2011年4月26日 上午10:07
娘娘相約bb33廚房和我到 尖咀1881 作任食點心午飯
我跟她們有所不同是因為我沒有以前的比較
而且亦沒有抱任何的期望
所以老實說, 我對這一間是中間立場的
(以下所有食品名字都早已忘掉, 只好到娘娘, bb 偷)
酥皮叉燒包
由於我遲到, 所以娘娘同bb33 先影相, 周圍走, 而且都已點了少許點心
其實自問我對中式食物的要求要算高
普普通通的就可了, 反而對西式食物會比較明顯的
因為中式食品以價錢上就可以作出基本的比較, 分野較為明顯
外皮鬆脆, 包身又滑又軟, 叉燒香, 汁香又不濃
沙律皮蛋蝦筒
這兒環境不錯, 但作為一個土生80後
我覺得其實是給遊客的一間餐廳
感受不到金碧輝煌的美, 感受不到熱暖溫情的愛
滿場說說說, 忘了這卷物的味道
只記得有酸薑, 皮蛋, 蝦仁, 炸得香脆, 吃了兩卷
香檳蝦餃
前後點了兩回, 怪味是有
經理答說是梳打粉味,
雖說用梳打粉是人之常情, 但未免過於重手吧
腐皮上素卷
吃得出是少油煎出黎的, 前後兩碟, 後者為脆
中間用上不同爽脆之菜物卷之
叉燒包
普普通通, 但勝在有兒時的感覺
當日帶上一支 50mm F1.4 的鏡頭, 影出來的會很容易爆光
我要向大家先說聲對不起
燒賣
雖然吃過蝦餃的蝦是有問題, 但到了燒賣卻沒有這怪味
肥膏不多, 但亦夠香口, 蝦肉彈牙鮮味
豉汁鳳爪
雖然全城鳳爪都差無兩, 但我覺得這一家比其他的少油
肉質較軟身, 我讚好的
上素石榴球
沒什麼好提, 我的面皮比它環要薄呢
左 : 臘味糯米包, 糯米包的糯米不香口
右: 金絲燒鴨酥, 我滿喜歡吃的
下: 叉燒腸粉, 麻麻
楊州炒飯
普普通通吧.................說好的是沒有太多油, 而且乾身
但, 老實, 茶餐廳比它做得更精
山竹牛肉
本身山竹牛肉是私飲茶的最愛, 但這一家害得我吃了一口就放棄
吃得滿口梳打粉味, 夠差了吧
如果以吸引新客到場, 應該要有平時的水準以上吧
不會是以價為先, 質素第二, 定已比平時為高呢???
人頭排骨
所以食物都是任點任吃, 雖然都明白, 兩個兩隻燒賣 很正常
但排骨都一樣要計人頭, 可真少家!!!
而且味道不好, 鬆肉過多, 劣!!
干燒伊麵
普普通通.....不像高級出品
左 : 芝麻卷 : 煙灰缸味似的, 劣中之劣
蛋散: 本身個人來說甚為喜愛, 做得又香又鬆又脆, 又輕身, 不錯
南瓜露 : 不錯, 香味夠出, 而且不膩口
擂沙湯丸
好食, 大分好食, 全日最值得吃的一樣,
流砂的芝麻, 沒豬油的油感, 外皮香軟糯, 好吃
千層糕
垃圾味, 又酸酸的千層糕, 我覺得如果是特色的話
煩請好好保留, 因為味道真的惡頂
總結 : 食左 660蚊, 我食東海仲開心!!, 而且娘娘同經理反應意見, 得到既回覆係正常
食過過得冇問題, 反而係我地大驚少怪, 我就覺得好奇怪,
你地做得推廣都係得幾個用途姐
唔係介紹比我地知, 就係想吸取意見
我諗唔會係為左錢掛, 定係你地睇我地唔起廢事理我地?
我會因為咁既態度而唔會再去, 而且不停向好多人講lee 間野有幾唔得
唔會為左 220蚊 貼錢買難受囉, 我指既難受係白眼感覺
老實講, 我唔理你平時質素係點, 價錢係幾貴
但係我覺得 唔值 660 蚊既價值囉.........450蚊就差唔多
而且再睇番 openrice, 少左好好好多野食!!!
你做任食又做得唔大方, 意見又唔聽...
你想我地點再黎, 點同你地推廣呀!? 用下腦啦
我宜家
地址 : 尖沙咀廣東道2A Hullett House
