2011年4月27日 上午10:19
今次特登同女皇請早一日假去澳門 因為酒店方面會平千幾蚊
計落當 NO PAY LEAVE 都抵 ( 因為人工低)
不過今次澳門之行都幾戇居
首先番黎香港又再番去澳門, 睇左兩次無聊既Show, 去左兩次同一間既酒吧
之後仲去同人迫自助山, 仲一個鐘之內中左兩次 角子機既 細 jackpot
其中最好既當然係講食方面啦
今次有三間冇咩特別, 唔洗點提
而有另外幾間係好到飛起
而今日第一日要講既係幾間唔好去食既餐廳
EOD 食佳葡式美食
本身諗住去喜蓮飲紅豆冰, 點知冇睇時間, 原來人地收 5 點半
咁只好不停行行行, 是但見到間好似幾好既餐廳入去坐
由於女皇真係好想飲紅豆冰
所以一坐底就叫左一杯唔知得唔得既番黎飲
抱住屙就屙死既精神 (犀利)
而我叫左一杯甜到我一飲完個樣即變 霍金既 烏梅汁
估唔到 5點半都仲有幾枱客
雪菜豬頸肉炒腸粉 35蚊
我地見佢餐牌有成 5碟 粉腸粉咁勁, 應該冇死
但係黎到, 我地覺得似年糕多過腸粉, 又冇煎過
之後豬肉唔似豬肉 既豬頸肉, 同埋炒到出曬水既芽菜
犀利在成碟野乜味都冇, 我地食左一半就放棄 (因為真係肚餓)
海南雞脾飯 40蚊
唔係我影得黃, 係成碟野一上枱就係咁既色
連d菜都係黃先驚, 都唔知會唔會落左d 檸檬黃 去煮
好少可食到粉粉地既雞脾, 唔知係唔係佢變壞左
之後番屋企睇番 openrice
估唔到有人一世就可以總結成件事
"總結今餐：食之無味，棄之可惜，浪費金錢，為之氣結！
一餐了之選！無下次！"
一餐了之選！無下次！"
地址 : 花城區埃武拉街296號花城利厚大廈地下B舖
常喜 Cafe Cheri
lee 間0係豬扒包果邊, 唔多起眼既一間餐廳
因為個個人都會去食包而唔會嘥 Quota 食lee 間
女皇今個 trip 都有影下相 有幾張都幾唔錯架
遲d 俾你地睇下丫
認住lee 條肥仔!!!!
佢食乜都話唔好食, 乜都彈一餐
西洋汁燴牛利飯 52蚊
其實本身牛利大大件, 好厚身, 係幾唔錯架
不過個汁真係差左少少, 而且個南瓜忌廉湯都好似糖水咁
飯又一 pet 野咁
薄牛扒飯配黑椒汁 62 蚊
我果碗係味精溝水既湯, 飯唔洗講都係一 pet pet 咁
薯條好奇怪, 唔知點解濕左水
雖然話薄, 不過我諗都有半吋厚
所以佢地一定會"那" 到d 肉 變曬好軟身
不過我情願你再薄d, 煎香就算,
反而lee 碟個汁又幾好食喎, 好香黑椒味
不過我唔會為左個汁而再食,,
豬扒包
明玩野, 明明0係大利來記果頭都仲要食其他豬扒
又搞笑喎, 我地又夠膽叫番黎食
個包似食紙皮多d...而豬扒都係"那" 得太犀利
是是但但都係食大利來記仲好...*雖然都係差
不過客觀d睇, 可能夜晚會好食, 又可能我地揀錯野食.
地址 : 氹仔舊城區巴波沙總督前地21-21A號
喜蓮咖啡 Hei Lin Cafe
好多人都話lee 間既紅豆冰幾唔錯
其實都唔差既, 只係冇咩豆香
好就好在有一半豆係起砂, 一半焗
所以又有砂又有得咬
我地差唔多 5點先去到, 所以好多野食都冇得賣
只好是但叫一碟炸雲吞
雖然我覺得我唔會再去食lee 間野
不過睇番 openrice, 原來都有好多野好吸引, 有興趣既朋友可以去試下
地址 : 氹仔舊城區飛能便度街南龍花園84B
~~聽日講幾間好d 既餐廳~~
題外話: 原來唔覺唔覺 我個blog 聽日就應該會去到 10萬人次喇!!!!
