早兩日有一個很有趣的飯局，七點半開始煮飯，邊飲邊食邊煮，不經不覺 零晨兩點
很良好的感覺，第一次沒有壓力下的 一起煮飯
飲飲食食 最重要 開開心心，中式西式 都一樣放入口，紅酒白酒一樣照飲
原來飲飲食食可以這樣開心，這樣放鬆 自在
五點幾 先去 銅鑼灣 cafe 飲野 hea 住傾 一陣食咩好
雖然主題係大閘蟹，但傾下傾下 就變左好多西式食物
又大閘蟹 又湯圓 又春雞 等等等等..........
上到人地屋企個廚房 咩都唔熟，最好由主人家搞番
由於番到屋企都 差唔多 八點，所以 先醃春雞三兩個鐘 再焗
而醃料方面 用左 圖中兩位美女由 Cambodia 買番黎專門醃雞肉既香料
而我同女皇冇野好做，於是屎忽痕 將 沙樂美腸 擺放好，中間放 好難再買既欖角
作為 餐前 餐後 伴酒 小吃
去銅鑼灣老三陽舊鋪 買左 7 隻太湖蟹
我個人黎講鍾意食細蟹多過大蟹，因為平d~~
我成日都話 買蟹既野好睇揀蟹果個人，要呃你，再貴都呃你
唔呃你，廿蚊一隻都好靚
今年係第三次食大閘蟹，三次都冇失望
但係換黎既係我既內疚感，令我經常去出汗做運動
驚死有人爆血管中風 唔生唔死咁..... (講笑)
兩個靚女又搞咩呢??
之後女皇又走入去 搞搞震~~
搞搞震 lee 樣野又點會少左我果份丫...哈哈
係我咁高先可以 影到一6既效果架咋~
原來兩個美人 切緊生果 放入 city super 買, 預先調味既 Sangria
再加上檸檬，做成一杯特飲，當中有 蘋果、布冧、菠蘿
唔知大家知唔知 撞杯 除左 開心之外有咩意思??
原來隨左聽覺之外，所有感覺都可以用到
唯獨 聽覺!! 所以 要撞杯, 令聽杯都可以感受
食完大閘蟹都差唔多十點鐘，快快手手令隻雞入爐焗
180度 焗 20分鐘， 220度 焗 15分鐘 搞掂
咁就可以做到個皮又脆又香, 而肉質多汁架喇~
食雞 都係 用最原始 既方法 食先好食~
因為 肉既 組織唔會破壞，肉汁可以保留
話說 lee 餐飯局前一晚 原班人馬去連粵日食左個 世紀最差既 鵝肝蛋飯
於是我提議 我地 挑佢機，自己屋企都做出比 街更好食既 鴨肝蛋飯
而 city super 有包鴨肝幾抵食， 四百幾蚊 有十塊，除左都係 40蚊左右一塊
打開包裝 見到 好多好肥既 鴨肝，未煮都感覺到佢好好食~~
由於小第 未試過自己煎鴨肝，於是 由主人家 煮比較好
唔好睇少一隻蛋，用鴨肝流出黎既油煎成既蛋
同埋 我第一次學到 用平底鑊 一樣可以做出 中式鑊感覺既蛋 (好犀利既技術)
再加上 lee 隻蛋 由日本黎，蛋黃既比例好高, 食落口 好濃
加少少豉油 撈埋黎食........真係太好食喇!!!!!
食完 個 鴨肝蛋飯都 零晨12點半~~ 仲有一個意粉未煮
於是放棄，改為 hea 一陣 吹下食 飲下酒
最後 差唔多 1點半 食最後一樣 湯圓
你話丫, 人生短短幾十年，有時對自己好d, 同朋友一齊把酒問歡 都唔係一件咩唔開心既事
想知我更多既野, 黎我fan page 就一清二楚 架喇
東主有喜 Facebook Page
東主有喜 Facebook Page
