一到夏天就會諗起冬瓜, 聽講又靚又消暑, 事實上係唔係我就唔知喇
而我亦都諗到一個唔中唔西既菜式, 希望大家有興趣啦
city super 買既新鮮羊肚菌, 不過都係乾既香好多
如果買都係買乾架啦, 貴d, 不過又香又有排用
我用左半斤冬瓜, 其中留番少少切粒一陣用
落幾大碗水, 一湯匙黑椒, 一湯匙芫茜籽, 幾隻羊肚菌
細火煲 最少一個鐘之後隔渣
變成冬瓜清湯
回鑊中火煮海鱸魚大約一分鐘, 落先前切好既冬瓜粒
反魚, 煮多分半鐘左右就可以上碟架喇
碟底我仲放左少少 BB 菠菜, 滾熱既湯上碟, 最後落少少紅辣椒粉 同埋少少欖油
題外話
我成日都好想試下玩以物易物 lee 個 game,
唔知大家有冇試過呢???
如果真係有興趣, 我地可以0係 lee 個blog 玩喎
真係 work 的話, 都唔錯丫
你地覺得點?
