2011年7月14日 上午11:46
上星期朋友生日, 於是相約食番餐
聽講 soho 東有間新野食德國野, 同埋美國野食
仲有支啤酒話 1050年既方5保留到宜家
所以叫番黎飲, 當然都明白點解 過左 九百幾年都唔大賣既原因啦...
女皇既 可樂, 不過用啤酒杯
朋友既 Apple ananassaft
我冇飲, 冇問, 冇意見, 不過朋友飲左一半就放棄
麵包都要自己叫, 要45蚊, 不過好好食!!!! 推薦哦!!
牛油都好好食, 因為有好香既蒜味
好似炸芝士沙律配無花果醬
有幾種不同芝士, 當中有最難頂既藍芝士
味道係唔錯, 有興趣可以試下
我最鍾意既 芥辣, 有普通, 有 蜜糖味!!
乜腸都有既 拼盤 賣 179蚊
貴就貴架喇, 不過環境唔錯, 好0岩傾計, 算啦, 豪俾佢
同埋味道都幾唔錯, 放過係啦, 而且份量都有番咁上下
火腿磨菇 pizza 133蚊
我好推介 lee 個pizza, 真係好好食, 其實我之前食過一次架喇
果次冇拎相機出去, 用電話影得好差, 所以冇post 出黎
十幾個人食左幾千蚊, 不過食左好多野, 有豬手有牛肉有pasta
pizza 都兩個, 麵包都三盤
lee 個pizza 菇味同芝士味都好夾, 我諗兩個人食一個pizza 都夠架喇
好酒既我一杯又點夠呢~
今次叫左杯白麥既生啤
都係生啤好飲d, 就連 Asahi 都係生啤好飲d
不過唔知點解lee 杯好濁
甜品時間, 叫左兩個stick toffee pudding 63蚊
直接既味道, 好重 拖肥味, 好食!!
german cheese cake 58蚊, 冇咩特別
總結食左 838蚊, 都差唔多啦, 食物都算okay, 環境又唔錯, 又飲酒
我覺得我會去多幾次, 因為我鍾意佢俾我既感覺
地址 : 西灣河鯉景灣太康街45號2b-07號地下
題外話
琴日睇討論區見有人問如果俾一隻蛋你, 你會點煮
就好似菜欄咁成日叫廚房煮蛋俾佢食, 睇下個廚房既功力同深度
我雖然冇入個POST 睇人講咩, 不過lee 個問題圍繞左我個腦海好多個鐘
我不停諗如果真係煮俾一個有份量/ 有意思既人物食
我會點樣煮一蛋呢? 我覺得我應該要對蛋有足夠認識先可以咁有自信
所以我搵左本書 - 食物與廚房奶, 蛋, 肉, 魚
書所講既都好理論化, 好科學化, 好深入討論
一蛋隻都可以足足講足 60頁, 可想言之係幾咁細膩
不過就算睇完我諗我都冇 idea 整咩, 因為只係科學化煮食
做唔出應該要有既細心同埋誠意
唔知你地有冇聽過"慢食"? 有一本書個名都叫慢食, 有興趣可以買埋
大約係講西方國家同亞洲國家對食既不同方法
雖然中國5000年文明, 但係點解出唔到頭呢?
反而仲俾其他國家拎黎做笑柄
人地意大利人好細個果時已經要好認真對食物, 點樣尊重食物珍惜食物
而英國, 美國人就一出世食垃圾食物
中國人一出世就食有問題食物, 食味精
日本人可能到十歲都唔知一塊豬扒既來源係一隻豬
雖然香港好少自家出品既食物, 但係勝在乜都有
所以我覺得我地更加應該對食物認真
因為乜都有, 所以有好多都係垃圾食物, 你要識得分, 識得揀先得
食物有平有貴, 要從價格分野知道固中既分別需要一定既心機
就好似一隻蛋咁, 香港都有音樂蛋 (暫唔講係咪好食d)
都要知 大陸蛋, 泰國蛋, 德國蛋, 美國香蛋 有咩分別
要知道 蛋黃蛋白有咩唔同, 出黎效果會有咩唔同
要知道打出黎點先係新鮮, 點先係唔靚
其實食野真係好煩既一件事, 要諗好多野, 要記好多野
但係食落肚架, 點可以唔知多d, 出事先知呢~?
