早前見 E記 整我又跟風學佢整.......
以下份量可以包最少 100隻.......我都好後悔, 所以份量少 3/4 好d
我0係 Apita 買左包 日本既雲吞皮....質量幾唔錯.....
烚薯仔一大個, 烚到半熟, 仲有dd 咁dd 硬身, 整爛佢
落菠菜葉, 少少百里香, 蝦肉, 蛋黃一隻
我覺得可以減少一大半囉.....哈哈
之後隨你點包..........包好用少少蛋黃封口
我只係包左 8隻, 其他我拎左去煎黎食.....
一邊開火水滾烚雲吞, 一邊開鑊落蒜蓉牛油, 少少生油, 爆香落忌廉 同埋松露醬
雲吞浮起就放落鑊一齊煮, 煮到收水就可以上碟架喇
lee 隻雲吞皮真係幾唔錯, 有d彈口, 唔似香港果d咁一pat pat....
而個薯仔又有d咬口, 蝦又彈牙....最後 係後悔整得 8隻咁少......哈哈
整色整水, 我落左少少辣椒粉
希望你地鍾意丫, 我諗我會再整多次黎食......真係太好食喇
不過要買松露醬 lu, lee 期煮得太多, 用曬......又要俾 百幾蚊買...有d肉赤
題外話
lee 次真係要集思廣益......想問大家最近有冇 人親身去過東京呢??
係咪好熱, 係咪夜晚冇冷氣, 係咪築地大火, 係咪夜晚好多店鋪都收左?
我同女皇 plan 緊去東京, 想知當地環境如何
除左lee 幾條問題外我仲問多題......其實點樣去輕井澤?
最大問題係我唔識轉車......我聽講池袋有巴士去, 但係我又搵唔到料
其實除左山手線之外....我完全唔識路.... (汗)
哈 多謝各方意見
