上星期六 叫左 個朋友 同埋 契仔 同埋契仔亞媽上黎 食個飯飲下酒
為左有更多時間同大家傾計,我煮左幾樣比較簡單而且快手既出黎
而其中一碟係我最拿手既意粉
好簡單,大約 10分鐘就搞掂,連切連煮 都唔過 10分鐘
一邊烚意粉,一邊將洋蔥切條,新鮮雜菌一開四 大大舊, 煮完出黎有咬口
而蝦我就喺 吉之島買左包 泰國生蝦 用黎煮
又唔洗洗又唔洗自己搣,方便好多
買番黎放室溫 兩個鐘左右自己解雪 即開即用
之後開鑊落 油(少) + 牛油(多) 爆香洋蔥 同埋 雜菌 (大約 1分鐘左右)
可以落埋d 蝦炒到變 白身 就可以落 忌廉
一人份量大約用 1/4 盒忌廉,我當晚要煮 4人份,所以落左一盒
之後意粉都應該煮到 5成熟
隨即放落鑊 煮一陣,再落少少意粉水
轉中細火煮意粉至 8 成熟,lee 個時候應該都收左少少水
再落多少少意粉水, 煮到滾起
落芝士,試味,上碟,食得 !!