煮意粉都唔一定白汁就紅汁既,意粉入面好多時都係濕濕地掛到汁就okay 架喇
而其中最難就係迫 d 味入意粉,其中個方法我幾鍾意
秀珍菇拎少少洗乾淨,準用 (其實轉用其他菇都okay)
紅椒入條又得,好似我去皮又得,聽日再講點去皮
蘿蔔苗少少
落油鹽烚意粉到 5 成熟
另一邊開平底鑊落大約半茶匙牛油 半茶匙生油 爆香 蒜片
落秀珍菇爆香, 之後開大火乾燒,到少少燶
同一時間 意粉應該 煮到 8 成熟, 就可以隔水落鑊 炒一陣
炒至乾身再落先前 煮意粉既水,約一勺 湯
之後可以落紅椒 煮一陣
再落蘿蔔苗煮一陣,少少收水
熄火,直接落一塊 即食芝士,撈勻,搞掂~
聽日再講 紅椒 點樣既皮!!
因為去整完出黎會香好多架
題外話
今日既題外話係冇題外話,個頭一片空白,對住個 blog 好冇心機打
因為我鍾意以前果個 yahoo 多d,唔想要宜家果個
同埋...迫我搞到要用 google 打 blog......咩都由零開始.....感覺好差
不過放心,我一樣會keep 住出 blog
我知道如果我唔煮,女皇會好失望
因為女皇真係好欣賞我煮既野,而lee 種感覺係令我煮野既動力!!!
當然啦....我唔會唔記得你地既,我一樣會用心寫 blog
我係唔會衰俾 yahoo 睇既!! 打不死既!! 嘿!!!