第二日訓到自己醒, 所以個樣都好精神
只係我個樣一樣咁衰...哈哈
去左sunshine city 食早餐, 紙水好貴, 一個都食左差唔多 100蚊
而我個三文治食左 70蚊
d 蛋超好食, 好香蛋味同埋奶味, 又滑喎~
為食女皇...
唔洗錢轉厚麵包, 好好食, 又香脆
餐廳所有飲品 飲你飲, 乜都有得飲
出發上野公園
曬到媽媽聲....
不停行行行.....
又唔識路..周圍走, 出曬汗
終於搵到天鳥, 不過睇書好似好大個, 原來現場睇咁細...
好彩都幾有特色....
入面有幾個地方拜神
肥仔同靚女自拍...
都係睇靚女好睇過我...
拜神之要洗手 先可以見神
我拇黎飲左幾啖, 番到酒店肚屙........
曬到溶
去到另一邊, 好大個荷花池.
唔知咩樹, 塊塊葉都有個 "loan"
個個荷花都好似人頭咁大
真係好曬
搵到個地方抖涼.........好彩
女皇曬左兩個鐘即刻黑左好多..
再唔飲野會中屎 架
仲有心情自拍
我好鍾意 lee 張相
35度..........
行兩步又抖一抖..
望住上野站又唔知去邊好.....
一於去行商場, 同埋食野
是但去左一間壽司...平平地
最貴又係百幾蚊...
只係得日本, 鬼識叫咩....
一於睇圖叫餐 算數
點知質素麻麻......
粉粉地既海鰻
鯹鯹地既帶子, 飯又散, 型又唔好
不知明 既野, 請問有冇人知?
我既 1.5 人份量
女皇個餐乜都有少少
麻麻地...
秋刀魚 又幾好食喎~~
麻麻.........都唔係麻麻.....以日本質素 直頭唔掂~
麻麻....
超鯹.......
極鯹.....食左一啖就算..
蝦肉霉霉地........
勁多油.
....都唔知係唔係蝦我地中國人~
冇計啦, 都要食, 一黎要尊重師傅, 二黎我地好肚餓
得個死鹹, 又唔脆又唔鮮
唔知咩魚, 不過都霉霉地
赤身, 好假既感覺...
食飽去淺草
但係之前0係超市買左d 好多好靚既蕃茄仔
街邊好多好有特色既鋪頭
如果有時間的話我推薦俾大家去
今次唔飲喇我, 上次 中招....
有個井俾人打水, 我都係第一次見
食番個冰 解解 熱 先........頂唔順
.
見到杯冰我地終於有番少少表情
女皇係咁影影影, 我就唔理佢食曬杯冰...哈哈
鬼叫我食曬佢個冰咩.......宜家要買番個雪糕俾佢食
細細杯冰都 30蚊......
lee 個好似叫 tokyo sky tree
好似未起好...
去完 淺草去銀座行下, 經過麵包鋪
俾女皇發現 左d咁既麵包....
真係幾得意
唔理咁多, 一野咬落去
而我就買左個雪糕麵包
我諗黎諗去都唔明點整個雪糕入去
食完要搵野飲
細細杯果汁都要 40蚊.....好彩 好飲姐
成棟都係 apple, 真係誇張!!
又玩自拍
銀座又太高級, 行下算喇
又黎自拍....不過我地都冇咩表情.....真係好 支力
番到酒店 都 7點.......抖一陣洗個面
去睇sunshine city 8月4号先開 既 水族館
都 180蚊一個人, 幾貴....
冇計啦, 貴都要俾架喇.....
超大隻....................................................
為數 10幾隻 魔鬼魚, 好震撼~~
第一次見海懶, 原來咁低b架佢地~
攬住個碗放0係肚腩訓覺
車輪魚???
bb 都咁大條.....成年點算
百幾條魷魚 彈彈下, 好得意
lee 個哥仔仲得意........
去海洋公園都隔好遠咁望, 但係lee 度就只係隔一塊玻璃
之後去醫肚.....
兩個人飲一支白酒都唔係好多姐 可~~
烚菜, 好食!! 好新鮮~~
明太子 做既沙律醬, 最好食!
普通既鹽
少少欖油
唔知咩名既 pizza, 因為冇 英文餐牌
個味就超得喇, 但係個底麻麻地.......似麵包多d....
野菜意粉
即係 pesto 醬意粉
係就係超多油, 不過好好食~~
飲飽食醉, 番房沖涼訓覺.......因為聽日去築地, 要一早起身先得
