫手做功課

但係好可惜個個都係笑我既心態, 唔覺得我係認真對lee 件事

可能本身我份人都唔係咁認真, 所以覺得我玩玩下

冇所謂啦, 反正我已經得到我想要既野, 交到功課就算

到期後, 因為lee 個課程, 令到我好多時諗野既方法都用同一個方法

令到我0係文字同語氣上既改善, 變得有信心

面對陌生人唔會咁怕羞, 雖然冇完成課程

但係我都好有得著, 最少我屋企最多既書係關於催眠

之後先到飲食既書, 可想而知我對催眠既火其實未熄滅 哈!!

焗意大利青瓜黑松露薯蓉

2011年4月15日 上午09:55

lee 個薯蓉犀利呀!!! 足足用左兩個美國焗薯整出黎架
但係我同女皇都可以食得曬, 我用左一個比較特別既方法去整
先整薯蓉, 再落 幾湯匙既 芥辣, 同埋一湯匙左右既 黑松露醬
之後 拎半個蕃茄出黎打成蓉, 一陣用
之後炒香少少煙肉, 次後撈落薯蓉
放芝士落薯蓉中間再放 之前打好既蕃茄, 再放少少芝士
再放好意大利青瓜, 直接放入焗爐 180度 度 30分鐘就搞掂架喇
照計個青瓜應該唔會太燶, 因為 下次D 蕃茄不斷蒸發D 水氣
令到個青瓜Keep 到水份...食果時再落大量黑椒...搞掂!!!






題外話
有時我都諗唔到題外話有咩講.....
其實唔係冇架, 只係我次次打blog 都係一早
而我份人本身又冇咩記性, 一早起身又未訓醒咁
反而一到夜晚就多題外話諗到, 但係一起身又唔記得
我成日諗係唔係食味精真係會令人記憶力變差...

芒果汁沙律

2011年4月12日 上午10:03

lee 個沙律原本唔係 on list 整出黎架
d 菜諗住是但 油醋汁算架喇, 但係女皇怕食完我d野之後食唔落老豆留俾佢既芒果
所以叫我是但切粒放落d菜 一齊食, 但係0係我手上
當然要玩下野, 花多少少心思啦, 扮高級少少啦
芒果一半切粒, 一半打汁隔渣, d汁落檸檬汁, 欖油, 黑椒, 蜜糖調味
d 渣放唧袋 唧花, 上菜, 放芒果粒, 同埋放沙律汁就搞掂喇
你地唔好以為lee d菜好貴呀, 0係中環嘉咸街買好鬼平架咋...
我諗十幾蚊都買左一大袋, 唔洗0係 citysuper 買 百幾蚊番屋企..
而且中環果度又新鮮好多, 值得一去




題外話
前幾日同兩個朋友出去食飯, 食左間私房西餐
友人覺得環境, 服務, 已至食物都好高質
相反我同女皇覺得好一般, 唔值 420蚊一個人頭
我就開始不停諗, 大家都係食同一餐飯, 點解會咁大出入
先諗起食物原來係可以用好多因素影響
同不同既人去食, 會有不同既氣氛
大家對食物既喜好會有不同既交惡
食物既認識 同個人經驗 都有不同既化學作用
同埋每個人既價值觀都有唔一樣
如難盡信一個人既品味而作出中肯既意見
講到尾, 食物既野真係各有所好, 唔可以用太主觀既角度跟友人說話
不過我只係唔鍾意冇 heart 既餐廳.....
但係有人會用價錢去衡量, 覺得好好食.......
不過 420 蚊一個人, 我會期望好食過0係屋企自己煮囉...

