心情不好，亂打一通，不喜勿插 (銀魚薑絲蒸豆腐)

有人話做人要有目標要有遠見要有打算要有計劃，有人話快樂知足就是一切。

就似卡通獅子王一樣，有人追求權力有人追求快樂。

權力和金錢成了人類最大的慾望根源，不惜一切達到目的。

Akunamatata  一字真的可以有一種令人類放鬆的魔力嗎?

正如港東話版說的一樣是一句至理名言嗎?

這一套卡通由細到大都在我腦中不停出現，有不如意之時就會自動出現腦海。

豆腐肉碎蒸蛋

lee 個蒸蛋唔好睇佢唔得滑溜 就唔好食
就係因為要佢唔滑先夠好食
要中大火蒸得老身d先好食
食得出豆腐 既滑, 蛋既香
不過都要買d 有蛋香既蛋同埋有豆香又滑既豆腐先得
我今日用左 鴨蛋 代替雞蛋
0係 city super 果間 豆腐鋪買 左 盒細既 豆腐


材料 (二人份)
鴨蛋              三隻
豆腐              一盒細
肉碎             二兩 左右
蔥花              少量
雞湯              50ml


做法
1) 肉碎先炒香備用, 豆腐切丁
2) 拌勻所有材料,  放入比較高身既碟, 中大火蒸  7分鐘
3) 最好讚上熟油少少豉油 即可




tips
鴨蛋都唔平架, 應該要 兩蚊一隻
唔怕膽固醇, 可以減少一隻鴨蛋, 落 四隻鵪春蛋, 蛋香味仲勁..

麻婆豆腐

2010年8月16日 上午09:39

無啦啦個Photoshop 死左??
搞到我整唔到水印添.....




麻婆豆腐老老實實我就唔知咁整0岩唔0岩喇
不過個味都好好食, 同埋用料簡單極
個個屋企都好易整, 仲有夠平!!!




材料 (二人份)
軟豆腐 (切丁)       一尊 (3蚊)
肉碎                       10蚊
韮黃  (切段)          3條  ( 1/10  of  3蚊)
雞湯                       300ml
滾水                       200ml
蒜蓉辣椒醬          一湯匙   (李錦記)
潮州辣椒醬          一茶匙   (李錦記)
花椒 (搗碎)           數粒
薑                            一片
生抽                       適量
老抽                       適量
糖                           適量
生粉                       適量




做法
1) 落水, 生抽, 老抽, 糖, 生粉醃肉碎 一小時
2) 薑起鑊炒肉碎, 再落蒜蓉辣椒醬, 潮州辣椒醬 再爆香
3) 落雞湯, 水, 中火煮一陣落, 落花椒, 落少少老抽上色
4) 試味, 落糖, 生抽, (辣少少, 甜少少係okay 架)
5) 落豆腐 (豆腐只可以推, 唔可以炒)
6) 打生粉茨 (大約 兩茶匙既粉), 落韮黃煮多十多秒, 即可






題外話
大家鍾意咩名牌呢?
同埋大家點睇一個牌子係名牌呢
我都鍾意名牌, 但係我就唔係咁鍾意成身名牌
好似幫人賣廣告咁, 為咩丫.....
做人低調d好....