早兩年前 連粵日 令到一班 blogger / 食評人仕 連翻討論
有好有壞，但事過兩年由一位 兩年內試過四次之多的朋友帶我們到連粵日食飯
普遍來說食物真是爛透，朋友說失去已往的水準
我們從她的電話追溯之前的食物照片，真的不一樣耶
我和女皇先到，於是先開紅酒及點了兩客小吃
枝豆，雖然基本上沒有太大技術可言
但放於熱水太耐 我還是吃得出來的 !!
環境一般，三四個朋友傾計是不錯的
但 最低消費 200 蚊 一個 ，很有難度呢
鴨舌
其實個鴨舌係全晚最稱職既食物
淡淡酒香，肉質結實而入味
有時唔係自己專長就唔好拎出黎呃人錢!!
三文魚 得果幾塊收人 78 蚊
芥辣 係即食都唔在講，豉油好明顯係中式豉油既生抽味!!!
魚生霉霉地既內質，而且睇得出係解凍方面既問題 !!
柚子 雞亦
麻麻地啦.....柚子味就唔係好覺喇，蜜糖雞亦就有
不過我想同老細 講，唔該你花左幾蚊買巴西雞中亦啦 !!!
由於有一個朋友 之前食過覺得唔錯，講個蛋好正
係用鴨蛋做出黎既溏心蛋，食落甘甜 可口
但係過去左就過去左，宜家應該係用左雞蛋，蟹子都有d鯹鯹地
麻醬蕃茄，冇咩特別啦，係個蕃茄唔算靚囉 ~~
今餐飯除左 我同女皇之外 仲有兩隻靚飯腳
朋友未到之前我已經對 lee個飯 好期待架喇
於是我問個店員，希望可以做出我想有既效果
我：請問個飯隻蛋可唔可以唔要蛋白，淨係要蛋黃
5 分鐘過後
另一店員 答 : 請問個飯 有咩問題 幫你?
我開始頭痕 : 我唔要煎蛋，淨係打隻蛋黃落去得唔得
店員：我問問廚房師傅丫
5分鐘過去
店員: 唔好意思呀唔係好明你講咩，如果唔要蛋白唔係好識做
我 : okay 啦 (火), 咁算啦 唔該
最後個飯當然唔好食啦!! 飯又凍，肝又過火， 蛋又老
我唔明個廚房係本身個質素咁差的係冇心機煮!!
估唔到咁既質素都可以過關俾客食!!
面豉醬焗茄子
只係茄子切開一半放面豉醬焗，面豉醬未夠身，茄子又硬
令到食落口咬第一啖果時 d 面豉醬 "痴" 住個口，但係又要用力咬個茄子
獨子蒜露荀牛肉粒
對唔住!! 食到lee 到我已經再對 連粵日冇要求，只係想放得入口唔屙就算果隻
獨子蒜唔覺有出現過囉唔該，同埋你地睇條露荀咁老就知牛肉都唔方好食
少dd 牙力都洗食佢!! 同埋放枱面幾分鐘 就已經出水!!
由於最低消費 點食都未達到，所以 是但叫兩樣野食 希望夠數之餘又冇死
清湯牛腩，唔好意思，雖然普遍黎講都係用雞湯炆
但係雞湯味太犀利，而且落左炸蒜一齊食令到本身都冇牛味既牛腩更加冇味
而且個牛肉都炆得好差，睇唔出有用心機慢慢炆囉
反而佔左 3/4 份量既 蘿蔔又幾好食喎，入口即化
不過都係雞湯味既蘿白
而最後上枱既係 白酒青口
好食既白酒青口 先唔講係咩品種既青口
聞落要有啖啖既酒白，青口既海水味，飲一啖落好似去左大海一樣既感覺
但我去到既海係一個死左既海，鯹到即刻唔想再食!!!
總結 : 我都唔明個廚諗咩 !? 你唔掂就唔好出黎開啦，間鋪得十 幾廿樣野食都搞到咁
好老實問你，你有冇拎個心出黎對客架?? 我覺竹好似黑店咁囉!!