凱撒沙律

2011年4月06日 上午10:11

星期六無咩心機煮飯, 唯有煮幾碟 普通野食算喇
 lee 個沙律已經係果晚最煩果碟黎架喇
只係要俾少少時間同埋手力 打出黎
實際份量我唔識講呀, 因為我都好隨心,
基本上準備 蛋黃, 沙律用欖油, 蒜蓉, 兩條冇骨鍉魚, 檸檬汁, 白醋, 芥辣子 / 芥辣
蛋黃打至奶白色, 再慢慢慢慢好少好少咁逐少落欖油, 出盡所有奶力係咁打
以我估計, 都應該要落 4湯匙 左右既油, 打到 好挺身
之後再落蒜蓉, 鍉魚, 芥辣子 / 芥辣, 再不停打
落少少檸檬汁, 白醋, 少少糖, 鹽, 黑椒, 酸少少冇問題
之前聽 E 記講 city super 有得賣冇骨既鍉魚, 但係我唔係好覺眼
所以我都係用屋企有骨既鍉魚, 但係我0係"針" 板 切成蓉 先放入去打
咁樣可以 100% 確保冇骨丫麻!!
而d 麵包粒就放0係易潔鑊 落少少油慢火煎出黎....
最後 準備少少 pamasan cheese, 就搞掂喇!!
雖然講到好似好煩咁, 但係事實上都係 20分鐘左右就食得
不過最梗要就係買到靚既羅馬生菜先得
聽日同大家講下我去邊間買丫, 果度真係平靚正架!!
因為我公司有野要做, 去做野先, 聽日再講丫~






p.s. d 字大番喇~~~~~  哈哈   同之前一樣喇......

脆香豚片配忌廉汁

2011年2月21日 上午10:07

lee 碟野都冇咩好教大家
做法好簡單, 都係0係超市買左d 打邊爐既黑豚肉番黎煎
d 菜就汆一汆水, 而煎完個豬肉, 個鑊d油留番, 落少少忌廉同埋威士忌煮好
作為頭盤最適合不過喇........






題外話
有時煮野都唔再係為左飽肚, 而係為左個外型上靚
就好似上星期六咁......我以為女皇好似平時一樣唔多肚餓
點知我就煮左三個頭盤....搞到女皇成晚不停話冇食過野...
我都有d過意唔去...哈...好彩女皇都識自己搵野食...食左幾條古古力條
原本我都真係諗係叫外賣叫pizza 番黎食既....
不過打完講完要咩之後, 同我講要 1.5小時......
咁我都係叫女皇打番去講唔要喇....
我地 9點半先叫....即係 11點先有......我果時都唔肚餓啦..
以前又話 30分鐘會送到.....宜家 60分鐘先叫正常時間
90分鐘係好多時發生既事..............
我又唔明喇, 你係唔夠爐唔夠手用定係真係咁多單呢
如果真係咁多單, 你唔加人??
你如果係唔夠人, 就唔該你唔好賣廣告啦
即係叫人食唔食你好呢??
我好記得以前真係過30分鐘就會送你食多一個pizza 架.....
宜家叫佢俾 tabasco 同埋 黑椒都冇...................唉.....

熱情果汁鮮果沙律

2010年12月29日 上午10:07


我真係好耐都冇煮野食, 唔係我懶呀
只係真係冇時間煮咋
你知啦, 得星期六同日可以煮
lee d 大時大節一定成日出街食飯
哈, 當俾我放假啦....
不過我番黎喇...
我終於忍唔住手星期一煮左餐飯.....

材料
沙律菜                      一袋
熱情果                       兩個
蘋果                           半個
橙                               一個
車厘茄                      10粒
青檸                          一個
檸檬                           半個
薄荷葉                      數片
威士忌                       一湯匙
黑椒                          少少
鹽                               少少
糖                               最少 兩湯匙
橄欖油                       兩湯匙




做法
1) 沙律菜自用水洗淨備用, 薄荷葉切碎
2) 熱情果一開二  "了"  出果肉, 然後用 "西"  隔出果汁
3) 拌入青檸汁, 檸檬汁, 威士忌, 黑椒, 鹽, 糖 及薄荷葉碎
4) 車厘茄一開二, 蘋果去皮切粒加少少檸檬汁拌勻
5) 橙用刀去皮, 切出果肉
6) 將沙律菜放碟, 再逐一放入材料,最後放上預先調好沙律汁及橄欖油即可














題外話

覺得lee 張相 影成點??  俾少少意見丫...

帶子啡菇大蒜沙律

2010年12月06日 下午01:05

星期六 契仔 同老豆亞媽上黎我屋企食飯
提早食聖誕節大餐, 所以今次我都唔會睇價錢
最重要食好食!!!! 我今次煮左 三碟野食
首先黎一碟 頭盤沙律, 亦都係我用左最多時間心機既一碟
不過超好食, 好值得!!