Lobby Lounge
今日公司比較多野做, 請大家唔好介意我只係講一間酒吧
就俾我呃 post 啦..不過雖然係呃呃地, 都唔會流野黎架, 放心
出發去澳門前幾日, 上網不停搵資料, 睇下有冇環境舒服既酒吧
本身我地就搵到好幾間好似唔錯咁既, 不過 睇睇下原來係Casino 入面既酒吧
所以我地都放棄左, 你知啦, 入面好嘈架麻, 唔係好0岩我同女皇談心
我同女皇住 Grand hyatta, 同埋睇水舞間
我地睇 八點 果場, 見睇完之後冇咩好做, 於是即刻入去飲酒
入到去個格局都幾對板, 真係俾番一種酒店既感覺我地
開金以為睇完水舞間一定好多人黎飲酒
點知 一個人都冇, 我同女皇又再再再一次包場喇
睇左好耐, 終於要左杯 Jura 16yr 180蚊
我明明講d 冰另外上, 但係一個唔該一齊俾我
搞到我30秒唔洗就飲曬, 真係唔該曬
雖然我知我應該叫佢再俾過我, 但係算啦, 無謂令人難做
之後女皇叫左杯 Matini 飲, 估唔到女皇咁浪漫叫lee 杯黎飲, 一杯好似 70蚊
唔算平, 但係當你睇完個環境再諗酒店服務, 同埋普通一間餐廳都收lee 個價之後
你會覺得好平囉
都係果句!! 認住lee 個肥仔 成日扮曬野咁
今次又扮野睇餐牌, 睇下有咩酒賣
睇到佢入曬神個樣就想行埋去打佢
由於杯 Jura 16yr 真係好快飲完, 所以我都快快手手叫多杯 Yamasaki 12yr 100蚊
老實講, 如果有得揀, 我都係鍾意lee 杯多d, 可惜唔係好多酒吧有得賣
我鍾意佢飲口好 smooth, 好甜, 好似silk 一樣既入口
雲利拿味重, 木味少, 好乖既一支酒, 完全唔惡, 女仔都0岩飲
不過可惜日本地震, 唔知有幾大影響呢?
我地飲到成枱都係杯, 真係吹啤
去澳門飲酒, 有樣最好, 係可以食煙, 好自由咁食
自從香港唔俾食之後個個都要0係 outdoor 食
食飯又係, 不過老實講, 如果一間餐廳將食煙區分得清
而且個抽風過濾系統做得好的話, 一定冇人反對
同埋再講, 係好多人食煙食得好無品, 完全唔理人感受
所以咁多人唔鍾意人地食煙
到第二晚再去多一次, 今次係因為太 支力
所以要搵地方坐一陣, 果度真係太好坐
一坐上去就好皇帝咁, 點 "i" 都得
今次我叫左杯 House white, 女皇叫左澳門啤
陪左我地兩晚既一間 酒吧, 我諗我地再去澳門的話, 一定會去多幾次
我捨不得你......yeah...yeah.............
地址: 新濠天地君悅酒店地下 (竟然0係 openrice 搵唔番lee 間野出黎, 只好自己打)
水舞間
今日忙到甩肺, 唔打字
睇住少少相先啦, 真係爆多野做
放心, 水舞間 值 90分, 冇曬場 (雖然故事性不足, 但係係人都知唔係睇故事)
場內太黑, 用左iso 1600 F.3.5 同埋 1/3 影
所以影穿得唔係咁好
同埋, 我都冇咩時間影相, 影得黎會錯過精密時刻
聽講.......聽講咋, 聽講好似去到 6月30 之後就冇, 唔知係唔係呢
不過係唔係都好, 都好值得去睇!!
尚雅坊 Horizons
又番黎講澳門喇, 明明三兩日既行程, 但係我就拖足咁耐先打
有留意之前既朋友, 都知我食左幾餐都麻麻地
不過放心, 我地都食左一餐超級抵食既 set lunch
就0係 COD 既 Crown Hotel
去之前都有睇過 openrice 既短評架喇
之前仲平, 仲要 買一送一
不過宜家都係 188蚊一個 set lunch
唔講咁多, 睇相先
開頭我地以為係咩餐廳仔, 一入到去真係嚇親
留左 12 點枱, 點知一個人都冇
到差唔多食到一半先有另一枱人黎
假期中午時間竟然冇人食
但係服務同食物都超好, 真係唔似 188蚊既 lunch
我地睇過個餐牌, 如果夜晚叫一樣既野
最少 800蚊一個人先得~~~
背坐威尼B 人, 夠光夠開楊, 我鍾意!!
坐底就叫左兩杯咖啡飲
有睇開我個blog 都知我唔係好飲咖啡
但係黎到酒店餐廳飲檸茶好似有點兒.........囉
一上枱, 見到隻杯, 嘩.......!!!!
只係兩隻杯既價值都超過 250蚊啦!!!!
打爛的話都番曬本.!!
而且飲到最最最尾, 仲好香咖啡味
我唔識飲咖啡, 只係知好香好濃,
即使d 冰溶曬, 都仲好香咖啡味囉
再講, lee 杯野係跟餐送俾你飲, 真係好抵囉...
