今朝一早出左去做野, 一番到公司又要幫個同事改 report
都唔明點解講極d report 都可以打錯, 打多左野打少左野
(前題係我都好多錯, 但係都俾我發現好多錯, 而且講極都係錯)
所以遲左出post 唔好意思呀
你地覺得lee 張相點? 一餐住家飯其實好難慢慢比心機整靚
只好由影相角度出發, 帶出另一種味道
lee 碟菜其實都冇咩難度, 不過我就覺得蠟腸落鑊之前最好汆一汆水
減少油份, 因為菜類比較上吸油, 食左落肚都唔知, 特別係打邊爐最後先食菜
如果想再少d油的話, 可以好似我咁蒸 5分鐘拎出黎切粒再汆水
之後大火白鑊爆蠟腸等出少少油同埋少少燶邊 之後落蒜蓉少少再爆一陣
直接落菠菜炒至軟身, 落少少糖 就搞掂架喇, 基本上連調味都唔洗落
又快又方便, 事前功夫係多少少, 食少兩滴油, 冇計啦
題外話
成日見女皇玩 iphone 版 官方既 facebook
但係只有 ipad 既我就偏偏冇官方既 ipad facebook
所以冇得即時彈 "通知" 俾我, 要我自己開網頁黎check 好煩
我真係頂唔住, download 左 iphone 被落 ipad 2x 用
雖然晝質麻麻, 勝在有得 pop up 出黎話我知
希望快d 出番 ipad 版既官方 apps 啦
