2011年4月19日 上午10:38
靚菜.....靚菜.....靚菜.....靚菜.....!!
因為靚太私房菜!!!!!!!!!!!!
是日靚太牛一, 祝靚太 身體健康, 孫生搵多d~~ 哈 ( 心照)
靚太同孫生熱情招待我同女皇仲有小仙
難得一間私房靚菜可以酒水任你飲, 香煙不停吹
仲有煮飯都要著到鬼死咁靚既靚太壓場
雖然!!! 是日只有兩碟係真係靚太煮出黎
但係, 我 夠架喇, 因為好野唔洗多, 一兩碟夠殺!!
靚太屋企既小狗 - 亞B
我同女皇一早就到左附近, 好早上左靚太屋企
之後小仙都到, 我地 5 點半開波, 直到 11點幾先走....
你睇小仙個樣, 好似等唔切想食咁喇.哈
um, 冇記錯的話, 應該有 4 款
原來孫生第一次食, 佢一直怕鯹
不過都靚, 孫生都食左 3隻, 仲冇咩意見添..哈
真係新鮮, 好難隻隻都咁新鮮, 犀利!! 唔知靚太點揀架呢
是日雖然明知係靚太 pre 生日飯
但係我地兩個乜都冇拎上去.哈
因為靚太講左好多次唔好帶野上去, 拎兩梳蕉就好
所以........今日我地兩個係痴飲痴食...哈
反而係我地多謝靚太就真..
lee 支酒見就見得多, 飲就真係第一次
老實, 冇咩特別, 不過個色真係好靚...
但係亦都因為lee 支酒, 令到我開始有少少上腦...哈
平時食 buffet 想食又唔會食既龍蝦仔!!!
食過既朋友都知d 肉有幾鮮架啦!!
因為大家都落手去食, 所以我地都唔客氣喇..哈
好少可一次過食咁多隻架!!
仲有!! 出面食, 次次食完對手都好鯹
但係唔知靚太落左咩手腳, 食完一d味都冇!!
雖然只係食左 3 樣, 但係大家就開始覺得飽飽地.....
都開始飽飽地..........連咁好食既 西華火腿都 食唔落..........
到咁既時候, 酒都開始飲唔落, 要慢慢飲
但係 再黎多一個沙律
哈, 唔知點解又開始食得落喇喎.........
睇黎我地講得太多野喇, 用左好多能量!!
都未夠.....仲有!!!! 包食!!!!
真係激死, 而家先出包.....唔知係唔係靚太知我鍾意食
所以唔俾我一早食, 食飽唔食佢其他野.
哈哈, lee 個醬好食好食.....我應該係食得最多果個.............
靚太真係衰, 咁飽都仲整d人地鍾意食既野出黎....
shit!!!!!!! 龍蝦湯
雖然唔係親手整, 但係....哈, 都okay 喎..
第一次用 LC 既 碗仔.....哈哈....good!!!!!!!哈哈
我同女皇有心型 LC 用...哈!!!!!
lee 個湯, 之前仲拎左去焗爐慢慢番熱..
真係好細心, 因為唔知我地會傾到幾時
唔洗用好多時間就可以有得飲熱湯...讚呀!!
飲完湯, 靚太終於要出手開爐喇!!
你睇下佢, 煮餐飯都咁靚, 吹脹
如果係我 應該成面面油.....黑口黑面咁出黎
但係靚太仲冇咩野, 好似好輕鬆咁
lee 支 酒唔錯.............
唉..............本身我地真係飽到食唔落架喇
仲整碟 白酒蜆出黎....
食左一隻, 覺得極之好食
頂唔順, 又係我食最多......佢地方死我唔會飽咁
是日另一主角!!!!!!!!!!!!!!!!!!!!!!!!!!!!!
之前 靚太0係 Rachel 學煮牛肋骨
我知道之後不停叫靚煮番黎食
終於等到喇!!! lee 個牛 最犀利係之前既功夫
又要搵牛肉, 又要醃, 又要慢煮....
只係焗爐果 part 都 焗左 4個鐘啦!!!!
個牛係我 食過最好食既牛肋骨!!!
連 korea 既牛都要行開!!
而且再加埋 香滑既薯蓉
靚太今晚既私房菜都應該可以問頂我個 blog 介紹過最好食既地方之一!!
最重要係, 食得出有 heart!!!
比所有餐廳都出色!!
好後悔完全唔記得打包個汁番屋企食
第二日一起身, 好似煙癮起咁, 好掛住個牛肉
真係好衰, 一碟比一碟好食.....
搞到我地可以不停咁食......犀利!!
到最後, 仲要留番個肚食蛋糕添..
小仙買左個雪糕蛋糕上黎食..
靚太對眼都大架啦....
lee d 咪笑到眼牙唔見眼囉...
黎番張 正經d既 合照先.......
我祝靚太心想事成!!!!!!!!
唔知女皇隻手指尾做咩呢?
生日快樂呀~
靚太係食最大果舊....哈, 鬼叫你係壽星女咩~
是日少少地, 食得野黎飲唔到酒...........
左二果支白酒都真係幾好!!
咁大個仔未食過一餐咁細心既晚飯.......
多謝靚太~
