蒜蓉包最難就係做得又香又鬆又脆
而摩司就做到喇
本身住港島東區既我, 一直都覺得冇乜特別好食既西餐
直到柴灣青年廣場開左一間問鼎 一星米芝蓮 既餐廳
但係除左lee 間之外 另一間我覺得比較上值得去既就係 摩司
生蠔聽講星期四番貨, 大約 200蚊左右有 6隻
論抵食就唔抵食架喇, 不過我依過幾次都好新鮮
食左隔離鋪既安利魚蛋粉十幾年, 由舊鋪食到新鋪
由冇咩味精變成碗都係味精, 都唔識果度d 員工, 真係有d過意唔去
以我 lee 個 酒鬼而言, 冇番杯酒飲下條氣真係唔順
所以即場叫左支唯一支既白酒, 幾唔錯..
不過飲唔曬拎番屋企飲, 第二日仲好飲
雖然唔識安利既人, 不過反而我就好認得佢地既樣
話曬食左十幾年, 唔認得就死啦.
之後發現 隔離開左間西餐廳, 第一次幫襯係東大街舞火龍食 下午茶
當時都覺得好好食, 點知夜晚仲好食...
芝心蝦丸, 外皮金香, 蝦膠彈牙鮮味
芝心做得香軟, 我地一行四人, 一分鐘唔洗食曬
不過香口野一定好食既....哈
第一次食果時都見到個老板娘好熟口面架喇
原來本身係安利做, 之後自己0係隔離為左個仔開左一檔西餐
本身老板娘個仔係做酒店西餐, 所以出品有番一定既質數
雖然我都知酒店布分好多種唔同既級數
而我亦唔知係邊間酒店, 但係就出品幾好囉
鋪仔細細, 成日都爆場, 都係訂位先好去.....
近期我同女皇又開始成日搵d 好食有性格既鋪仔
貪佢好多野都易話為, 同埋唔會受到大陸員工既無禮對待
但係可惜好多時都太有性格, 變左好家庭式出品
而我食過摩司幾次, 出品真係好穩定
唔會為左價錢而就個出品
就好似我次次都有食既大蝦忌廉意粉, 老板娘都直言太貴
換做三文魚, 都一樣咁好食
餐湯係磨菇忌廉湯, 普普通通冇咩特別
食一間餐廳最慘就係好唔自在既感覺
有d大聲d講野都俾人白眼, 有d用錯方法食又俾你話你
仲要好多都扮曬酒店咁, 用曬英文
自問我真係唔係識食, 所以都係去番d平民既餐廳
感覺自在得多, 不過有人請我食飯的話另作別論
特別叫廚房煮一碟最普通既欖油蒜片意粉
試下廚房對意粉既感覺係點
當然意粉 al dente, 油香酒香, 辣椒香, 不油不膩
各味道都到達你味覺既臨界點是也
有時都唔知係自己要求高定係其他人要求低
定一話係宜定好多料都好貴, 而令到質數下降
好多餐廳個價其實都唔值咁既價錢
人地 cwb 賣 150蚊一碟, 你炮台山又學人 200蚊一碟
咁你鋪租平人地咁多, 都費過人, 即係應該要比 cwb 既同級還好啦
可惜.............
普普通通既煙三文魚沙律, 清清味覺既好選擇
雖然普通, 但係一定比出面既好, 份量又多, 菜又新鮮
出面果d 好多時都黑黑地, 又謝謝地咁, 食過兩次, d菜都一樣咁挺身
唔知點解由情人節開始, city super 既價錢日日升
如果有得買 city super 既期權就發達喇, 我諗升左 30%都有
搞到我宜家星期六都冇乜去 city super 買野
反而去 jusco 買仲抵, 我諗一半既價錢可以買到比 city super 新鮮既材料
話就話有張 5% off 既 city super 咭姐
但係你咁加價, 俾 10% 都唔得你死啦, 痴線
睇樣都知碟野叫咩名啦可~~~?
三文魚皮脆肉又多汁, 宜家打番篇野都覺得想食
突然間回想番當日食果時既味道
而意粉雖然好似好乾身咁, 但係絕對唔會畚左痴埋一舊
點整我就唔知喇, 只係知好香忌廉味, 唔似用普通我地屋企整蛋糕果隻
美國既 1855 牛扒 加 落左truffle 既 薯蓉
1855 我只係知 jusco 有得賣, 而我都買過番屋企食都真係好好食
理論上一塊唔多油既牛扒, 出黎應該冇咁香
而且外表係好硬身, 但係lee 度又唔會喎
我估仍係煎香兩面拎去焗
我成日都會諗, 香港作為一個金融中心
住屋問題唔係政府當務之中既問題, 基層既問題慢慢解決
我地個政府仲有咩用?? 係!! 冇錯, 我係 80後既青年!!!
想安穩少少慢慢食一塊靚牛扒都難
lee 個好似係雞......我只係知個雞卷成一舊去皮, 包煙肉
煎香再拎去焗, 再加番d汁上面, 好似好簡單
雖然好多時煮一樣野都好似好簡單
但係心思同步驟都考起唔少人
好似蔡生咁俾一隻蛋個廚房, 做出自覺最好食既味道
問 10個廚房都有 10 個唔同方法
雖然蛋係簡單, 但係愈簡單就愈難控制
就好似我咁, 想整個溫泉蛋, 整左 12隻都未有一隻成功
鋪仔細細, 我諗最多可以 坐 30人
聽講仲可以包場, 到時食咩都得, 聽落唔錯
不過我點會有 30人出黎食一餐飯丫.......痴線
偷影老板娘個女, 睇佢好似好後生咁, 原來都已為人母
四個人 又開酒又食蠔又食牛, 都係 大約350蚊一個人
雖然食既都係大路野, 但係價錢公道囉......
不過都係食 tea 同埋食 晚飯好喇, lunch 因為多學生, 所以質數麻麻地..
地址: 筲箕灣東大街28號地下
