2011年6月23日 上午10:12
我對大坑既感覺好奇怪, 好似好熟但係又唔熟
好似好多野食, 但係又唔係間間好食
大坑不停變變變, 幾年間變成各小店試業既地方
不斷有新間餐既加入, 亦都有好多損手離場
我覺得大坑係一個 hea 爆既小天地
打邊爐既有, 食串燒既有, 茶記吹水既有, cafe 既有
雖然我都會試新野, 但係總有幾間係我心水, 就好似炳記
炳記無咩食物選擇, 100個有 99個都係叫出前一丁
出前一丁冇咩好講, 要講既係佢既豬扒同埋鹹牛肉
雖然咁講, 但係lee 幾年間都變得冇咁好食
而我食既只係回響, 回想當初的美味
檸檬茶雖然大不如前, 能夠同女皇一齊飲的話, 屎水都變神仙水
我提議飲茶既朋友叫老細多茶, 令茶味多d
雖然出前一丁多人叫, 麵包多士都唔少人架
唔係烤得特別好食, 最開心係有得揀白麵包定麥包
例如 奶醬多 轉麥包 就叫 奶醬麥多 就 okay 架喇
心理上覺得麥多比白麵包好食, 香甜得多
雖然炳記唔單止食出前一丁, 仲有米粉等既麵食
枱上既配角都唔可以唔理, 麻油你鍾意落幾多就幾多
又香又辣既辣椒油, 香到震既胡椒粉, 仲有相見唔到既泰式辣椒, 好過癮架
雖然地方環境唔係咩高級地方, 亦唔覺有咩人情味
只係一檔街邊茶記, 有人食煙, 有老有細, OL, 後生仔, 一家大細
就好似一個小小世界咁, 咩人都有, 但係都唔會有咩計較
以前黎食鹹牛肉既原因係會煎香再另外放一隻碟, 但係宜家唔覺有煎香過
而豬扒食得出冇再用梅頭肉, 好鞋, 唔入味
雖然我咁講姐, 其實成件事都仲幾好食, 可以黎試下, 感受下
環境唔好, 但係我鍾意黎....吹咩~
地址 : 大坑施弼街5號側
題外話
睇黎大家對琴日我講既以物易物都有興趣
不過要事先講明, 以物易物係大家願意既情況下交換物件
不理何物, 不理價值, 只求對方心頭好
極端例子
A 提出有一雙筷子可作交換
而
B 向A提出用某名牌手袋交換
而
C 向 A 提出用一支豉油交換
而
D 向 A 提出用 20蚊 七仔 券 交換
當 A 有得選擇的時候
就會諗邊一樣自己有興趣多D
換句話說
唔理你用咩黎換, 你鍾意我又鍾意就okay 喇
不過我諗緊點先可以令大家都可以 拎物件出黎同人交換
而唔係得我一個人換呢
