譜出健康新滋味，李錦記Blogger大激鬥
上星期六正正就係比賽既日子, 如果講係比賽, 我覺得 party 更黎得貼切
因為大多數朋友都係抱住黎玩既心態, 大家都好親切
好快就可以溶入我地既小天地, 而且似係一個分享會
大家會分享自己既煮食心得, 有唔明即刻問, 而且又唔會覺得好煩
因為平時0係屋企煮飯, 係唔會鍾意旁邊嘈住曬
但係今次又相反, 好樂於解答大家既問題, 同埋有講有笑
由開始到比賽日, 我都一直一直抱住本死無大害既心態
所以大家睇到當日既我都一面輕鬆, 反而我更怕俾大家一種輕視既感覺
最估唔到既竟然係大家都專注我既拋鑊
其實我0係屋企煮咩都好, 都鍾意用平底鑊
因為我係一個經常拋鑊既人, 你知啦, 平底鑊用唔到鑊鏟架麻
唔拋鑊就要用好多時間慢慢反轉, 用多好多時間
但係好搞笑, 我拋幾野, 大家都笑我話我俾評審睇
其實我真係冇諗過架, 因為平時屋企都係咁做....哈
亦都因為咁, 所以帶埋自己隻鑊, 廢事拋唔到鑊
但係0係多方壓力之下, 我只拋得鑊3次, 心理上好似未做完一件事咁就上碟
由於事前0係屋企多次反覆既試驗
所以到現場既時候, 時間上既控制都比較安排適當
知道只要最後10分鐘落鑊就可以完成比賽菜式
而且我都感受到當時大家都覺得我好奇怪
不停行行企企, 有講有笑, 相反其他朋友就同時間比賽
所以我都唔係咁好意思, 竟然用左一個咁簡單既菜式參賽
而其他朋友就咁多功夫, 咁用心機
不過我都為左lee個比賽, 試過用幾款牛肉
最慘係比賽當日要 11 點到九龍塘會合
冇可能會合前到 超市 買材料
所以要之一日到超市買齊材料
而亦都好不幸地所需要既牛肉唔再番貨
而令到即時轉另一款牛肉, 可惜地搵唔到0岩用而價錢合理既牛肉
所以今次真係以本傷人, 把心一橫
買左 總供 1300蚊既牛肉番屋企煮
而帶左兩塊 Dry-Aged 既肉眼比賽
因為試過多次, 都係 美國既 1855 牛肉最抵食
而除左1855既牛之外就再搵唔到0岩用既牛肉
只好放手試一試貴得黎好食既牛扒
算啦, 本身我都唔係十分在意牛扒幾貴
因為我只係想請大家食一碟牛肉, 一碟我 目中既牛肉
而唔係為左比賽而用貴料
今日打住咁多先, 因為有新同事番工
所以做多野, 冇咩時間打, 聽日再講...拜拜
