宜家先 40碟意粉, 幾時先儲夠 100 碟呢~~~ 哈哈
睇黎我要用下腦諗下點煮好喇, 最好唔好重複
又唔想太大路, 又唔想太特別, 特別到冇人會食
真係難諗喇, 有時我都要睇下書參考下人地
如果覺得簡單又易整都會做 copy cat 整大家睇
就好似lee 碟咁, 其實係睇書見到架
不過我就改左少少, 比佢原先仲誇張
開火煲滾, 落油鹽烚西蘭花同埋意粉
一粒蒜片一匙油細火炸淺金黃色, 落指天椒碎 炸到蒜卡片少少黑, 熄火
之後個蒜片會再燶多少少, 落埋洋蔥, 唔洗理佢
之後意粉煮熟8成, 落意粉同埋幾湯匙意粉水,
令到d蒜片溶化, 再收汁, 落少少牛油同埋黑椒鹽 就食得架喇
蒜片一定要慢火炸到脆身先好再炸燶佢呀, 如果唔係唔會溶架
西蘭花唔洗多架, 太多會唔靚, 同埋最好搣到細細粒, 煮軟身都冇問題
而洋花就要爽身, 所以好後期先落, 希望食到洋蔥既甜味
你地見我碟意粉啡啡地, 就係因為煮溶左d 蒜片 做成架喇.
題外話
梁文道 之前有講過宜家我地食既日本食物根本就唔係日本文化
而係百幾年前不同國家引入, 而且做得比原產地更出色
所以做出一套自己特色食物, 例如拉麵就已經一個好好既例子
梁文道都預測不久日子意粉會做得比意大利更出色
我亦相信會有 lee 一日, 因為我覺得日本既意粉宜家已經做出自己既特色
而且加入好多新元素, 令到成件事更美滿
大家經常講我喜愛做西餐, 其實我更鍾意做日式西式
雖然現時都要講日式西餐, 但係30年過後就係日本地道食品
