譜出健康新滋味，李錦記Blogger大激鬥
原來李錦記個比賽由原來的3月27日延至4月4日,投票截止日期仍然維持於4月9日!
唔好以為宜家先比賽就一定會輸呀~~
我聽佢地講原來人氣只係其中一個考慮因數
雖然我宜家只係排第四, 但係話唔定會比你地新加入既朋友入決賽架
其實我都唔知應該幫自己拉票定係幫其他好
因為我眼見真係有好多朋友都好合主題
而且好有創意.......相比自己果個真係......我都冇眼睇..
就好似
Athena & Joe - 沙律XO醬雞卷
你話邊有可能諗到咁創新 沙律溝 XO醬丫
雖然有曬食譜, 但係我就唔會自己整喇
希望到時入到決賽, 比我試左個味先再自己整
不過我覺得用少少生粉埋口同埋用繩紮住黎煎會好d
大蚊 - 麻婆豆腐野菌千層麵
我有睇過個做法, 我覺得可以再大膽d
例如個肉可以煮得杰身d, 同埋再大膽d落d 車打芝士一齊煮
同埋有一刻好想lee 個菜式係凍食, 換上豬手, 煮出膠質
焗至收水, 放入雪櫃凍食, 唔知係點架呢??
不過我睇完我就好想跟佢個idea 煮, 唔錯唔錯!!
chun fai - 雀巢幻彩牛柳粒
講外型做型一定係 lee 碟夠殺食!!
出黎既感覺俾我係好專業既感覺
你話邊會有人咁好心機慢慢炸個食得既雀巢丫
仲有青紅椒舊舊都一樣size
睇個賣相就知好食啦
Rossetti - 士多啤梨醉雞翼
仲有一碟係我好想試下咩味既菜式
睇番佢個食譜, 話有蒜蓉, 醉雞汁, 同埋士多啤梨
而且仲要浸一晚先食得, 雖然係一個好創新既食法
但係諗深一層, 士多啤梨可能係一個吊起醉雞汁既工具
而再幻想一下, 醉雞汁同士多啤梨既味應該會唔錯
不過我覺得浸好之後唔好即刻食, 後而拎去炸一次會出味好多
東主 - 鮮辣牛小排
客觀睇lee 碟野, 真係冇咩特別
又咖哩又蝦醬, 諗起都反胃
仲叫我投佢票, 有冇搞錯!!!!!!!
主題講明有健康元素, 我睇黎睇去都唔覺健康囉唔該
又要又油, 又要炸, 又要食牛
不過最難就係做到不油不膩既感覺
祕訣在於用上日本輻射大葉
一齊食真係別有一番味道...
比賽進行左一半既時間
而我既排名係第四, 只有 148票
睇黎我都要比心機叫多d朋友幫手投票同埋宣傳下喇
如果係輸都唔會輸得太樣衰, 哈哈
老老實實, lee 個比賽羸左好似有 成萬蚊既獎金獎品
如果係玩就快喇, 因為去到 4月4 架咋
再講一次!!!! 我聽大會講, 揀入決賽既菜式唔一定係人氣高入圍!!
仲有好多因數先可以入決賽!!
所以你宜家先入黎玩的話未必入唔到決賽架!!!!
心水清既朋友我諗你都知我打lee 個post既原因啦!!!
咪就係廣告時間囉!!!! 仲唔快d投票俾我!!!!!!!!!!!!!! 哈
