2011年6月30日 上午11:24
Manzo
琴晚去 times square 諗住買衫, 但係買衫之前都要醫肚架麻
於是上食通天睇下 CPK 多唔多人啦, 點知 CPK 就未到
反而目到有間新餐廳開張, 而且仲要食牛扒架添
前世同牛有仇既我又點會放過佢丫!!, 一於入去同佢死過
唔理食完牛肉皮膚有問題喇, 本死無大礙
差唔多 8點鐘都冇咩人, 我諗係因為 新開冇人試
同埋門面個感覺都幾貴, 唔會有人無啦啦走入去
有自己 熟成 牛肉既地方, 不過我見d 牛就唔係好夠身
應該係開張幾日, 未夠時間, 過多一兩個月應該會好d 架喇
最入係一個 open kitchen, 但伙就好似冷肉櫃咁, 放左好多牛肉0係度
另一邊就係放蔬菜既地方, 我好鍾意lee 度既環境, 好靚, 好舒服
木系既和暖色, 加上高樓底, 枱與枱之間唔會太埋, 好自在既感覺
環境真係唔錯..
連餐巾都咁有心思, 真係唔話得喇..
暫時開左幾日, 所以餐具都好 bling bling !!!
而右手面紅色刀好堅!!!! 切牛肉一拉就得!! 超驚!!
兩吋厚既牛扒一拉就分開左.......如果拎去打劫應該都冇問題 (講笑)
番工做野咁忙, 最好啤啤佢,
唔知點解啤酒同可樂都有d怪怪地, 氣同水有少少分離
可能係機既問題
65蚊一杯啤酒, 算okay 啦
值得一提, lee 間餐廳好多姐白酒飲, 價錢唔貴
如果四五個人黎食 叫番支飲仲抵玩
啤酒都未叫, 就黎麵包先, 麵包唔算新鮮
牛油唔香, 目的係醫肚, 而唔係享受
我問 靚仔 仕應 有咩 green salad 好介紹
佢答 " 叫 Pinzimono 啦, 好多人叫架"
我心諗" 好多人叫....你開左好多日咩.......呃我就用另一個原因丫"
上枱, 叮一聲既感覺, 98蚊原來係咁.....
所有蔬菜都俾人用 滿清十大酷刑 玩完咁
甘荀, 蘆荀, 茴香, 青瓜, 意大利青瓜, 白蘑菇, 小紅蘿蔔, 黃蘿蔔, 紅肉蘿蔔
通通都俾人切成一樣厚度, 落少少調味, 油, 黑椒 就上枱....好慘......
撞鬼佢!! 我第一次食咁清既沙律
每一塊每一條每一啖我要用力咬, 冇計, 真係太新鮮
亦都因為咁, 我第一次食到不同蔬菜最新鮮既味道
老實講, 我真係好感動, 雖然一個咁簡單既沙律
但係我都食得出廚師對蔬菜新鮮既熱誠
Bollito Misto 68蚊
其實我都唔知個名係點讀, 但係我見 餐牌講lee個係 牛肉湯
上枱個湯既牛肉味就聞到好勁...!!
就好似 成晚唔俾你食煙, 失驚無神送你一啖回魂煙咁
可惜食落口真係太清, 冇鹹味
肉類冇少少鹹味吊起, 真係好寡
問佢拎鹽, 點知見到d 鹽咁靚仔, 粒粒都好大粒精體
牛腩, 洋蔥都好足料, 好掂!!!!!!!
到牛扒喇, 黎steak house 唔食扒, 玩野咩~~
我唔係好識叫, 我叫左 Tenderloin 5成熟
用左好熱好熱既鐵碟上枱, 我諗我叫 5成熟, 就 3成熟上枱
同鐵碟既熱力再熟到 5成, 好細心!!
我揀左 peper corn 既汁, 香香辣辣咁
不過唔係好夾牛肉味
一切開睇.........嘩.......不得鳥!!
好感動.........雖然一d 油香都冇, 但係肉味好犀利
好感動!!!!!! 廚師一定好鍾意食牛, 如果唔係煎唔出咁靚
278 蚊 8oz 算好抵食!!
Bolognese - 158蚊
咁貴, 應該有d 料先會收我咁既價
全牛肉, 即煮, 意粉 好 al dente, 就好似日式意粉咁 彈牙
而且份量都唔少, 好正!! 如果再去食, 我都會再叫一次
btw, 唔係好似食開既 意大利肉醬意粉 感覺
最後 叫甜品食, 雖然唔你好多俾你揀, 但係就有幾樣唔知咩黎
而其中幾樣都跟雪糕, 所以我地覺得 lee 度既雪糕質素幾唔錯
亦都因為咁, 叫左 淨雪糕, 68蚊, 3個波
8 隻味俾你揀, 而我地就叫左 兩個 朱古力, 一個蜜糖
點知上枱黎錯兩個蜜糖, 個朱古力
冇所謂啦, 反正冇咩特別意思, 而且質素真係幾唔錯
好滑好滑......可惜蜜糖味冇乜, 68蚊 都食得過!!!!
openrice 未有質料
地址: times square 好似.......11樓..............
totally 食左 844 蚊!! 我地覺得好抵食, 10分推薦!!
環境我都覺得食 1/3 價錢, 而且所有材料都好靚好新鮮
小 tips, 我覺得 揀 講英文既 仕應服務 同面口都好 d
中國人就..........西西地 口面
p.s. 我唔介意你地出錢請我去食多次架!!
