其實很多名氣既中式料理達人都是日本人
而且日本對中國料理比較上細心, 將每一樣不當眼的都變成亮點
所以中式料理理所當然地就是我其中一餐想吃的吧
一早去完築地等咁多地方, 又曬, 真係少d 體力都唔得
去到新宿車站轉車, 頂唔順, 要坐底抖下
於是到商場頂樓搵地方, 而其實中國料理就係我地既心水
發現東京有個奇怪現象, 日式食品/ 中式食品 / 亞洲料理 都冇咩人食
反而食 pizza 食意粉就大排長龍, 所以我地一入去就可以坐底叫野食
同埋日本人真係好有禮貌, 就算佢幾唔想同你講野都好, 都一樣會笑笑口同你講
有我 facebook 既朋友都知我今次去東京有 check in
而其中有一樣比較特別既係 check in 會有優惠
唔係一兩間有優惠, 而係 10間有 8間都有
只要 check in 後 俾個 仕應睇 就有架喇
有d 係送一碟小食, 有d 有 9折, 有d 送壽司
而lee 次就送 飲品, 而且可以隨你叫咩都得, 一人一杯
睇番個餐牌, 計番港紙都要 48蚊一杯架~
所以我就要左啤酒, 而女皇就飲橙汁喇
我叫好多本地人都會叫餐, 但係老老實實, 叫餐未必係最抵食
就好似 lee 個餐咁 148蚊左右, 其實可以唔洗咁貴, 因為當中既沙律, 湯, 點心, 都唔需要
而散叫只係 78蚊左右, 而炸雞+飯就 98蚊, 差 50蚊, 不如叫多個小食仲好
好在個湯都好好飲, 飲得出係用好多雞同豬肉做出黎既高湯 加少少蛋花推滑
我唔知用左咩粉黎炸, 唔似粟粉, 唔似麵粉
食落口好香口, 冇油益味, 好脆身, 好鬆化, 入口多汁
雖然一定係雪雞 但係就冇雪味, 而且肉質仲好彈牙
我覺得有可能用大量蛋白醃左好耐先會咁好食~
燒賣, 係冇肥肉而又好香既燒賣!!
lee 個杏仁豆腐都係我食過最好食之一
清香味足
除左炸雞餐外仲叫左個 110蚊既 麻婆豆腐碟頭飯
咁就 110蚊......真係....呢..................
不過食過後就覺得好抵架喇
麻婆豆腐我都識整, 當中最難係用料上既平衡
豆腐夠豆香夠滑溜, 煮完出黎唔會散曬, 犀利!
肉碎要有肉味, 炸菜夠細粒, 丁點鹹魚既鹹鮮味, 花椒0岩0岩好
只用蔥白煮出黎, 夠香!! 豆板醬亦都好到位!!
用既係日本珍珠米, 比食開既泰國米更香飯味
110蚊!!!! 抵呀!! 物有所值!!
後記, 雖然我只係聽人講日本既中國餐好食
而且我見我屋企幾本講中式料理既書都係日本人寫
但係係唔係間間都好食呢~ 我就唔知喇
最少我食過lee 間真係好好食!!!!!
題外話 不如 去 我 Facebook Page 丫, 有時我都會 update 其他野架, 同埋回應方便d~
