星期日 早上 晴天
原本都訓得開開心心, 但係唔知樓上做乜鬼野不停拉d枱
搞到訓唔著, 一早起身, 又冇咩野做
只好諗下出去食咩早餐, 一向鍾情大坑既我
一於去試下 Classified 既早餐
因為我都見過好多人食, 應該質素唔會太差掛
我自己睇見自己個樣就想打佢!!
環境唔錯, 又開楊, 又熱鬧(唔係嘈), 好英國風格
望到後面咁多酒擺出黎, 心情都靚d
芝士奄列, 好奇怪, 沙律菜竟然用西洋菜
唔好意思, 我真係食唔慣, 有d打冷震感覺
但係個奄列煎得幾好食, 幾似樣
入面好多芝士, 好香口, 如果可以的話, 再多少少芝士就好喇...哈哈
三兩啖就食曬, 仲要 59蚊, 有d內赤
女皇既 法蘭西多, 一黎到只係覺得自己好似去左睇迪迪尼 果個 4D 動畫咁
好香既肉桂味, 不過可惜冇蛋香, 冇奶香, 麵包太厚, 麵包皮又" un "
麻麻地啦....不過 39蚊, 相比奄列平廿蚊.....差唔多啦
Muffin - 冇咩特別, 唔唔食緊 chocolate chip
不過個餅底做得唔錯, 應該係朱古力唔靚
有其他味揀, 可能會好好多, 賣 15蚊, 差唔多啦
最敗北 係 飲品要散叫 !!!! 貴到死!!
仲有!! 最大杯既咖啡都係 26蚊, 但係我一杯普通到唔普通既 iced tea 原來要 33蚊
真係諗唔明有咩咁特別!!
連 10%, 食左 189.2 蚊, 好似貴左d囉.....我都係食出前一丁算喇
不過黎睇下報紙傾下計唔錯既, 環境都幾舒服
每一次都係咁, 又係自己要食西式早餐, 但係又話人唔好食又話貴
抵你死!!
地址 : 大坑蓮花宮西街1-9號中華大廈地下
