2011年6月08日 上午11:12
六月四日
心情怪怪的一晚, 大起大落, 就好似天上既雲, 估佢唔到!!
起身前到附近餐廳是但食D野, 我地揀左泰出色 開飯
因為原本想食既餐廳都一早爆場, 好多人等位
只好去一間冇人等既餐廳
鹹檸 七
珍多冰 (真多冰就真)
我既 SAWADE BEER
是但炒個通菜, 好似係 馬拉盞 炒
估唔到又幾好食喎
你唔好睇個炒飯好似好多呀
其實落少少就見底架喇, 一個人既份量咁
不過又幾好食既, 好香好足料
0岩0岩買左新相機唔係好識用, 唔好意思
酥皮青咖哩牛腩
如果唔係個外型咁得意, 我地都唔會叫番黎食
咖哩唔香, 一PET 野咁 只有椰醬味
牛腩又係一早炆好再放落去, 而且好鞋
食飽飽就開始上路, 人生廿幾年都冇咩幾可打尖, 估唔到 64 party 我先黎打尖
仲要一打就嘥左 25分鐘, 因為原來差人哥哥玩野, 要我地不停行
就算我打尖都好, 都行左 45分鐘先入到去公園
頂佢!! 32.6度高溫, 仲要咁焗咁多人, 唔通風, 好彩冇人有事
如果唔係支聯會就同你地玩過!!
大會話大約有 15萬人支持大會, 而且好多好多人見差人唔俾行
所以放棄唔入會場!! 如果唔係 邊會 15萬人咁少丫!
入到會場, 發現原來有好多國內人仕都參加
我亦都聽到有人講話佢地有d係便衣公安, 咁就不得而知喇
當然, 除左國內人仕, 我亦見到好多白種人到場支持 !! 感動!!
每一點光代表一個希望
之後即刻跑去 Dicken's bar 睇娜姐
搞笑!! 第一局真係 6-4
在場大部份人都為左睇波先落黎
估唔到圖中老外比在場既香港人更緊張!! 更肉緊!!
當晚去到已經冇位, 但係我地就自己搵左個企位
對住個大酒桶飲酒, 好正!!
CHIMAY RED, STELLA, Purple pearl
薯條 加 蒜蓉炸 !!! 超好食!!
第二 回合!
終於.........中國人.!! 都可以拎網球冠軍!!!
中國人身高, 技術體力都唔夠人犀利
都可以拎冠軍, 應該係12年努力既結果
而且我鍾意佢打波唔會劏豬咁叫!!! 我仲講如果娜姐輸左我以後唔食意大利粉!!
好彩贏左!
希望 lee 個 post 唔會比人河蟹啦
