2011年7月25日 下午01:00
信得過 Trusty Gourmet
從來都唔會自言一個識食之人，更唔會唔知醜不停講自己煮食有幾叻。
而位於灣仔的信得過 老細是我見的第一個自大廚師
不停誇讚自己對食物認真，手法專業，食材獨特，不加味精
無錯﹗我十分認同，但應該是食客親自道出感覺而不是賣花讚花香
連經理都不停問同一問題 " 點呀，好唔好食呀，我地d野好野黎架"
在灣仔打滾好幾年自然亦有幫親 信得過，原因不會是價平而是質優
一個人埋單可以100蚊，以中式食物而言為高
但其實我個人而言覺得值得一到作飯。這裡的湯更是一流足料味濃令人再三回味
本身女皇不是跟我同區上班，所以星期六日會帶女皇到我地頭
好壤女皇初試灣仔之味希望有所共鳴。
是次先點了一個杏汁白肺湯，雖然不能跟炳記及陸羽相比
杏汁味香，口感幼滑，豬肺清爽，回香時間長
跟湯還有一個烏冬，一個用自家雞湯墊底的烏冬，一樣香濃
另外點多一個肉丸湯烏冬，即是貢丸 + 雞湯烏冬
這裡的口水雞亦都是必試名物，雞肉滑味濃，花椒夠香夠麻
個人意見對怕辣朋友最好要求經理將辣汁另上是明智之選
雖然家家有不同版本的口水汁，就這個別看是滿吸引的味道感覺
對牛肉又愛又恨的我一來十萬個愛吃牛肉，好景不常否極泰來
竟然近幾年皮膚對牛肉有所敏感，少吃身痕多吃頭爛
而 信得過有碟叫 蝴蝶腩，起初乍看來是牛腩但竟是豬肉來，妙也！
食落口感軟腍帶點肥，而肥的感覺不是肥油的肥而是筋膜內的骨膠原幫忙留下肉汁
信我，你會一吃愛上信得過
當然信得過還有很多很多美味新鮮的菜式，是我平時沒有影相作記錄
總結而言 老細 Peter 哥 的自誇是 "Like" 的 !!
地址: 灣仔謝斐道307-311號快添大廈地下A號舖
題外話
從來講飲講食最難既係點樣用文字轉化味道
自問我唔係一個客觀既 blogger
自問我冇文學認識，自己我對飲食經驗嘗淺
但我都自問我只愛吃只愛真心分享給大家作交流
當然我鍾意睇飲食男女既原來幾多年以黎都只有一個
就係睇專欄，睇文化人對飲食的文字體會，希望從中偷師
希望參考他們如何用文字記錄味道，是一種可以看到的味道
所以我都想大家對我個blog 有咩意見都好，希望大家開心見誠同我講
