食物除環境、質素，最重要的就是心靈上的滿足及舒服
有睇食神都仲應該記得 叉燒飯有多利害
當中最利害之處是是令食物一下子打開最難開之門
而身在外國 或情況不許可的話，只好找找就腳的 美砂銅 止癮 ，稱為 comfort food
夜晚 十二點多一點要飲茶食宵夜的話，我會揀大坑的嘴兒甜
雖然夜媽媽飲茶大有地方可以揀，我就鍾意嘴兒甜感覺
嘴兒甜無一食物好吃，茶亦不見甘香，環境衛生問題多多
最開心的就是 二十四小時 開放，隨時有得食，食物差不用等位
令你有心靈舒服的食物就要面對多種問題吧
茶錢三兩蚊，叫三樣質素平平但能一解 心靈的寂寞
鵪春蛋燒賣
並沒有特別之處，一早蒸好擺放過耐令外皮及蛋都失去水份變硬
還好有不少份量的肥豬肉令肉質不致太乾身，味道而言就普通吧
小時候到酒樓其中一樣必點的點心
所以要食 comfort food 的話就會揀小時候的味道
臘腸卷
同樣一早蒸好，包本身都不是什麼好貨色，再加上翻蒸又翻蒸令底部變得開始爛
臘腸都不見得鬆軟甘香，而是硬巴巴，當成一件殺人工具
臘腸卷買少見，同樣是我兒時最愛的其中一樣點心
所以味道及質素都不會看得太重吧 ~
排骨蒸飯
排骨落得過多鬆肉粉，冇肉味，豆豉唔香
豉油明顯地多味精，而飯就過多水
每一次飲茶我例牌會叫一碗排骨飯，所以今次亦不例外
就算一早 七點我都可以幹掉它!!
可想而知對我有幾 comfort food 呢
而我食過最好的排骨蒸飯都已經再找不到了
多謝 田生地產!!
夜媽媽門口可以泊車，就喺達磨旁邊
地址 : 大坑銅鑼灣道96號地下
