日木仙台地震單野日講夜講......就黎個個香港人都變專家......
所以我都係唔講喇, 等事情平靜左d先啦.....
祝福日本..........
lee 個包其實都幾好食......
麵包: 屋企樓下麵包鋪出既麥包
漢堡牛肉: city super d 特價 28蚊貨色
醬汁: 自己用蛋黃欖油, 醋, 糖, 芥末子, 檸檬汁, 0急汁 打出黎既蛋黃醬
再用新買既 LC grill pan 煎出黎.....哈哈........好食!!!!
原來 28蚊既牛肉都唔差架喎.......下次可以再留意下先...
題外話
首先講明, 唔係我公司既情況
我真係唔明點解咁多人咁鍾意自己份工
又比人早番.....又比人遲走......
老老實實, 0係香港真係唔係太多機會搵到自己鍾意既工種
再加上香港宜家咁 奇怪既居住環境
真係好想政府對地產商做番d野..
如果唔係香港好快就變番做又36唔做又36既情況
都唔講大陸人黎香港搶飯碗先啦.
就講下番工時間先.
本身一間公司 90% 既人都係遲番一個鐘
但係就開幾個鐘 OT 先走
即係公司都算有賺丫
大佬呀, 話曬 OT 咁耐, 番到屋企都沖涼訓啦
遲番去好正常丫, 你宜家叫人準時番工
但係又要人開 OT
我同你計計數喇又....
當你 10000 蚊人工, 番 10 放 6, 食飯一個鐘 即係7個鐘
一星期番 5日半, 即係22日, 即係454 蚊一日 再除每日既8個鐘
即係實際每一個小時有 56蚊, 之但係, 香港人平均黎講都要 OT 幾個鐘
當你每日 開 2小時 OT, 換句話說 得番 45.4 蚊一個小時
你宜家仲要叫早d番工, 即係再扣人工!!!!!!
都唔知你地班老細諗乜, 你唔夠人就請人啦
如果果個人係幫唔到你做你想要既野就炒啦.
不停要人開OT, 又唔係有咩著數........如果全公司既人都 按章工作你就大鑊
我講明我都唔開 OT 架!!!! 我覺得好唔抵, 要用我咁多私人時間
又唔係又得分......真係做唔做都係咁多人工.......無必要丫
做好自己本份就算喇...
老老實實, 宜家一個正常普通人既人工, 10000 蚊真係唔係好夠
夠你食定夠你住呢?? 仲講結婚.....仲要唔好唔記得如果有屋企負擔的話
就完全唔可以唔做lee 份工, 只有死做, 同埋做死......真係好慘.....
以前都話 你做幾多搵幾多........宜家真係做黎做去都係咁多
仲要不停受氣, 而且又冇得升.....心理身理都有問題.....
對公司既同事多過見自己個仔, 就黎個仔叫個工人做亞媽都唔知你係乜水
又要供樓, 養仔, 食飯, 請工人......我諗一個家庭冇 4萬都唔係好夠洗...囉
仲未計儲錢喎.......去旅行喎......唉..........