材料
蕃茄切片             一個
大蒜斜切             半條
帶子開邊             四粒
大啡菇                 一隻
沙律菜               
欖油                 
芥末子               一茶匙
蒜蓉
青檸汁               一個
黑椒
紅酒醋               兩茶匙
牛油                  5g




做法
1) 蕃茄 放入焗爐 100 度 焗 40分鐘再 200度焗 15分鐘, 拌上芥末子及欖油 備用
2) 沙律菜拌以欖油 青檸汁, 紅酒醋 , 備用
3) 蒜蓉 炒香 大蒜, 落少少聯及黑椒調味
3) 帶子 先汆水再落鑊煎香兩面, 再落少少蒜蓉 及 一半牛油 炒兩炒 備用
4) 落油煎香啡菇, 再落另一半牛油, 一開八 備用
5) 先放沙律菜上碟, 再放 大蒜, 再放上啡菇 及帶子, 最後放上蕃茄醬汁 即可~




Tips
如果 唔想焗 蕃茄的話, 可以買坊間現成既蕃茄乾, 唔洗嘥時間慢慢焗
如果想d 沙律菜好食d的話, 可以洗好之後文入雪櫃 雪幾個鐘
咁樣會脆身好多架, 同埋可以食之前先撈 醬汁會保持脆度
帶子最好煎到半熟, 咁樣就最好食喇, 所以 最好熄火先落蒜蓉同埋牛油




東主有喜' facebook page   <-------Click here
東主有喜's 微博                 <------Click here

牛油果蕃茄沙律

2010年12月01日 上午10:26

有時都唔明d 國內人仕點解可以咁冇禮貌 / 文化
我記得以前 HSBC 有個電視廣告話" 你去到外國你先係外國人"
都唔明同志們點解覺得香港同大陸既生活方式一樣
就連好多西方國家既遊客都覺得香港同大陸已經同化
等巴士明明見到幾十人排隊, 偏偏打尖
deleted 1,000 字......................................
你話丫, 北咩望神洲 丫
有時真係覺得 同志們好失禮




講番食物先....
我記得 Catherine 話唔鍾意食薄荷味既野
所以我特別整左一個有薄荷味但係又唔會太搶既食物
最0岩就係做前菜/ 拌菜 / tea set 小食/ tapas/ 大食會


材料
蕃茄                  一個
洋蔥                 1/4個
牛油果              一個
薄荷葉              數片
蒜蓉                  半粒
糖                     少少
黑椒                 少少
辣椒粉              半茶匙
魚露                  兩茶匙
青檸汁               一茶匙
橄欖油               一湯匙
麵包                  


做法
1) 麵包搽上少少牛油開鑊細火煎香兩面至金黃香脆, 備用
2) 蕃茄, 洋蔥, 牛油果 切丁, 拌上蒜蓉, 青檸, 魚露, 薄荷葉碎,
3) 糖, 黑椒, 辣椒粉調味, 最後拌上橄欖油, 放入雪櫃1小時待入味
4) 放上預先煎好的麵包 即可








東主有喜' facebook page   <-------Click here
東主有喜's 微博                 <------Click here

麻醬冷菠菜

2010年11月23日 上午11:03

琴日咪整左d 菠菜既~~
咁我本身買左半斤, 整蛋皮整左少少
其餘就用黎整我同女皇出街最愛食既麻醬菠菜喇
我地仲覺得買番黎果d 即食麻醬唔夠好食
實行, 自家制日式麻醬......
放心, 好簡單




材料
菠菜


芝麻汁材料
芝麻               一湯匙
生花生             數粒
味琳               一湯匙
日本豉油        半湯匙
糖                    兩湯匙
醋                     半湯匙
凍滾水             200ml




做法
1) 先用平底鑊細火炒香芝麻和花生變金黃色
2) 醬芝麻汁材料放入攪拌機打至稀爛, 試味
3) 烚菠菜至半熟, 即放入冷水過冷過, 渣乾水切好
4) 食時放上芝麻汁 即可




係唔係好簡單呢~~~~
記得要渣乾d  d 菠菜, 如果唔係好多水唔好食架~




題外話
我想問大家 如果我想介紹一間餐廳俾大家
應該點樣入手好呢
lee 間餐廳我食過好幾次架喇
d 出品都幾好架
不過我又唔可能 去多幾次食同一樣既野再影相番黎俾大家.....
應該點好呢
因為lee 間餐廳 真係幾唔錯架
西餐廳黎架
價錢又街坊價.......質數就酒店出品......
我如女皇都覺得lee 間野 如果再係咁平既價錢,
應該都唔會捱得好耐......












