2011年6月24日 上午10:59
今日又要介紹一間請都唔好去既餐廳喇
前幾日去富東食飯都懶野
點之過兩日同女皇兩條友是但食餐飯都中招
唔知係我地叫既野唔0岩定係真係咁差喇
點都好, 我都覺得唔值得去
開頭我地食落覺得唔掂, 但係都好多人幫親
以為街坊生意太古得佢一間潮州餐廳
琴晚諗諗下先記得太古有兩間
但係都仲咁多人食, 唔係頂癮咁簡單
睇開我個Blog 既朋友都知我咀刁, 乜都彈一餐
所以好多朋友都話唔敢請我去佢屋企食飯
但係我都要講多一次, 出街食飯同朋友屋企食飯好唔同
出去食飯應該要穩定同埋調好味, 時間要好準 係專業
但係屋企食義務唔收錢, 而且做過一次兩次
所以去朋友屋企食飯係講心, 要感受到主人家既心
食過最差既蠔仔餅, 蠔仔唔新鮮, 又爆口, 又燶, 仲要多油
雖然唔掂, 但係都食左咁多, 睇到個碟底幾多油.........
都唔明間野點解可以咁多人叫lee 個黎食
又冇理由個個都第一次黎食丫, 奇怪喇
味菜炒鵝腸, 直頭掂都唔想掂, 味菜冇味, 又冬菇又豆豉, 鵝腸同橡筋冇分別
老實講, 我覺得似垃圾味多d囉..............
最慘食炒野出曬水, 係唔係即係唔夠鑊氣呢?
鹵水豬大腸, 我問可唔可以雙拼其他野
估唔到要收我雙拼鵝片既價錢, 所以覺得好唔抵, 食大腸算
食一啖發覺好似烚咁, 完全冇鹵水香, 又唔入味, 仲好硬
鹵水都唔香, 仲有咩好食?!?!?!
不過咁講姐........我地都食得 7788, 因為真係肚餓
欖菜炒飯, 一舊舊飯都未炒勻, 仲要濕濕地
欖菜又唔香, 其實唔係好覺有咩欖菜味 收我 78蚊........好唔開心
去茶餐廳可能 28蚊仲好食過佢多多聲
芋泥, 雖然我唔知點整, 但係同我食過差好遠味道
可能以前用好多豬油整, 宜家冇用, 仲要冇咩油果隻
食落仲有一粒粒芋頭未爛, 有少少搞笑
而且白果食落應該要好甜先0岩, 反而仲有少少苦味
當飯既成績, 都食左好多, 次次都係我叫女皇唔好食
點知今次係女皇叫我唔好食, 仲大大聲話"仲食!?!唔好食喇"
咁人地肚餓丫麻..............
好奇怪, 成日都冇人黎收碟, 如果唔係我都影唔到 上面果張相
題外話
同我同層有個女人佢好似做屈人寺
成日見佢用手推車車十箱八箱奶粉, 之後會有架 hiace貨車接貨
又見有另一個男人幫手推, 我點睇佢地都係國內人仕
我真係唔明你班粉腸, 你地自己都有仔女啦
你做咩事炒貴香港d 奶粉呀, 唔好同我講你好光明正大用員工價買呀
我諗屈人寺都唔會俾你買咁多囉, 雖然我唔識咩奶粉野
但係見你地咁做, 我火都黎
宜家咩都貴, 你就咁冇良心搵 市民既血汗錢
香港就係有你 lee d 人!! 多謝曬你囉!!
