灣仔有間茶餐廳叫新膳坊, 以前差唔多日日都食佢既 tea 當 lunch
而其中有一個 tea 係 焗吞拿魚螺絲粉, 雖然我唔係次次食佢
但係同事就比較上鍾意, 而我又成日偷食佢果碟
宜家冇食一排都有d掛住佢, 所以0係屋企煮番個好食版既出黎
今個星期都有少少主題, 就係牛油喇
上兩星期去澳門買左十幾粒 大約 4g 左右既牛油番黎
係時候要清咁d, 廢事放得耐變壞啦
材料 (二人份)
水浸吞拿魚 半罐
螺絲粉 兩人份 (大約3手份量)
中式菠菜 一手 ( 只係要菜, 搣碎)
法國苦白菜 一手 (切絲)
有鹽牛油 4g 左右
欖油 1g 左右
蒜蓉 半粒
淡忌廉 半盒
雞湯 同忌廉同一份量
白酒 10ml 2
黑椒
做法
煲水煮螺絲粉, 落少少油鹽, 同一時間可以準備汁料
落牛油同欖油, 細火煮溶, 落蒜蓉爆香一陣
之後落算拿魚, 再整碎少少
落忌廉同埋雞湯, 中火煮一陣
lee個時候應該ｄ 螺絲粉都煮好一大半
可以放落鑊一齊煮, 等d粉吸收湯汁
煮到 8 成熟, 收左少少水就落埋d 菜
煮多兩煮, 落黑椒, 就可以上碟架喇
如果鍾意芝士既朋友, 可以落少少架
題外話
老實講, 我係一個讀書成績麻麻既人, 會考又得一分
之後又去讀毅進, 再讀 其他courses...
冇一樣係可以成功畢業, 我見我其中一個表第
佢考完 GCE 之後竟直入 HKU 讀醫
5 年過去, 今年要出黎實習一年
聽講人工都幾高, 不過時間超長
我就問自己, 其實讀書讀得叻係唔係一件好事呢?
其實佢地咁辛苦咁努力咁讀書, 係唔係真係自己鍾意既一份工呢??
我唔知我表第係唔係鍾意讀醫, 但係我就見佢屋企人比較上開心
而且亦都好自豪自己兩個仔都讀醫, 而且成績都唔錯
23歲可以讀完書出黎做醫生, 幾萬蚊一個月
做表哥既我真係會比下去
不過我又覺得冇咩特別唔開心
因為我真係一個唔鍾意考試讀書既人
好似會考咁, 我夠膽可以科科 唔去考, 而且果一分係數學
仲要只係做 MC.題, section B 望都冇望過
我既故仔太長喇, 都係慢慢再講,
但係作為一個屋企人, 你地覺得搵條路俾個仔行
定係放手等佢自己打算好呢??
題題外話
由於有新同事黎番工, 所以我要轉位俾新人
而我宜家lee 個位又唔係好方便打blog
好易俾人睇到, 話我唔做野
而且會用多好多時間處理新同事既事, 好多野要教
所以我要搵到時間先打blog
希望大家唔好介意啦, 有時要你地白行一轉
