黎緊一連 4日 都出 pasta 既 post, 希望大家0岩食啦...
不過今日lee 碟就...............頭炮 出一碟 我地兩個都好唔鍾意食既 pasta 先...
藍芝士就咁食就好食, 原來煮出黎既味係好難頂
如果鍾意食藍芝士既朋友 應該可以接受
而我 " 我真係接受唔到囉" (慳d 啦 babe講既野)
大約講下做法算喇......因為我自己都唔係好鍾意食, 仲點會推介俾你地食丫....
落牛油蒜蓉爆香, 再落忌廉, 同埋芝士 (一湯匙左右就好勁架喇)
落預先煮好既粉同埋菜撈多撈, 再落少少意粉水同埋黑椒 就搞掂喇
開頭我以為我會頂得順.....但係.食多兩啖真係有d想嘔既感覺...
有興趣既朋友, 試完講我知你覺得點.......
題外話
今日睇完 KC 既 post, 令我諗起打blog 其實真係同做義工冇咩分別
同埋諗起 蔡生講講飲講食一定要有錢, 冇錢就冇得玩
冇錯, 我係好鍾意食, 但係我更唔想成日嘥錢去食
嘥錢既意思係 貴得黎唔值咁既價既 餐廳
可惜 我未去到果個級數, 冇可以 10餐有 8 間都係好食
你可以話係我揀餐廳既問題, 反而我覺得係餐廳店東 既問題
再追上去, 就係地產既問題, 不過講落去就愈講愈遠
物價貴都係一個因素, 以前都話食碟頭飯冇餸都唔係問題
最緊要係多汁多飯, 宜家飯又少一半, 汁又冇, 莫講餸喇
仲要宜定好多間既 白飯都唔係好掂, 好多都好"行", 好明顯放得太耐
鬼叫d 米咁貴咩......冇計啦.....不過有錢既人食咩都冇所謂啦
佢地都唔會覺得肉赤架啦, 一千幾百尢如垃圾
但係我地lee d連樓都買唔起既小市民, 幾十蚊就好心肝頂 咁架喇
老老實實, 我地唔係唔捨得俾錢出黎食,
你地可唔可以做得好d呢? 如果唔係同打劫冇分別
我又唔明點解食野唔可以當食一種興趣呢??
如果人地問你有咩興趣, 你答唱歌讀書都冇咩野
但係一講食野就俾人笑, 宜家食野有問題咩!!?
我覺得冇囉, 只係你地唔鍾意食野咋麻, 好難先會搵到一班同你一齊食飯既朋友
唔好理平定貴, 食咩菜都好啦, 都好難搵到......如果有既朋友, 你地要珍惜喇!!
