有幾麻煩呀!? 今次玩大佢!!
煮好個三文魚骨做既湯, 再煎魚, 再煮意粉, 所有意粉都會吸曬所有湯....好食呢!!
落少少薑同埋油煎香三文魚骨, 同埋洋蔥, 放滾水, 再落一條百里香
我諗煮大約 1個鐘, 落節瓜半個, 再煮 15分鐘左右....
隔水, 備用........所有渣都唔要......
同時間煎三文魚, 上少少生粉同埋黑椒
煮意粉至 5成熟, 放入鑊同埋D 湯一齊煮至 收左一半水
調味....再落切得超幼既節瓜, 同埋半隻辣椒
其實宜家都可以當湯意粉食架喇.........
不過 我將一半三文魚拆肉再放落去煮, 再煮收差唔多收曬水
再落好多欖油...做成一個 creamy 既 汁.....
再飲番個日本啤油.......啤啤佢!!!! 爽呀!!
其實我想講呢........
煎三文魚骨果時, 可以當一碟小食架喇...
之後 個湯又可以一個菜式...
之後湯意粉又一個菜式....
煎三文魚又一個......
再最後先出到一碟意粉.............我都覺得自己好犀利...
咁都俾我諗到咁煮.....哈哈
題外話
唔知大家仲記唔記得十幾年前有間野叫農場餐廳??
我細細個好鍾意去食架!!
果時夜晚屋企係得我同亞媽兩個0係屋企食
咁兩個人點會成日煮丫, 嘥時間心機
所以唔係食新源昌就係食 農場餐廳
lee 兩間餐廳 係我住果條街其中兩間最多人食既餐廳之一
新源昌出名燒鵝, 例水, 叉燒
而農場餐廳就出名食豉油西餐, 港式西餐
燒味唔洗我講啦, 我諗大家都有幾間心水
而農場餐廳既味道就反而一直都搵唔番.
直到去左杏花村 既 club.....好似杏花軒
環境, 湯, 食物 都帶俾我細個果時既感覺
最搞笑果樣野係價錢仲平過當時既農場餐廳
如果有人好掛住農場的話
我誠意推介杏花軒俾大家~~
拿拿拿!! 講明先, 我唔係講佢好食
而只係講佢係農場餐廳既代替 咋~~
