自從上年老爸退休後、心愛好用的相機壞了後、雅虎轉型後 我就沒有盡力放心機落博文中。而每星期的煮食大多是簡單快捷的餐譜，快快手手煮好是但拍照吃過洗碗就算，以前的心思擺放和特別食材都開始一步步減去，變為更家庭式的食物。以往花了絕大部分的人工在食方面，但宜家就花了很多金錢時間在飛鏢和旅遊之上。以往在博文中經常提及自身的題外話，但後來發現說是非的朋友比用心文的為多。無他的，博文是我，我只想為我 曾為女皇做的每一道不同菜式作一點點的描述。
2012年5月22日 星期二
2012年5月20日 星期日
2012年1月3日 星期二
菠菜芝士意粉
人最可惜是有時間限制，時間總是比心智跑得快
現今社會比時間跑得更快
事物愈新人就愈善忘，人愈善忘就愈忘本
年少的視節日為之期待的悅快，中到中年視之浪漫特別日子，人到晚年視之最後的感恩
而在我而言，是一個不三不四的年齡層
真心朋友愈見愈少，只求簡單安穩就好
懶惰 ?
只覺得節日意義再不大，無謂錢不亂花
商業味精太濃厚
節日就像鬼門大開，所有奸商上街作惡
見聖誕節都有倒數節目就明白
香港人的文化是 " 又中又西" 還是 " 不中不西"
我也搞不清楚
中西方節日有假放，做打工仔的自然開心
說話又中又英，媽媽最開心
食物又中又西，醫生最開心
思想又中又西，特首最擔心
愈講愈遠....
2012 年 起身 都已過 中午，草草打開雪櫃查看醫肚食物
幸好家中普通食物一定有，而半個意粉痴的我 意粉一定少不了
用上急凍菠菜 青豆 芝士 辣椒 蒜片 做出 個香口意粉
拿手炒滑蛋 加 煎鵝肝
2012年有這一個開始 ，滿足滿足
2012 年 其中一個目標是報讀攝影課程
請問大家有冇介紹?
還有一個問題，我想 出一本畫冊 (數量十多本)
雖然有點自大，但如果成事的話我想送給有興趣的朋友
有人會要麻?
熱乎乎的食物就是寒冬中最內心的溫暖
簡單的一餐 開始 2012
2011年9月26日 星期一
蕃茄清意粉
lee 個意粉 幾年前煮過一次覺得麻麻地，因為用左大陸蕃茄
唔香又唔甜，令個意粉失色
而今次就用左羅馬既一粒粒超甜蕃茄
因為今次個意粉只用蕃茄汁做味，輸贏都係靠個蕃茄
首先將蕃茄切粒放攪拌機打爛隔渣， 而d 渣就可以留番做另一樣野
聽日再講係乜 (呃post)
我諗蕃茄汁需要最少 500ml 因為一陣要黎煮意粉
而意粉先烚一陣變軟身再轉鑊 同蕃茄汁一齊煮
煮到少少收汁 就可以落鹽 黑椒 ，少少洋蔥絲同埋青菜 輕輕煮一陣
最後落少少 巴馬臣芝士 同埋少少辣椒粉 就搞掂架喇
係咪好煩呢~~ 木如果有心煮真係要買d 靚既蕃茄先好煮呀~
哈哈，距離我目標 100 碟意粉仲有好大段日子.........
2011年9月21日 星期三
蕃茄肉碎意粉
我用 超市可以 買到 既罐裝切粒蕃茄, 貪佢方便
又冇蕃茄核 同埋 個味 穩定
先落少少油爆香蒜蓉
之後落肉碎 直接炒香
肉碎為左方便我都係去超市買 一pack pack 果d
炒香 後 就可以 落 成罐蕃茄，半罐水，半罐雞湯，少少甜既白酒
細火煮，期間不停攪拌
而且 間唔中要篤 下d 蕃茄，令佢爛d~
然後可以試味，落少少茄汁，喼汁，少少糖, 少少黑椒 (試啱味為止)
同一時間可以開始煮意粉
意粉大約 煮到 5成熟 就可以 轉落鑊 同 蕃茄汁一齊煮
煮到收汁 就可以上碟架喇 
同樣 煮 意粉記得要多少少汁
同埋 意粉 煮起以為一樣會吸收水份
2011年9月20日 星期二
薯仔牛奶白汁煎薯粒意粉配肉桂煎肉餅
薯仔半個 切粒, 拎一半薯仔粒用 50ml水 50ml 雞湯 細火煮 大約 5分鐘 至軟身
之後落大約 100ml 牛奶 同煮，大約 5分鐘左右
之後放攪拌機 打， 隔渣， 留番既用黎做汁, 備用
另一邊 碎豬肉 落少少鹽，黑椒, 少少肉桂粉，少少辣椒粉, 一隻蛋黃, 少少粟粉
撈好 就可以去煎
用易潔鑊 落少少油 中火 落鑊 煎一陣轉細火，目的係令肉本身既油份出黎
大約 5分鐘左右 轉另一邊 轉中火 煎一陣轉細火，煎到兩邊硬身, 應該熟架喇
煎好 放埋一邊 唔好理佢地, 用鑊本身既熱力 等佢地 抖下先
之後 放廚房紙 吸油, 廚房紙真係一樣好好既吸油工具~~
另一半 薯粒 落dd 油 中大火 快炒
之後同樣放 廚房紙吸油
開一個煲煮意粉 至 8成熟, 之後轉落鑊
記得要落大約 100ml 左右既 意粉水
之後落 幾 啱啱打好既 牛奶白汁一齊煮, 睇情況而言再落牛奶白汁
記得 煮得稀少少，薯仔會變杰身，所以要用多少少意粉水做汁
同埋 啱啱煎好既薯仔粒 個味 都要利用 意粉個汁, 所以多d 都okay 架~
煎好既薯仔粒放低，再放意粉，令意粉既汁流苃薯仔粒, 搞掂!!
