上星期六有幸參加李錦記比賽, 都好不幸地拎唔到獎
不過我對咖哩 + 蝦醬 + 牛 既感覺未減, 第二日即時再煮另一樣
比參賽果碟仲爆既一樣野...就係意粉喇!!
雖然拎唔到咩獎番黎, 但係我都覺得好完滿
所有事都0係控制之內, 係我意想不到既事
大家都應該記得我之前講過有另外兩碟參賽, 不過考慮過之後冇放上去
好彩冇用黎參加, 如果唔係我應該唔夠時間煮
不過我怕比大家感覺唔係咁好, 個個都好忙碌咁煮野
相反我就好他他條咁煮, 不時行行企企, 又同人傾計
不過事實上, 我煮果碟 其實快手 15分鐘就搞掂
哈, 大會都唔想我地一早煮好, 而令到碟野凍曬
所以我拖得好長黎煮, 慢慢切野, 慢慢炸蒜片
我諗我炸蒜片都炸左 20分鐘, 哈哈
雖然失敗, 但係我都覺得 頭 三名都真係好值得拎獎
功夫, 味道, 層次都比我高, 而且我果碟就過於簡單
所以我番到屋企諗左一陣 決定煮另一碟進化版出黎!!!
好簡單既煮法
煎香牛肋條同埋 細連皮薯仔, 指天椒, 落 3湯匙咖哩醬, 2湯匙蝦醬, 爆一陣
落幾湯碗既水同埋少少冰糖, 細火炆 一個鐘, 熄火焗一個鐘
再細火炆半個鐘, 應該冇左 3份1 既水, 之後煮意粉
煮到 一半, 放落炆好既牛肋條, 一齊煮, 同一時間再落 大量 pasley, 洋蔥, 同埋銀芽
煮一陣就搞掂上碟, 銀芽可以好軟身都okay 架, 因為我想佢出水, 令成件事冇咁膩
有興趣既可以試下丫, 真係幾好食架..
