不得不應承 人只要有籍口 懶惰一次,偷一次懶
就自然會愛上 這種 偷偷摸摸 的 光明正大
八号風球又一個好籍口 唔打 Blog,哈哈.......
平時煮西式食物就煮幾個鐘,煮番一次中式 就 感覺到偷懶既感覺
中式家庭食物好多時都可以 1小時之內 完工
而且材料費用 上都比西式黎得更 抵食
煮過幾次中式食物,女皇都終於開口
" 你都係煮西式食物得 應手d"
就係女皇 lee 句,我要反思一下我係唔係應該 煮多d 中式家庭式既食物
假設過幾年要開始獨立,搬出黎住
唔通晚晚都煮西式咁貴咁煩咩,所以中式食物真係要得閒煮下,向亞媽偷多少少師
打八号,0係 屋企 煮野食
簡簡單單 煮 即食水餃,點知 搞搞下 愈搞愈多野
又炸蒜,又整蔥油,又整得靚靚咁
而我最想同大家分享既係 蔥油
炸好一樽放雪櫃,得閒 拎少少出黎 煮下野 食下麵 都不知幾過癮
不過我就冇整咁多喇,亞媽唔係咁鍾意我整埋一樽樽既野落雪櫃
廢事亞媽嘈
蔥 一定一定一定要切得非常幼細, 用慢火 慢慢 炸
炸到金黃色就記得快d 熄火,如果唔係就會變得好燶 架喇
一路炸一路會聞到好香好香既蔥味, 宜家諗都流口水 ~~
如果想香口d 的話,炸到一半果時可以落少少蒜茸 同埋 dd 辣椒
炸完出黎 好香脆, 食公仔麵唔洗落麻油
轉用蔥油, 即時 好食左好多, 就算乾撈 都一樣咁好食!!
而我就 煮左個椰菜粉絲湯 再落 蔥油 同埋 炸蒜 一齊煮
即刻 令成件事唔同曬~~ 哈哈
有時 煮野食 只要花多少少心機,都一樣煮得好食既野出黎 令人感動~