睇開我個blog 都知我向來都唔係好識改名, 是但煮咩叫咩
而lee 一碟都唔會例外, 不過唔係用普通茄汁咁簡單
係自己用 4個大蕃茄切到好碎, 1:3 既水 細火煮 40分鐘左右
再隔渣, 再細火煮到得番 1 份水, 留番一陣煮意粉
同一時間開水煮意粉, 煮到五成熟, 落菜一齊烚
而另一邊鑊就蒜蓉起鑊, 爆洋蔥落半熟青口
落埋頭先煮左好耐既茄汁, 落少少糖, 辣椒粉
再落煮到 7成熟既 意粉 +菜 落鑊, 煮到收汁, 落少少油 就搞掂架喇
lee 隻青口0係 吉之島買架, 急凍, 廿幾蚊包大大隻, 有8隻
又估唔到幾好食喎, 仲食到有少少鮮味添
要諗下次 煮咩青口菜式先..哈哈
題外話
我本身係一個三分鐘熱度既人, 估唔到我個blog 可以支持到咁耐
之前我覺得自己打幾個月就會放棄架喇, 打下打下都差唔多年半都有
差唔多個個星期都要出一身汗, 又用左好多同女皇出街既時間
我都要同女皇講聲唔好意思, 希望我煮既野食令你開心啦
亦都因為有女皇對我煮出黎既野欣賞, 亦都要多謝你地既支持
多謝女皇, 多謝 各 bloggers
今日公司有野做, 打少兩句, 唔好意思
