前排睇 openrice 都見到有人講 lee 間餐廳架喇
不過只係放左0係 我的最愛 冇理過佢
唔知咩事心血來潮 突然walk in 上去, 好似 可以 倖一個鐘時間我地食
如果唔係都俾人book 爆左
因為 間野好細, 大約 20人左右
入到去第一眼就見到有個日籍廚師 同埋一班 日籍客人
好開心咁傾計，感覺就好似去左日本一樣
雖然我唔識日文，都感覺到佢地幾個既熱情
因為 我同女皇 只係 "zip" 時間 食一個鐘
所以唔可以好似 openrice d 人咁, 開左個鐵板 keep 住個溫度
都冇所謂啦, 反正兩個人都唔食好耐
如果book 位的話一定可以 用個鏟仔 過癮下~
飲品方面 我就一定叫 啤酒飲架喇
而女皇就叫左杯 乳酸味既飲品
睇 opecrice 見人地都係叫果幾樣
冇理由我唔叫丫~ 睇下同大家既意見係唔係一樣都好丫麻
芝士蛋庵列 就係其中一樣喇~ 48蚊
上枱果時覺得個外皮好似好乾身咁
再望真d, 原來 蛋汁多到流出黎
而且個外皮係脆脆地架添呀~ 應該唔差!!
而打開黎睇..........真係見到都感動!!!!
聽店員講, 如果 開埋個鐵板 自己燒多一陣, d 芝士就會溶曬, 仲可以拉到一絲絲咁
食落口 口感好滑, 淡淡芝士香，最讚 既係落左大量蔥粒, 即時香口好多
豬肉大板燒 + 麵，個表面好迷幻 78蚊
大板燒 最好就係 既實淨又鬆軟
而且要煎得香口, 不過火。
連麵條都一樣做得出色, 我推斷個炒麵應該幾唔錯..!!!
蟶子 88 蚊
嘩，不得了呀~~
我諗都有 8 吋長, 而且好厚肉，脤卜卜咁
聞一聞...已經聞到好鮮既味, 同埋好香既炸蒜
炸蒜同 海鮮 真係絕配!! 再加大量既蔥花
lee d 先叫 無敵 丫麻!!
香而不油，爽滑既鮮甜......
魚腸 38蚊
細細碟, 但係極之膿味
日式麵豉，蒜頭大蔥 辣椒 等最犀利既味夾埋一齊
魚腸 好似係生生地既感覺, 可能要生 先可以做到爽脆既感覺
食得出真係好新鮮 而且醃得非常好食!!! 一d 鯹味都冇
神級作品!!
泡菜炒豬肉 48蚊
一上枱就已經 聞到好香, 好惹味既感覺
另一碟好多蔥 既 餸
lee 碟係最後一樣 食既野
睇番咁多碟都冇咩油, 非常之讚呀!!
雖然 用腩肉, 但係完全燒到冇咩油果下犀利!!
腩肉一定要燒到咁焦香先好食
但係腩肉一旦無左油份就會變硬, 會失去軟滑既感覺
好醒目!! 加左苣篛, 令成件事變成又香又滑又脆又酸又辣
食落極之複雜 既層次..!!
48 蚊 真係抵到爛呀!!!!
廚師有型又靚仔, 可惜我唔識日本同埋我係男人........
坐 Bar 既 大多數都食得好開心, 下次去我一定要 book 位
可以搵多兩個朋友黎飲酒, 食大板燒!! 真係好好食呀!!
地址 : 銅鑼灣軒尼詩道499號永光商業大廈9樓
平時我會0係 facebook page 講多d 其實唔關事既野 有興趣既朋友 可以 join 埋一齊傾丫, 方便好多架~
