2011年6月16日 上午10:57
我諗 lee 間野都好多人食過架喇, 其實都唔洗我點講
雖然唔係咩高質食物, 但係價錢真係幾吸引既
又黎嚇下大家, 等大家冇咩食慾先 !!
今次去左西灣河果間, 一樣都好細, 大約廿個位左右, 成間野黃色好難頂
老老實實, lee 間野都係第一次食
由北角地鐵站開始都有留意, 就係冇食過, 唔係好吸引到我去食
芝士吞拿魚法包 24蚊
味道其實唔差架, 仲幾好食添, 只係個包唔脆, 又多水氣, "淋"曬囉
好多芝士, 吞拿魚同d 醬都幾香口, 12蚊件, 麻麻地啦~~
鹽燒羊架 32蚊
拿!! lee 碟真係幾抵食架!! 真係香脆架, 都係 16蚊一隻
自己出去 凍肉鋪買都差唔多價錢, 而且宜家有人燒埋俾你食
仲要幾好食喎!! 心水推介
就算自己幾4隻番屋企食再煮個飯都抵啦!!!!
白酒煮珍寶蠔配墨魚汁意粉 88蚊
黎意蠔屋唔食意粉同蠔點叫黎過意蠔屋
一碟有 3隻, 每一隻最少有 9 cm 大!! 犀利
不過味道就......麻麻喇..
一上枱熱辣辣果時都仲okay 既...凍左少少就鯹到放唔到入口
而個汁...都幾奇怪...好多炸蒜.....
都唔係問題, 不過唔香呢, 而且又唔覺有咩白酒香味, 只係有d打左茨既水咁
如果一上枱記得食曬d 蠔先好食個意粉呀~
諗番都係 88蚊, 蠔都要20 蚊最少, 所以......算係咁啦
又唔係咩高級餐廳, 街坊野算係咁架喇
香草忌廉汁珍珠蠔菠菜意粉 78蚊
都係果句, 一上枱果時幾好食...熱辣辣咁
凍左少少就鯹到嘔.....
而個白汁都一樣好似打茨咁.....意粉同茶餐廳一樣 發水麵包咁
78蚊 有 5隻 幾肥仔既珍珠蠔算係咁啦
我唔係好覺有咩香草味, 個汁反正都係一早煮好
再講, 香咩草姐, 你唔識人地叫咩名架咩!!??
百里香, 羅勒, 刁草, 咁多咁多....
總結: 其實街坊野, 咁既價錢, 都叫做食得過, 我會為左羊架而再去食
而下之去食就唔會食蠔同意粉..哈哈, 除非一上枱即食啦!!
地址: 西灣河筲箕灣道72號千禧閣地下A舖
本身有題外話講, 不過有野做, 聽日再講~~ 拜拜