東主有喜' facebook page   <-------Click here
東主有喜's 微博                 <------Click here

日式三文魚錫紙蒸雜菜

2010年11月18日 下午01:21

今日有d事唔可以 打咁多宇
同埋好多朋友留左言都冇時間 reply
我真係有d 過意唔去......希望大家可以體諒啦
我宜家用左 lunch time 少少時間 打 blog 架咋.......


材料
三文魚            
日式麵豉          40g 左右
洋蔥條              1/4個
蕃茄粒              1/4個
青豆                   數條
生菜絲               少少
紅蘿蔔粒          十數粒
薯仔薄片          幾塊


做法
1) 先烚薯仔薄片 和 紅蘿蔔粒 10分鐘, 備用
2) 拌勻所有蔬菜, 混入麵豉20g, 備用
3) 三文魚搽上 20g 麵豉
4) 薯仔片放最低, 其後放好蔬菜, 最頂放三文魚, 再放大量黑胡椒, 再包好錫紙,
5) 開鑊大火水滾, 大火蒸30分鐘 即可




你冇睇錯呀, 係 30分鐘呀, 我就係想d 三文魚 蒸到出曬d油
放心喎, 如果你買果舊魚係靚的話, 煮出黎一樣會咁好食
所以我買左刺身用既三文魚, 貪佢夠肥丫麻...
蒸完出黎會發現好多汁, 完全係d 魚同d 菜本身既汁
超好味架, 唔好唔要呀!!!!!!!!
lee個最好就係唔洗睇火, 唔洗落調味, 撈好拎去蒸就搞掂喇...
上碟又靚....又得體....












0岩0岩0係 facebook 開左個 page, 希望大家入黎 "like" 啦
東主有喜' facebook page   <-------Click here
同埋我亦都諗住開始玩 微博, 大家可以關注我, 睇我平時做緊乜丫
東主有喜's 微博                 <------Click here


宜家冇咩人 關注 同埋 like 架咋
有你地支持, 我會有更多既動力

泰式炒菜

2010年10月13日 上午10:58

仲記唔記得上次煮過鵝肝醬意粉既~~~
果次食唔曬D菜, 留番另一日煮
呆企左0係廚房 1分鐘,  不停諗點煮好
突然間記起 我契妹 佢上星期去左泰國玩幾日
買左一盒野俾我
我唔係好知係乜
不過我估應該係 辣魚鬆
用黎撈麵先正!!!!!!! 加少少麻油......WOW...........
我唔係好捨得食架咋
因為如果食曬都唔知香港邊度有得再買番
唔通要番去泰國先有?
我行過 香港最多泰國鋪頭既九龍城都唔覺眼
大家如果見到的話, 同我講聲丫...
講起辣 lee 樣野..
之前我咪話我唔食得辣既~~~
一食完個咀就會好腫 好紅
話說我公司下面有間茶餐廳 叫 廣東燒味
我個同事有一次拎左碟辣椒油黎食
我又口多多咁試左一啖
丫, 又好好食喎, 好香
於是我就日日都去同一間食唔同既野都落辣椒油
食食下又冇咩事喎
好多時食辣野都冇腫
所以.....哈... 下次煮多d辣野先...




材料 (二人份)
荷蘭豆               一包  (去根)
西生菜              半個    (用手摵細塊)
蒜蓉                   半粒
魚露                  半湯匙
辣魚鬆               半湯匙    (如果冇可以用 xo醬)


做法
1) 蒜蓉起鑊爆香, 落 荷蘭豆 大火炒一陣, 落西生菜 再炒一陣
2) 落魚露同埋 辣魚鬆 同埋少少糖炒多兩炒就搞掂


Tips
1) 炒菜唔好炒到100%煮先上碟, 因為 d 菜本身仲有熱力會keep 住煮
     如果唔係就會老曬架喇


2) 可以的話, 其實炒菜落魚露係好食過落鹽/豉油