去灣仔真係唔怕搵唔到好野食，當中有一間日式餐廳我覺得幾抵食又新鮮
去過好幾次發現客人唔多，好容易就可以入座
餐牌上 午市套餐 包括一個魚生飯、蒸蛋、青瓜沙律、麵豉湯
而價錢 連 10% 服務 大約 75 蚊左右
真係算幾唔錯架喇~
另外 見到 海膽軍艦 都只不過 38蚊 兩件
除番開都係 19蚊 試下冇壞丫
上枱望落又唔差喎， 19蚊貨仔一件
我唔理係 加拿大、山東、定係 北海道 既貨
外表望落仲見到一粒粒好挺身 既肉質，要新鮮貨先會見到
所以我推斷味道應該唔錯
香港食海膽 90% 都會有鯹味架喇, 睇你好唔好彩
而今次又冇咩鯹味，可惜鮮度不足，無回甘味
咁既價錢 都真係冇野好彈架喇~
另外叫多兩客 三文魚子 軍艦，好似都係 38蚊客
好多時好多餐廳都未必用真正既三文魚子
而lee 一間我就唔 100% 肯定係真野
不過放心, 如果真係假野, 都唔會食壞人既~
什錦魚生飯定食 都係 58蚊 咁多野食, 真係開心
當然啦, 咁既價錢既青瓜沙律都唔會人手切俾你食架喇
好彩都好爽脆, 又輕身, 唔錯!!
三文魚 立魚 等都好新鮮, 完全唔鯹
反而仲好爽口, 而蟹子都好彈牙, 好實淨
而飯都有出奇地有飯香, 醋香, 彈牙, 爽身, 估唔到鋪仔細細, 收咁既價錢 仲想點~
最欣賞係個蛋..!!
同事既 勝手 定食
有帶子 有甜蝦, 有三文魚, 有赤肉
我只係偷食左一粒垃子, 肉質結質, 爽口鮮甜 價我 10蚊
當你 10蚊一個材料 都 40蚊啦.........真係幾唔錯!!
好過有d 港式日本餐廳 收你 百幾蚊 食d 仲差質素 既食物丫！！
後話 : 我睇番 openrice, 見佢晚市既質素 未必咁好食, 如果真係去試, 都係揀 Lunch 時間 好d!!
一係等我試過夜晚再同大家分享丫!!
地址 : 灣仔巴路士街5號地下
平時我會0係 facebook page 講多d 其實唔關事既野 有興趣既朋友 可以 join 埋一齊傾丫, 方便好多架~
