今次去東京真係 hea 爆, 都冇點 plan 過去邊
一於飛過去先算
失驚無神 有快車唔搭, 搭左架 最平 最慢既車
到達池袋都用左 兩個鐘
車站好熱, 而且等左 30分鐘先有車, 經過好多唔識既地方, 轉左兩次車先到池袋
到東京第一樣買既係好奇怪既西瓜味飲品
好假既西瓜味, 又有d 粒粒咬得
酒店 check in, lee 間酒店都住左 3次架喇, 但係都可以0係池袋 搵唔到條路
0係地鐵搵左幾個出口先搵到, 仲要行 15分鐘先去到, 好彩都搵得番
如果唔係真係熱死冇人知咩事..哈哈
一早 9點機出發, 到達酒店都夜晚 6點半, 即刻放低d野 出發去 涉谷行下
見到有一間拉麵店好得意, 好似釘子戶咁, 成個地盤無啦啦有一間拉麵店
超級樣衰, 我地兩個日文又唔識, 入去又冇英文餐牌, 亂咁叫野食
拉麵師傅無啦啦用國語同我地講" 你可以跟他講國語的"
原來成間鋪都係大陸人開, 真係失禮曬...哈哈
角煮拉麵, 豬肉入口即化, 湯底好濃好濃豬骨味
麵條 有d似中國既拉麵, 入口細滑 回味呢~~
燒豚拉麵, 一樣入口即化
食完第一餐就覺得開始 肉赤
是但食個拉麵, 計番港幣都食左 180蚊
食飽飽就走圍行下, 見到有間 7 層高既 Forever 21
陪女皇行足 7層, 腳仔軟, 女皇就手都軟
街頭 自拍
東京真係好多地方都慳電, 有d地方冇燈, 有d冇冷氣, 就連涉谷街頭都少左好多燈
食飽行飽番酒店抖下, 買罐啤酒飲, plan 下一日去邊度hea 好
