Entourage
唔知多唔多朋友同我一樣有睇開 KC 既 blog 既呢??
我見佢對上一個 post 同我去既地方一樣
只係時間上既差別, 而令到食物選擇方面有所不同
先知原來 比我心目中更加抵食
原來餐牌唔會因為價錢而千篇一律
如果可以的話, 請大家 睇一睇 KC 果篇先丫
老實講, 大師講既同我既感覺 90% 以上一樣
同埋0係我打lee 個post 之前睇過佢既post
難免有所一樣既字眼
所以比我懶一次, 睇左KC 果個先
http://gourmetkc.blogspot.com/2011/05/entourage.html?utm_source=BP_recent
我地一行 4 個 行到隻狗咁 先黎到LEE 間野
出曬汗, 冇咩心機食野, 所以一開波叫左杯野飲先
我叫左 iced tea, 估唔到原來係 cocktail 版既檸茶
好多泡, 味道好怪, 不過原來下次可以叫 iced lemon tea
會正常好多, 真係茶 + 檸檬
而熱既就好正常
食包果時先知個欖油同 醋同豉油樽, 好搞笑
um.......好似係椰菜花湯, 普普通通
冇咩特別好飲, 唔好飲
例牌野, 冇得挑剔
洋蔥蛋撻, 賣相不錯, 皮夠酥夠香
蛋夠香滑, 洋蔥香甜, creamy, chessy
duck comfit 正如 KC 咁講, lunch set 百幾蚊貨仔, 有咁既質素 你仲想點
sea bass 包 鯷魚
我食左啖, 原來好夾, 油香, 鹹香, 細滑 一絕
如果多幾舊就好喇, 份量有d 少, 唔夠食
雜菜意大利飯, 做得好香口, 好0岩香港人食
因為粒米熟左 9成, 入口軟滑
雜菜夠脆身, 亦不失清香味, LIKE 呀!
lee 個............好似係 士多啤梨雪糕, 有好多新鮮生果, 同埋 果汁 做出黎
異常咁好食, 如果真係去食的話, 要幫我問下lee 個係咩名
因為女皇叫番黎架, 唔係我叫, 不過我食得多過佢好多
總結: 大佬呀, 百幾蚊0係Soho區食lunch, 仲想點
有兩個 courses 同 3 個你揀, 其實 3 個會抵好多
我覺得百幾蚊真係冇野好挑剔, 環境又好, 服務又okay
夜晚唔知得唔得, 但係 lunch 就應該要去試下喇大家!!
地址: 中環蘇豪伊利近街1-5號地舖