同埋...仲有, 如果飲熱咖啡的話會送你一粒馬卡龍
到麵包.....!! 真係有排講!!
見到放麵包既竟然係 STUBE 既煲囉!!!!!!!
都幾百蚊一個啦, 而且d麵包麵粉味好香
而且又脆, 而塗麵包既有兩樣
1) 豬肉醬, 即係炆左超超超超超耐既豬肉, 而頭再放鴨油放雪櫃
食落好似燒肉既味, 但係又好重既油香
2) 而另一樣係牛油, 係自家制既牛油
開頭我都唔知有咩特別架, 我見女皇不停咁食
之後我食左一啖, 真係驚為天人!!
原來係 Chef 自己打出黎架, 粒粒都有升有汗
食完我都頂唔住, 問一問 staff, 可唔可以叫廚房賣俾我拎番香港
點知原來我係第一個咁做既客, 所以佢地諗左好耐點樣拎走 keep 住個溫度
我好有興趣, 真係好有興趣 一次過買幾百粒番黎香港,
當做一個group buy
為番都係 十幾蚊一粒, 我一次過買左 10粒番香港
每一粒大約有 5g 重, 其實都幾貴
不過食完之後隻手會好香奶味, 好 creamy, 食完唔會覺得膩
多多都食得落, 到今日, 我都仲覺得好抵食....十幾蚊一粒
不過唔記得拎牛油既相番黎, 俾唔到大家睇
我今晚會再upload 多一次
(女皇影架, 覺得點呀, 我只係幫佢推高左少少對比度)
(女皇影架, 覺得點呀, 我只係幫佢推高左少少對比度)
枱頭有四種不同既鹽, 我地都試曬
雖然冇問係咩鹽, 但係都食得出有少少唔同
食完之後, 我覺得我應該要對鹽多少少認識
原來真係咁多不同既味..
set lunch 有3個 courses 食
慢煮雞蛋伴鵝肝及松露汁
一食真係呆左.............................................................................................好耐
嘩.........底下係慢煮好滑既蛋, 蛋白好香好滑
面頭係好好好香既松露味同埋鵝肝味既汁
好細膩, 好細膩..........一試再試
南瓜湯配牛肝菌及麵包泡沬
食完....又係嘩........................
打一打冷震, 好少可食到兩樣咁好食既野....
南瓜味超香甜, 我估係慢煮出黎既南瓜再打出黎
所以好軟滑, 好香濃
不過我唔係好食得出面頭果d係咩黎, 只係覺得好香菌味......
成件事南瓜係主角, 都好足味......100分既 南瓜味!!
海鮮通心粉配香辣龍蝦湯
lee 碟就 okay 啦......可能因為 好高期望
有蝦有蜆有baby blue, 有帶子
好少可通粉都可以煮到好 al dente
而個汁就麻麻地香滑
可能之前食既味太搶
所以只係食到鮮香味,
(女皇影架 lee張相)
而海鮮同通粉係分開煮 好香牛油白油既香味
又煮得生生地, 真係好得!!!!!!!!!!!!!!!
暫煎雞胸及燒雞腿伴雜菜
老實講, lee 碟野好垃圾!!!!
雞脾煮到似雞胸, 而且入面仲有d唔知咩既粉粉地既野...
雞胸就變左磚頭咁........不過食得出係新鮮雞黎既...............
如果大家真係去食, 記得唔好叫lee 碟!!!!
朱古力千層配朱古力雪糕
由於主菜果碟雞太失望....所以 對lee 碟都有少少偏見......
雪糕係滑, 吉士味香, 夠鬆脆
係幾好食.....既...
鮮果香草湯伴乳酪雪芭
lee 碟又係另一碟驚為天人既菜式
先講個雪芭, 一入口即化....
食完就好似成個口都係清新檸檬味咁
幫頭先食既所有味清曬..
之後再望下d 生果, 嘩.........會唔會誇左d呀
極多種生果切粒, 而且係切到 2mm x 2mm 左右既大細
痴 q 左線......!!!!!!!!!!!!!!!!!
而且係超好食, 真係好值得去食佢個set lunch..!!!!!!
大佬呀!! 加埋 10% 都係 206.8 蚊一個人!!!!
你話澳門既 酒店有冇邊間好過佢丫??
抵到震!!!!
我而家同女皇 plan 緊幾時再去食佢個lunch 囉!!!
我會為左食佢個lunch 而去澳門
你諗下係幾咁抵食喇!!
溫馨提示 : 間野個名讀 " 下" " Y" " 神"
地址: 路氹城新濠天地皇冠度假酒店3樓
