2011年6月27日 上午10:49
靚太廚房 - 四川之夜
是次飯局靚太早一個月前已事先通知大家, 出發前一晚, 大家心情都好緊張
當然最緊張既一定係靚太, 因為所以食物都係第一次整
而且仲有好多都係要一早準備好, 唔可以失手
睇靚太個blog 都知有好幾樣野要早幾日 / 整幾日
所以靚太講今次係佢既代表作, 而我同catherine 都覺得係我地心目中既經典飯局
好感動...
原本靚太叫我地 5點幾先好上去, 但係我同catherine 都等唔住, 3點幾已經上到靚太屋企
大家吹一陣水就開枱, 打左一陣麻雀, 我諗........兩圈啦.......哈哈
接過女皇放工就去IFC 買花送俾靚太, 仲諗住靚太屋企有花樽....點知原來冇....
仲等我地買咁高身既花添....真係失禮曬...
同埋我同女皇搭巴士果陣可能曬過頭 有d葉燶左.....哈哈
Catherine 送俾靚太既 LC, 靚太一定好鍾意...哈
聽靚太講整紅油要用4日時間先浸得出黎, 食落好麻, 聞落好好好香....有少少肉味, 煙燻味
超掂呀!!!
為食亞b 成晚超多精力, 不停跳跳跳... 係咁撩我地玩...
見亞靚太整緊野食, 又望到實一實
是晚 有 7個, 包括Catherine, 壞人, 孫生, 靚太, 小仙, 女皇同埋我
打完麻雀玩完啤, 就俾靚太 set 好張枱, 平時用西式餐具, 但係今餐飯為左夾四川之夜, 同番中式餐具
睇完次後緊加唔好意思叫人上黎自己屋企食飯...
我地成班人就不停吹水, 但係亞靚就辛辛苦苦一個0係廚房整食物
仲要為左唔失禮我地, 著得靚靚咁煮, 辛苦 + 辛苦
to 亞靚: 辛苦曬喇, 難忘的一晚哦 !!
我地幾個乖乖地等食............同埋影相.....哈
涼拌四小碟
隻碟好鬼靚, 我諗靚太特登為左lee 碟餸買左隻碟番黎
涼拌銀杏雲耳
超鍾意食, 我諗我食左大部份
桂花炸合桃
靚太話d 合桃燶曬想炸過, 不過我地食過都覺得好 okay 喎
都唔洗再番炸, 真係好 okay, 桂花香味淡淡的, 香香甜甜.....
麻香大豆芽
lee 個係第一碟俾人清曬, 好彩靚太預多d俾我地食, 但係都清曬!!
諗番起宜家都要吞一吞口水
涼拌海蜇
原來d 海蜇 食就咁開心, 事前要浸幾日水, 換幾日水
嘩, 搞到唔好意思食多啖添, 都係留番比人食, 實在太好食喇
食前必做既事係影相...我地個個都影影影, 而且個個都係白色相機, 好夾....
而影完第一件事係....睇相........哈哈
素鵝冷盤
又要切絲又要炒, 又要再煎, 準備時間長, 但係我地 三兩分鐘食曬
因為 食好......!!
食完過後, 靚太即刻跳入廚房, 準備下一碟即炒既小菜
合桃肉末生菜包
見到成碟都係粒粒就頭都暈, 又係另一碟好花時間切切切既餸
雖然我地食食下果時靚太大大聲叫" aiya, 唔記得落合桃呀"
但係.....其實唔落我地都唔知, 而且都好好食, 好搶手, 放心, 冇事!!
仲有炸好既米粉一齊食添........
四川口水雞
事前一日靚太落街市買番黎既新鮮雞, 煮好斬埋出黎都仲咁靚
仲要原來係手撕口水雞......骨都冇.....
靚太知我地唔夠食, 所以再加兩隻大雞脾..哈哈
撈埋一齊食, 好香口, 個醬好掂, 孫生係最鍾意果個
仲話要幫靚太搵公司賣出街添呀, 孫生你唔好下巴輕輕呀...哈
為左食餐飯, 亞靚仲買埋lee 舊野
5分鐘過後............又清一碟........可想言知幾好食.......
回鍋肉
食到lee 度......大家都開始有少少飽............
我都唔好意思, 我係最肥仔果個, 但係就偏偏冇食五花腩既肥肉
真係要講聲唔好意思
唔講唔知原來d 五花腩係靚太自己一手一腳切出黎
仲要切到鬼死咁薄, 仲以為買番黎架添...犀利呀靚太!
同埋我第一次食有于薑既回鍋肉咋, 原來味道又真係好夾架喎!!
四川麻香担担麵
連隻碟都靚過人................
準備一陣上枱既担担麵落既料
上海麵 + 肉碎+ 自家早一星期製既 担担麵醬
再落少少紅油, 味道非常之好
食完就好飽喇
蛋白杏仁茶
食過富東以為最好食.....點知靚太e 個都同富東有番咁上下好食
而靚太 lee 個仲要更滑, 蛋白同杏仁味0岩0岩好, 唔會搶大家味道
我地仲有一碗打包番屋企添呀!! 凍左食都好好食!! 係一樣咁好食...
就快到壞人哥哥既生日, 所以都準備好小小既蛋糕, 希望壞人鍾意啦
其中一支有氣提子酒
而我帶左一支 1500ml 既啤酒, 仲要 9度酒精
搞到大家飲兩啖就面熱熱咁, 唔好意思呀..哈哈
事後話
靚太今晚真係唔話得, 出心又出力, 事後同女皇傾番大家都有同一種感覺
就係一食落口就有少少打冷震, 係因為好感動, 食得出真係真係好用心機為我地去準備一餐飯
計劃, 買野, 準備, 洗野, 切野, 一切都感受到對我地既愛, 多謝你呀亞靚!!!
p.s. 偷左 Catherine 幾張相, 希望唔好介意
