同女皇一早 5點半起身 6點半出門口 準備去築地食早餐
好彩唔難搵路, 去到見到好多吞拿魚, 都知冇去錯地方...哈哈
築地最多人去有兩間, 一間叫壽司大, 另一間叫壽司大和
我地七點幾到都已經有 差唔多 50人排隊, 真係誇張~
店內情況~
等左 差唔多 1個鐘 終於入到去
90% 既人都會叫 餐, 真係好抵食, 好果散叫, 蛋都要 35蚊件
而一個餐就350 蚊左右, 不過有好多高級少少既食材
有少少唔係太鍾意個環境, 眼見好多人排隊, 俾好多壓力你
而且師傅都要做得快好多, 打孖上, 唔理先後次序
第一次食到咁好食既魷魚, 食落口有一種好棉既感覺, 食完甘甘地
一開波食 大Toro.........
魚身光鮮, 油花細膩, 冇筋, 入口即化
我當時真係好感動, 第一次食到真正日本人鍾意食既 toro
一分鐘都冇再上 蛋, 海膽
老老實實我唔係好識點樣去欣賞 玉子
只係覺得比一般黎講細滑, 蛋香
嘩!!!! lee 度應該都有一隻海膽!!!!
偷聽到前面有個香港人話 lee 間 d 海膽係一隻隻開出黎
見到 d 海膽一粒粒凸起就知新鮮
食落口, 一d 真係一d 鯹味都冇
而且甘甜味直上個鼻, 吞落口有海水味直衢上黎.....犀利
無啦啦上小卷~~
鐵火光 同埋 三文魚子小卷
熟蝦 同埋 中toro
熟蝦彈牙鮮甜, 而中toro 雖然冇咁油香
但係都一樣咁好食!!!!
我唔食, 唔識講.......
左邊果件白身魚我都唔食, 唔好問我... 俾左女皇食
好彩我對自己鍾意食既壽司都識叫, 第一次咁大膽大大聲同師傅講我想要食咩~~
帶子鮮香, 甘, 爽滑
丫, 好似唔記得講d飯同 芥辣添..
飯粒粒分明, 醋既比較0岩0岩好, 入口會自己散開, 有淡淡米香
而芥辣 係用 新鮮
除左 帶子我仲叫多一件三文魚子同埋魷魚
雖然我知 lee 度既三文魚子唔係最靚
但係最少知道鹹鮮 係咩味~
雖然你見我好似食左好多野, 但係都係 15分鐘就走人
埋單兩個人食左 810蚊左右
如果有機會, 我一定會再黎, 食餐再勁d!!!!!!! ｗａｋａｋｋａｋａ！！
築地除左魚之外仲有好多新鮮野買~
一早起身未訓夠, 陽光又咁勁......差d 暈....
真係少d 精力都唔掂~
不知明既植物, 好貴....有冇人知係咩~~
行完築地 去 南大沢 outlet, 點知冇咩好行
樣樣都貴過香港買, 仲話outlet......
頂唔順, 搵地方食杯冰先.....真係好熱
lee個idea 真係幾唔錯, 泡冰 上加 好濃好濃既咖啡 真係好正!!!
我記得我 對上一次黎lee 個outlet 果時 10 對 0.6
所有野都好平, 但係宜家 10對 1 就真係.......................買唔落手囉
完全冇買過野........犀利!!
出發番酒店 hea 下先, 0岩0岩寺完築地, 真係好 攰
你見我地兩個牌冇咩精神.....
0係酒店 hea 到 7 點幾, 出發去東京沢 既地下街行下
諗係買下公仔, 買d 得意野
點知 8 點未到所有買野既地方都 收檔, 真係 bear 一聲
btw, 發現左有支水個名 叫 "東京水"
出名既 拉麵街, 不過間間都排隊, 唔想等, 食另一d野
東京沢實在好多野食, 唔知揀邊間好.................
揀左間食天婦羅飯 既 餐廳, 冇咩人食, 唔通唔好食??
8點鐘就得番 4個人食, 相比樓下拉麵街既人龍真係差好遠..........
不過仲好, 我鍾意少人既地方....唔洗食得咁急
鹽 有普通鹽, 咖哩鹽, 同埋綠茶鹽
我鍾意咖哩鹽.....好香
好多個餐俾我揀, 但係 叫乜冇乜.....
是但, 同女皇一樣 叫左兩個 大蝦餐!!
好好食丫, 蝦肉超彈牙, 爽口, 鮮甜
點解冇咩人食架呢~?????
真係冇呃人架, 隻蝦有女皇個頭咁長
我地扮自然~~ 不過都係自拍
食完差唔多 9點, 已經得番我地兩個.......阻住人地收檔.......
食飽飽上地面, 發覺成個東京沢都冇開燈, 好驚.......真係好慳電
快d番酒店, 準備聽日最後一日行程~~
