A = 冰塊
B = 檸檬
C = 淡奶
D = 咖啡
E = 紅茶
F = 華田 / 好立克 (粉狀)
G = 水
H = 菜蜜 / 利賓立 (枝)
絕大部份餐廳都認為 檸茶 (水) / 奶茶 / 咖啡 / 華田 / 好立克 同一價位
所以 抽 共同單位的話 可以分為 兩類
1. 檸檬 ( 茶 / 水)
2. 花奶 (茶 / 咖啡 / 華田 / 好立克)
換句話說 一杯飲品 既價格 包含 最少兩樣 元素結合，而檸檬 / 花奶 就 兩種基本元素
而其中 奶茶 / 咖啡、 檸茶 價錢一樣，換句話說 奶、檸檬 價錢 都一樣 等同價值
假設 奶、檸檬 係一個 不變 元素 ，換句話說 即係 理論上我 可以 揀 檸檬 + 咖啡
但係事實 要你俾多 兩蚊 ! 我真係想知個邏輯 係點~
你話 咖啡 要沖要煲 所以俾多D錢?? 紅茶一樣 姐~~
我少甜少奶 又唔見你收平D? 你都痴痴地~
咁請問 我 落單 要 一杯 咖啡 奶另上 同埋一杯 檸茶 檸檬另上
再自己 溝檸檬 同埋奶茶又會唔會加我兩蚊呢??
再深入D講個 矛盾位 係 香港有樣 飲品叫鴛鴦，即係 奶茶 + 咖啡
即係 三種元素 既飲品溝埋一齊飲，而且同 兩種元素飲品價錢一樣
所以 檸檬 + 咖啡 要俾多兩蚊 係 十分不公平 既收費
而同另一樣鬼混 收多人錢既仔最新既 兒童鴛鴦，即係好立克 + 阿華田
1. 鴛鴦 - $14
2. 咖啡 - $14
3. 奶茶 - $14
4. 好立克 - $14
5. 華田 - $14
6. 檸啡 - $16
7. 兒童鴛鴦 - $18
有幾間餐廳 仲賣 22蚊 添~~ 咁你話合唔合理喇 !?
菜蜜 同 利賓立 算叫做另一種類既飲品，一樣 出現不公平售賣 行為
就好似 我前幾日 去一間茶餐廳食飯飲凍檸蜜，一句唔講加我 5蚊
加我 4蚊 都覺得唔公平，因為 價目表講明 凍檸茶 16蚊, 而凍檸蜜 17蚊
相差 1蚊 !! 理論上 只可以 加 我 3蚊，宜家 收我 5 蚊 !! 係咪好有問題!??!?!
仲有仲有!! 我留下有間 茶餐廳仲搞笑，自稱所以咖啡都係即磨，冇普通咖啡
變相收多你 1蚊, 而且仲唔會問客人 加一蚊仲要唔要
大佬呀~ 飲咖啡 我又冇要你沖磨俾我，而且我見水吧既即磨咖啡機 都未用過
都係 做好一樽樽既咖啡膽，唔覺有咩分別囉
再講，鴛鴦 一樣用同一樣既咖啡 沖出黎 點解你又唔收我 1蚊 呢 ??
如真係真係要同我地計的話， 炒底加我 5蚊、轉出前一丁 / 烏冬 加 3蚊、加底加 5蚊
煎兩隻太陽蛋 加 8蚊、雙拼燒味加 2蚊 (份量同單拼一樣) 等等等等 既不公平 收費
咁 我坐底唔飲你杯水、扣底、走色、唔要蔥油、只係用你一隻叉、熱檸水唔落糖 係唔係收平D?
我知賺錢係啱，都唔好當D 客係白痴丫 唔該!!!
東主有喜 Facebook Page