2011年9月19日 星期一
麥皮脆煙肉白汁意粉
你冇眼花睇錯....係麥皮!! 哈哈
琴晚 post 左0係 facebook 問大家用咩煮意粉
真係考起你地呢~~
事源有個朋友問我可唔可以幫佢諗幾個意粉 少鹽少油又健康
真係突然間考起我，平時煮咩都多多牛油，又忌廉，又芝士
諗番起麥皮煮出黎既質地都幾幼滑，不過太大粒
於是將麥皮放攪拌機 當佢仇人咁 打爛 !!
而煙肉方面我一係唔用，一用就買 靚少少
題外話 : 有冇 city super 既員工睇我個 blog，我成日幫你地賣 廣告
遲早俾 yahoo 話我架喇........哈哈
要少油，第一樣需要係易潔鑊!!
超細火白鑊煎香煙肉，煎到啡啡地，硬身為止
目的係想煙肉香脆 同埋 迫出油份
然後 煙肉放廚房紙 吸油 同埋 吹凍 變脆身同一時間另一邊煮意粉
利用啱啱煎完煙肉留低既油再 加幾滴油 用中火爆香蒜蓉
落大約 100 ml 雞湯, 中火煮
雞湯煮滾後 落 大約 100ml 牛奶, 同樣煮同中火煮至滾起
落大約 1.5 ts 既麥皮粉, 慢慢推開 慢慢煮
5分鐘過去, 意粉應該 煮到 5成熟
可以放埋落個汁細火煮, 希望意粉吸多少少味
煮三兩分鐘 應該會煮到傑出少少, lee 個時間可以 落多少少 啱啱煮意粉既水
少少 tips, 記得煮得稀少少，我第一次煮果時太傑, 冇諗過 麥皮凍左會傑身好多
所以第一次煮就稀少少, 同埋 最後再用少少意粉水推開d，多少少汁都okay 架
lee 個時候可以試味, 落少少黑椒 上碟架喇
lee 個時候就 可以 整碎 煙肉 放意粉 上面
聽日仲有另一碟仲奇怪既意粉呀!! ^^
2011年9月6日 星期二
鮮蝦雜菌忌廉意粉
上星期六 叫左 個朋友 同埋 契仔 同埋契仔亞媽上黎 食個飯飲下酒
為左有更多時間同大家傾計，我煮左幾樣比較簡單而且快手既出黎
而其中一碟係我最拿手既意粉
好簡單，大約 10分鐘就搞掂，連切連煮 都唔過 10分鐘
一邊烚意粉，一邊將洋蔥切條，新鮮雜菌一開四 大大舊, 煮完出黎有咬口
而蝦我就喺 吉之島買左包 泰國生蝦 用黎煮
又唔洗洗又唔洗自己搣，方便好多
買番黎放室溫 兩個鐘左右自己解雪 即開即用
之後開鑊落 油(少) + 牛油(多) 爆香洋蔥 同埋 雜菌 (大約 1分鐘左右)
可以落埋d 蝦炒到變 白身 就可以落 忌廉
一人份量大約用 1/4 盒忌廉，我當晚要煮 4人份，所以落左一盒
之後意粉都應該煮到 5成熟
隨即放落鑊 煮一陣，再落少少意粉水
轉中細火煮意粉至 8 成熟，lee 個時候應該都收左少少水
再落多少少意粉水， 煮到滾起
落芝士，試味，上碟，食得 !!
2011年8月30日 星期二
白酒蘆筍意粉
都有好年幾兩年冇自己 整意粉搓粉喇，屋企地方又唔係大，又整到通屋都係粉
星期三 四睇得多 班小朋友 煮得咁叻
我又唔抵得, 一於跟住整
其實我唔識整意粉架~
幾多份量 果d 我唔識架, 我每一次都係感覺 麵粉 夠唔夠身
但係今次我就大約用 220g 既麵粉 之後麵粉中間開個"loan" 落 兩大隻蛋, 加少少油 同埋鹽
大約 50g 左右既粉可以做出一人份既麵團
由內到外慢慢一步步溶合
慢慢搓下搓下, 搓到有彈性 同埋變得光滑
而其中我只係 拎左一半 搓
都好足夠我煮一碟意粉既份量
左邊 : 未搓好既粉團
右邊: 搓好既麵團
之後用保鮮紙 包好 放埋一二邊 唔好理佢
大約 30分鐘左右
然後可以落少少粉 用掍 推開
大約 推到 1mm 左右
之後可以 切成 自己鍾意既 闊度
整好既意粉 最好即刻 食 如果唔係會變硬架喇
而新鮮既意粉 煮熟既時間比 乾既快好多
大約 3分鐘就可以 架喇
所以煮意粉前最好準備好所有材料 先開火
如果唔係會過火, 唔好食架喇
簡簡單單 蒜粒欖油 起鑊
炒香洋蔥同埋蘆筍
讚少少白酒
落意粉 炒兩炒, 再落多少少白酒 同埋 鹽
最後落少少鑊尾油 就可以上碟 食得架喇~
平時我會0係 facebook page 講多d 其他唔關事既野
有興趣既朋友 可以 join 埋一齊傾丫, 方便好多架~
訂閱：
文章 (Atom)
LinkWithin
