同女皇0係屋企 hea住睇電視一路玩 ipad 同埋 iphone
無啦啦女皇話好耐冇食過蜆殼粉, 仲話記得細個果時成日都食
咁女皇開到口, 唔通我唔諗下點整咩, 女皇大曬架麻......
於是果日明明諗住 hea 爆 既日子, 落街去惠康 買野番黎
我一諗就諗到細個應該係食d 好多色彩既野
最多係粒粒, 又紅又綠咁, 想吸引小朋友食野既興趣
火腿, 蕃茄, 西芹, 粟米 就成為今餐既主色喇
火腿西芹切得超細粒, 最好同粟米一樣
而蕃茄同粟米我用左罐頭果d, 貪佢夠方便
簡簡單單, 開水煮粉, 另一邊細火落幾 g 牛油 , 再落蒜蓉
爆香火腿 同埋西芹, 再落忌廉, 雞湯, 之後落蕃茄煮一陣
煮到d粉煮左一半, 隔水放落鑊, 同d 料一齊煮
煮到咁上下, 落埋粟米 煮多一陣就搞掂, 食果時再落少少黑椒
咁就完全我同女皇既 BB 餐 喇...!!
快快手手煮完, 我地再hea 住食, hea 住睇電視....哈哈
題外話
突然間, 琴日有d事令我好感慨........
兩點幾果時亞媽打俾我話我有份野要去 post office 拎
我諗緊, 咁大鑊..?? lee 期買d野都係留公司地址架喎
唔通政府告票??? 死喇.....
之後亞媽都幫我拎左番屋企, 話我知係一盒野
我番到屋企睇, 見到英國寄黎
再睇下個名..... e????????
lee 個咪 張師奶?? 我見到個名都好開心架喇
但係又唔知係咩, 心情好 上下心
打開一睇, e??????????
做咩買個食雪卡 既剪俾我既?? 我唔食架喎....
但係做咩只係送個剪俾我架呢???
再望番個盒.......睇到好有行氣既字 寫住 ............
於是就諗番起好耐好耐之前 張師奶番黎香港果陣 食左間 五代同糖
我同張師奶傾左幾句, 講佢地隻蛋點整........
先記起好似講過下話見到會買俾我玩....
事隔咁耐.....我都差d唔記得件事.
但係張師奶就咁上心, 而且仲絛啦啦寄黎俾我玩..
好老實講..........我真係好感動.........
最感動係 打 blog 姐...... 點解 d blog 友會咁好
唔只張師奶, 其實我成日都收到靚太同 Catherine 既禮物
只係我冇post 出黎, 哈哈
大家出黎飲飲食食, 放鬆一下, 真心交朋友
真係冇諗過打 blog 可以識到朋友
而且仲要係一班咁窩心既朋友, 我真係執到
多謝你地...好多謝...!! 
